Gulam Nabi Azad: పాక్‌కు వెళ్లని అదృష్టవంతుల్లో నేనూ ఒకడ్ని.. భారతీయ ముస్లింగా గర్విస్తున్నా: ఆజాద్ – i feel proud to be a hindustani muslim, says gulam nabi azad in his farewell speech

0
30


ప్రధానాంశాలు:

  • సభ్యుల వీడ్కోలు వేళ రాజ్యసభలో ఉద్వేగ క్షణాలు.
  • ఆజాద్ గురించి మాట్లాడుతూ ప్రధాని మోదీ కన్నీళ్లు.
  • భారతీయుడిగా గర్విస్తున్నాాననంటూ ఆజాద్ భావోద్వేగం.

రాజ్యసభలో కాంగ్రెస్ ఎంపీ గులామ్ నబీ ఆజాద్ సహా నలుగురి సభ్యుల పదవీకాలం ముగియనుండటంతో వీడ్కోలు కార్యక్రమం జరిగింది. ఈ సందర్భంగా జరిగిన చర్చలో ఆజాద్ గురించి మాట్లాడుతూ ప్రధాని నరేంద్ర మోదీ భావోద్వేగానికి గురయిన విషయం తెలిసిందే. వీడ్కోలు ప్రసంగంలో ఆజాద్ మాట్లాడుతూ.. నేను భారతీయ ముస్లింగా ఎంతో గర్విస్తున్నానని అన్నారు. ‘పాకిస్థాన్‌కు వెళ్లని అదృష్టవంతులలో నేను కూడా ఉన్నాను.. పాక్ పరిస్థితుల గురించి చదివినప్పుడు, నేను హిందుస్తానీ ముస్లిం అని గర్వపడుతున్నాను’ అని భావోద్వేగానికి గురయ్యారు.

తాను జమ్మూ కశ్మీర్ ముఖ్యమంత్రిగా ఉన్నప్పుడు 2006లో గుజరాత్ పర్యాటకులపై కశ్మీర్‌లో జరిగిన ఉగ్రదాడి గురించి ఆజాద్ ఈ సందర్భంగా గుర్తుచేసుకున్నారు. ఈ రోజు నేను ఇక్కడ ఉన్నానంటే దానికి ఇందిరా గాంధీ, రాజీవ్ గాంధీలే కారణమని అన్నారు. పదవీకాలం ముగియనున్న పీడీపీ సభ్యుడు నజీర్ అహ్మద్ లావే మాట్లాడుతూ.. జమ్మూ కశ్మీర్‌ను అభివృద్ధి చేయాల్సిన అవసరం ఉందన్నారు. తమ రాష్ట్రంపై ప్రత్యేక దృష్టి సారించాలని ప్రధాని నరేంద్ర మోదీని కోరారు.

గులాంనబీ ఆజాద్ విషయంలో కేంద్ర మంత్రి రాందాస్ అథవాలే సంచలన వ్యాఖ్యలు చేశారు. కొన్ని రోజుల్లోనే రాజ్యసభ సభ్యునిగా పదవీ విరమణ చేయనున్న ఆజాద్‌కు ఆయన తమ పార్టీ నుంచి నామినేట్ చేస్తామని అన్నారు.‘మీరు కచ్చితంగా మళ్లీ సభలోకి ప్రవేశించాలి. కాంగ్రెస్ మిమ్మల్ని నామినేట్ చేయకపోతే, రాజ్యసభకు నామినేట్ చేయడానికి మేం సిద్ధమే. రాజ్యసభకు మీ అవసరం ఉంది.’ అని అథవాలే ఆజాద్‌ను ఉద్దేశించి వ్యాఖ్యానించారు.

రాజ్యసభలో కాంగ్రెస్ పక్ష నేతగా గులాంనబీ ఆజాద్ వ్యవహరిస్తున్నారు. ఫిబ్రవరి 15తో ఆయన రాజ్యసభ పదవీ కాలం ముగియనుంది.

LEAVE A REPLY

Please enter your comment!
Please enter your name here