Gaali Sampath Story: ‘గాలి సంపత్’ అంటే గాలికి తిరిగేవాడు కాదు.. కథ మొత్తం చెప్పేసిన అనిల్ రావిపూడి – anil ravipudi reveals gaali sampath story

0
25


ప్రధానాంశాలు:

  • రాజేంద్ర ప్రసాద్ ప్రధాన పాత్రలో ‘గాలి సంపత్’
  • శ్రీవిష్ణు, లవ్‌లీ సింగ్ హీరోహీరోయిన్లు
  • దర్శకత్వం వహించిన అనీష్

‘‘గాలి సంపత్ అంటే గాలికి తిరిగేవాడు.. గాలోడు అని చాలా మంది అనుకుంటారు. కానీ, ఈ సినిమాలో గాలి సంపత్ అంటే అదికాదు’’ అని అన్నారు ప్రముఖ దర్శకుడు అనిల్ రావిపూడి. అనిల్ సమర్పిస్తూ ఆయన స్నేహితుడు, రైటర్ ఎస్.కృష్ణను నిర్మాతగా పరిచయం చేస్తూ రూపొందిస్తోన్న సినిమా ‘గాలి సంపత్’. అనిలే ఈ సినిమా స్క్రీన్‌ప్లే అందించారు. దర్శకత్వ పర్యవేక్షణ కూడా చేశారు. గాలి సంపత్‌గా టైటిల్‌ రోల్‌లో నటకిరీటి రాజేంద్ర ప్రసాద్ నటించారు. ఆయన కొడుకుగా, హీరోగా శ్రీవిష్ణు కనిపించనున్నారు.

అనీష్ దర్శకత్వం వహించిన ఈ సినిమాను షైన్ స్క్రీన్స్ సంస్థతో కలిసి ఇమేజ్ స్పార్క్‌ ఎంటర్‌టైన్మెంట్ బ్యానర్‌పై ఎస్.కృష్ణ నిర్మిస్తున్నారు. శ్రీ విష్ణు సరసన ల‌వ్‌లీ సింగ్ హీరోయిన్‌గా నటించిన ఈ సినిమాను మ‌హాశివ‌రాత్రి కానుక‌గా మార్చి11న విడుదల చేయడానికి సన్నాహాలు జరుగుతున్నాయి. అయితే, చిత్ర ప్రచారంలో భాగంగా ‘గాలి సంపత్’ యూనిట్ ఆదివారం మీడియా ముందుకు వచ్చింది. హైదరాబాద్‌లోని ప్రసాద్ ల్యాబ్స్‌లో ప్రెస్ మీట్ నిర్వహించి చిత్ర వివరాలను వెల్లడించింది. ఈ సమావేశంలో అనిల్ రావిపూడి, దిల్ రాజు, ఎస్.కృష్ణ, అనీష్, షైన్ స్క్రీన్స్ అధినేతలు సాహు గారపాటి, హరీష్ పెద్ది పాల్గొన్నారు.

వీడియో: పాపకు జన్మనిచ్చిన ఏపీ డిప్యూటీ సీఎం.. ఇంటికెళ్లి శుభాకాంక్షలు చెప్పిన రోజా
ఈ సందర్భంగా అనిల్ రావిపూడి మాట్లాడుతూ.. ‘‘ఈ సినిమా కథ పుట్టింది నా రైటర్ ఎస్.కృష్ణ దగ్గర. నేను చేసిన ప్రతి సినిమా స్టోరీ సిట్టింగ్స్‌లో తను చాలా కీలక పాత్ర పోషించేవాడు. ఆయన తొలిసారి సొంతంగా ఒక కథ రాసి, ఆయనే నిర్మాతగా మారాలనుకుని నాకు చెప్పాడు. నాకు కథ నచ్చి ఆయనకి సపోర్ట్‌గా ఉండి.. ఆ కథకు కావాల్సిన అన్ని రకాల హంగులను నేను సమకూర్చాను. ఈ సినిమాను నిర్మించడానికి షైన్ స్క్రీన్స్ సాహు, హరీష్ ముందుకొచ్చారు. ఇమేజ్ స్పార్క్ ఎంటర్‌టైన్మెంట్ బ్యానర్‌పై ‘గాలి సంపత్’ అనే సినిమాతో ఎస్.కృష్ణ నిర్మాతగా మీకు పరిచయం కాబోతున్నాడు’’ అని వెల్లడించారు.

Gaali Sampath Press Meet

‘గాలి సంపత్’ ప్రెస్ మీట్‌లో చిత్ర యూనిట్

అయితే, కథ ఇచ్చిన తరవాత కూడా అది తనను వెంటాడుతూనే ఉందని అన్నారు అనిల్. ఈ కథలో ఉన్న మ్యాజిక్ ఏమాత్రం దెబ్బతినకుండా ఉండేందుకు తాను కూడా ఈ సినిమా టీంలో భాగమై ట్రావెల్ చేశానన్నారు. ఎలాంటి ఇగోలు లేకుండా ఈ సినిమా కోసం పనిచేమని.. ఈ విషయంలో దర్శకుడు అనీష్‌కు థాంక్స్ అని అనిల్ అన్నారు. ఈ క్రమంలో అసలు ‘గాలి సంపత్’ కథ ఏంటి అనే విషయంపై అనిల్ క్లారిటీ ఇచ్చారు. ‘గాలి సంపత్’ అంటే అందరూ గాలికి తిరిగేవాడు అనుకుంటారని.. కానీ కథ అది కాదని వెల్లడించారు.

ఫ్యామిలీతో కలిసి ‘ఉప్పెన’ మూవీ చూసిన బాలయ్యబాబు.. మెగా హీరోపై నందమూరి నటసింహం కామెంట్స్
‘‘పోస్టర్‌ను గమనిస్తే రాజేంద్ర ప్రసాద్ గారి గొంతు కింద ఒక కట్ కనిపిస్తుంది. గొంతుకు ప్రమాదం జరిగి ఆయన నోటి లోనుంచి మాట రాదు.. గాలి మాత్రమే వస్తుంది. ఇదే ఈ సినిమా కాన్సెప్ట్. అదే నాకు ఎగ్జయిటింగ్‌గా అనిపించింది. ‘బాహుబలి’ సినిమాలో కిలికి భాష ఉంటుంది. అది అర్థంకాదు. అలాగే, రాజేంద్ర ప్రసాద్ గారు ఈ సినిమాలో ఒక చిలిపి లాంగ్వేజ్ మాట్లాడారు. ఫిఫిఫీ లాంగ్వేజ్. అది మీ అందరినీ ఎంటర్‌టైన్ చేయబోతుంది. ఆ ఫిఫిఫీ లాంగ్వేజ్‌ను అందంగా ట్రాన్స్‌లేట్ చేస్తూ బోలెడన్ని కామెడీ సీన్స్ ఉంటూ దాంట్లో తండ్రీకొడుకుల మధ్య అందమైన భావోద్వేగం ఉన్న అద్భుతమైన కథ ఇది.

ఈ సినిమాలో నాకు నచ్చిన మరో అంశం.. ఒక 30 అడుగుల నుయ్యిలో మాటలు రాని ఒక గాలి సంపత్ పడిపోతే దానిలో నుంచి ఎలా బయటకు వస్తాడు అనేది సెకండాఫ్ సినిమా. ఇది కచ్చితంగా చాలా ఎంగేజింగ్‌గా, థ్రిల్లింగ్‌గా, మిమ్మల్ని ఆకట్టుకునేలా ఉంటుంది. ఈ సన్నివేశాలన్నీ అద్భుతంగా రావాలని నేను కూడా ఈ సినిమాకు పనిచేశాను. నా సినిమాల్లో ఎలాంటి ఎంటర్‌టైన్మెంట్ అయితే ఉంటుందో ఇందులో అదే విధంగా ఉంటుంది. నా సినిమాలను ఆదరించినట్టే ఈ సినిమానూ ఆదరించాలని కోరుకుంటున్నాను. టీజర్, ట్రైలర్ రెడీ అవుతున్నాయి త్వరలోనే మీ ముందుకు తీసుకొస్తాం’’ అని అనిల్ వెల్లడించారు. ఈ సినిమాను దిల్ రాజు డిస్ట్రిబ్యూట్ చేస్తున్నారు.

LEAVE A REPLY

Please enter your comment!
Please enter your name here