gujarat cm collapse: ప్రసంగం చేస్తూ కూలబడిపోయిన ముఖ్యమంత్రి.. హుటాహుటిన ఆస్పత్రికి – gujarat cm vijay rupani collapsed while delivering public speech in vadodara

0
22


ప్రధానాంశాలు:

  • బహిరంగ సభలో ప్రసంగిస్తూ కూలబడిపోయిన సీఎం
  • వెంటనే ఆస్పత్రికి తరలించిన భద్రతా సిబ్బంది, పార్టీ నేతలు
  • ఆరోగ్యం కుదుటపడిందని వైద్యుల ప్రకటన

గుజరాత్ ముఖ్యమంత్రి విజయ్ రూపానీ ఉన్నట్టుండి ఒక్కసారిగా అస్వస్థతకు గురయ్యారు. వడోదరలో ఎన్నికల ప్రచారంలో బహిరంగ సభలో మాట్లాడుతున్న ఆయన ప్రసంగిస్తూనే కూలబడిపోయారు. సెక్యూరిటీ సిబ్బంది పట్టుకున్నా కింద పడిపోయారు. సీఎం స్టేజీపై పడిపోవడంతో అక్కడున్న అందరూ షాక్‌కు గురయ్యారు. దీంతో వెంటనే సీఎంను ఆస్పత్రికి తరలించారు. విజయ్ రూపానీకి లో బీపీ రావడం వల్ల కళ్లుతిరిగి పడిపోయారని బీజేపీ నేతలు చెప్పారు.

అయితే, సీఎం ఆరోగ్యం బాగానే ఉందని, ఎలాంటి సమస్యా లేదని వైద్యులు స్పష్టం చేశారు. కొద్దిసేపు విశ్రాంతి తీసుకున్నాక ఆయన ఆరోగ్యం కుదుటపడిందని చెప్పారు. విజయ్ రుపానీకి నిన్నటి నుంచి ఆరోగ్యం బాగోలేదని సన్నిహిత వర్గాలు తెలిపాయి. ముఖ్యమంత్రికి మెరుగైన చికిత్స అందించిన తర్వాత ఆయన చక్కగా నడుచుకుంటూ వచ్చి కారులో వెళ్లారని చెప్పారు.

ముఖ్యమంత్రి స్టేజీపై పడిపోయిన సమయంలో బీజేపీ ఎంపీలు, ఎమ్మెల్యేలు, స్థానిక నేతలు ఉన్నారు. గుజరాత్‌లో ప్రస్తుతం స్థానిక సంస్థల ఎన్నికలు జరుగుతున్నాయి. గత అసెంబ్లీ ఎన్నికల్లో పలుచోట్ల బీజేపీకి ఎదురుగాలి తగలడంతో ఈసారి స్థానిక సంస్థల ఎన్నికల్లో సత్తా చాటాలని నిశ్చయంతో ఉన్నారు. ఇందుకోసమే సీఎం విజయ్ రూపానీ కూడా ఎన్నికల ప్రచారంలో పాల్గొంటున్నారు. నిజాంపురా, కరేలీబాగ్, తార్సాలీ ప్రాంతాల్లో ఆయన ముమ్మర ప్రచారం చేశారు. ఈ క్రమంలో వడోదరలో ఏర్పాటు చేసిన ఎన్నికల ప్రచార సభలో విజయ్ రుపానీ మాట్లాడుతుండగానే కూలబడిపోయారు.

వీడియో: ప్రసంగం చేస్తూ ఒక్కసారిగా కూలిపోయిన సీఎం.. వెంటనే ఆస్పత్రికి..

LEAVE A REPLY

Please enter your comment!
Please enter your name here