Greta Thunberg: రైతుల ఆందోళనకు మద్దతుగా ట్వీట్లు.. స్పెయిన్ బాలికపై ఢిల్లీ పోలీసులు కేసు – delhi police files case against climate campaigner greta thunberg over tweets on farmers’ protest

0
28


ప్రధానాంశాలు:

  • రైతుల ఆందోళనపై అంతర్జాతీయ సెలబ్రిటీల ట్వీట్లు.
  • స్వీడన్ బాలిక గ్రెటాపై కేసు నమోదుచేసిన ఢిల్లీ పోలీసులు.
  • మతాల మధ్య విద్వేషం రెచ్చగొట్టేలా ట్వీట్ చేసినట్టు ఆరోపణ.

పర్యావరణ కాలుష్యంపై పోరాటం చేస్తూ ప్రపంచవ్యాప్తంగా గుర్తింపు పొందిన ఉద్యమకారిణి, స్వీడన్ బాలిక గ్రెటా థన్‌బర్గ్.. భారత్‌లో వ్యవసాయ చట్టాలకు వ్యతిరేకంగా రైతులు చేపట్టిన ఆందోళనకు మద్దతు తెలిపిన విషయం తెలిసిందే. పలువురు సెలబ్రిటీలు చేసిన ట్వీట్లపై భారత విదేశాంగ శాఖ తీవ్రంగా స్పందించింది. ఈ నేపథ్యంలో థన్‌బర్గ్‌పై ఢిల్లీ పోలీసులు కేసు నమోదుచేశారు. ట్వీట్ల ద్వారా నేరపూరిత కుట్ర, మతాల మధ్య చిచ్చుపెట్టేలా ప్రోత్సహిస్తున్నారంటూ ఆమెపై కేసు నమోదయ్యింది. రైతుల ఆందోళనపై పాప్ సింగర్ రిహన్నా మంగళవారం ట్వీట్ చేయగా.. ఆ తర్వాత థన్‌బర్గ్ తొలిసారి ట్విట్టర్ ద్వారా స్పందించారు.

‘ఆందోళన చేస్తున్న భారతీయ రైతులకు సంఘీభావం తెలుపుతున్నాం.. తాము అండగా ఉంటాం’అని గ్రెటా థన్‌బర్గ్ ట్వీట్ చేస్తూ.. సీఎన్ఎన్ రాసిన కథనాన్ని పోస్ట్ చేశారు. అంతటితో ఆగకుండా రైతుల ఉద్యమానికి మద్దతు ఎలా తెలియజేయాలో పేర్కొంటూ ‘టూల్‌కిట్’ పేరుతో గురువారం ఓ ట్వీట్ చేశారు. రైతులకు మద్దతు తెలియజేసే సమాచారం గురించి గత రాత్రి ఇటువంటి ‘టూల్‌కిట్’‌నే పోస్ట్‌చేసిన గ్రెటా.. దానిని గురువారం ఉదయం తొలిగించి ఇది అప్‌డేట్ లిస్ట్ అంటూ మరో ట్వీట్ చేసింది.

అంతేకాదు, ఫిబ్రవరి 13, 14 తేదీల్లో దగ్గరలో ఉన్న భారత రాయబార కార్యాలయాల వద్ద ఆందోళనలు నిర్వహించాలని సూచించింది. అటు, నూతన సాగు చట్టాలను వ్యతిరేకిస్తూ చేపట్టిన ఉద్యమాన్ని మరింత ఉద్ధృతం చేసే దిశగా అన్నదాతలు ముందుకు సాగుతున్నారు. బుధవారం యూపీ, హరియాణాలో మహాపంచాయత్‌ను రైతు సంఘాలు నిర్వహించాయి. వ్యవసాయ చట్టాలను రద్దు చేయకపోతే ప్రభుత్వం మనుగడ కష్టంగా మారుతుందని పరోక్షంగా కేంద్రాన్ని హెచ్చరించారు. రైతుల ఆందోళన ఇలాగే కొనసాగితే ప్రభుత్వం అధికారాన్ని కోల్పోతుందని అన్నారు.

LEAVE A REPLY

Please enter your comment!
Please enter your name here