Gujarat Municipal Elections: గుజరాత్‌‌లో ఆప్‌ పాగా.. కేజ్రీవాల్‌కు కొత్త జోష్, ఎంఐఎం తొలిసారిగా – gujarat civic polls: aam aadmy party shines in surat, aimim won 7 seats in ahmedabad

0
18


మ్ ఆద్మీ పార్టీకి కొత్త జోష్ వచ్చింది. ప్రధాని మోదీ సొంత రాష్ట్రం గుజరాత్‌లో పాగా వేసింది. ఢిల్లీ తర్వాత పంజాబ్, గోవాలో ఆ పార్టీ విస్తరణకు ఇప్పటికే అవకాశం ఏర్పడగా.. తాజాగా గుజరాత్‌లోనూ ఆశలు రేపింది. గుజరాత్ స్థానిక సంస్థల ఎన్నికల్లో కొన్ని స్థానాలను గెలుచుకుంది. ఈ విజయం ఇచ్చిన ఉత్సాహంతో ఆమ్ ఆద్మీ పార్టీ చీఫ్, ఢిల్లీ ముఖ్యమంత్రి కేజ్రీవాల్ గుజరాత్‌లో పర్యటించడానికి సిద్ధమయ్యారు.

గుజరాత్ స్థానిక సంస్థల ఎన్నికల ఫలితాలు మంగళవారం (ఫిబ్రవరి 23) వెలువడ్డాయి. ఎప్పిటిలాగే అధికార బీజేపీ తిరుగులేని ఆధిపత్యాన్ని ప్రదర్శించింది. మొత్తం 547 స్థానాలకు గాను 543 స్థానాల్లో ఎన్నికలు జరగ్గా.. 450 స్థానాల్లో బీజేపీ అభ్యర్థులు విజయం సాధించారు. కాంగ్రెస్‌ 58, ఆమ్‌ ఆద్మీ పార్టీ 27, ఇతరులు 8 స్థానాల్లో గెలుపొందారు. బీజేపీకి తిరుగులేని మెజార్టీ కట్టబెట్టిన గుజరాత్ ప్రజలకు ప్రధాని మోదీ ధన్యవాదాలు తెలిపారు.

ప్రత్యేక ఆకర్షణగా సూరత్
గుజరాత్‌లో ఆరింటికి ఆరు కార్పొరేషన్లలోనూ బీజేపీ ఆధిపత్యం ప్రదర్శించింది. అయితే.. సూరత్‌ కార్పొరేషన్‌ ఫలితాలు ప్రత్యేక ఆకర్షణగా నిలిచాయి. ఈ కార్పొరేషన్‌లో మొత్తం 120 వార్డులు 120 ఉండగా.. బీజేపీ 93 గెలుచుకుంది. ఆమ్‌ ఆద్మీ పార్టీ 27 స్థానాల్లో గెలుపొందింది. ఈ కార్పొరేషన్‌లో కాంగ్రెస్‌కు ఒక్క సీటు కూడా రాకపోవడం గమనార్హం.

సూరత్ ఫలితాలపై ఆమ్‌ ఆద్మీ పార్టీ అధినేత అరవింద్‌ కేజ్రీవాల్‌ హర్షం వ్యక్తం చేశారు. ఫిబ్రవరి 26న సూరత్‌లో పర్యటించడానికి సిద్ధమయ్యారు. ఢిల్లీ పాలన గుజరాత్‌కు అవసరమని ఆమ్ ఆద్మీ పార్టీ పేర్కొంది. గుజరాత్ అసెంబ్లీ ఎన్నికల నాటికి పార్టీని మరింత బలోపేతం చేసే దిశగా కేజ్రీవాల్ దృష్టి సారించినట్లు తెలుస్తోంది.

ఉనికి చాటుకున్న మజ్లిస్ పార్టీ
అసదుద్దీన్ ఓవైసీ నేతృత్వంలోని ఎంఐఎం పార్టీ కూడా గుజరాత్‌లో తన ఉనికి చాటుకుంది. అహ్మదాబాద్ మున్సిపల్ కార్పొరేషన్‌లో ఏడు స్థానాలను కైవసం చేసుకుంది. 21 స్థానాలున్న ఈ కార్పొరేషన్‌లో 7 స్థానాల్లో గెలుపొందడం ఆ పార్టీలో కొత్త ఉత్సాహాన్ని నింపింది.

గుజరాత్ ఎన్నికల్లో ఆమ్ ఆద్మీ పార్టీ, ఎంఐఎం తొలిసారిగా పోటీ చేశాయి. పోటీ చేసిన తొలిసారే ప్రభావం చూపడం ఈ రెండు పార్టీల్లో నయా జోష్ నింపింది. ముఖ్యంగా ఆమ్ ఆద్మీ పార్టీకి ఓటింగ్ శాతం బాగా పెరిగింది. అనేక స్థానాల్లో బీజేపీ తర్వాత రెండో స్థానంలో ఆప్ అభ్యర్థులే నిలిచారు.

LEAVE A REPLY

Please enter your comment!
Please enter your name here