forcible conversion in pakistan: ఉగ్రవాదాన్ని పెంచి పోషించడంలోనే కాదు అందులోనూ పాక్‌ది అగ్రస్థానమే! – each year 1,000 pakistani girls forcibly converted to islam says human rights commission

0
23


ఉగ్రవాదుల స్వర్గంగా మారిన దాయాది పాకిస్థాన్‌.. మైనార్టీలపై దురాగతాలు, బలవంతపు మతమార్పిడిలోనూ ముందు వరుసలో నిలిచింది. ఏటా 1,000 మంది బాలికలను బలవంతంగా ఇస్లాంలోకి మారుస్తున్నట్టు మానవ హక్కుల కమిషన్‌ వెల్లడించింది. ముఖ్యంగా సింధు ప్రావిన్సులోని ఆర్థికంగా వెనుకబడిన హిందువులను ఈ కూపంలోకి లాగుతున్నారని కమిషన్‌ తెలిపింది. సన్నిహితులు, బంధువులు, శక్తివంతులైన భూస్వాములు ఈ నీచకృత్యాలకు పాల్పడుతున్నట్లు ఆక్షేపించింది.

మైనార్టీ మతాలకు చెందిన బాలికలను అపహరించి, మైనర్ తీరకుండానే వివాహం చేస్తున్నట్లు తెలిపింది. పేదలకు రుణాలను ఎరగా వేసి భరణం కింద ఆయా కుటుంబాలకు చెందిన బాలికలను మతం మారుస్తున్నట్టు పేర్కొంది. ఆర్థికంగా అప్పుల్లో కూరుకుపోయిన కుటుంబాలే లక్ష్యంగా జరుగుతున్న ఈ మత మార్పిళ్లు లాక్‌డౌన్‌ కాలంలో మరింత పెరిగాయని పేర్కొంది. ఈ అంశంపై తీవ్ర అభ్యంతరం తెలిపిన అమెరికా… మత స్వాతంత్రపు హక్కులను పాకిస్థాన్‌ ఉల్లంఘిస్తోందని దుయ్యబట్టింది.

తనను క్రైస్తవం నుంచి బలవంతంగా ఇస్లాంలోకి మార్చి ఇద్దరు పిల్లలున్న 45 ఏళ్ల వ్యక్తి పెళ్లిచేసుకున్నాడని నెహా (పేరు మార్చాం) అనే 14 ఏళ్ల వయసున్న బాధితురాలు వాపోయింది. అసోసియేటెడ్ ప్రెస్‌తో తన గోడును వెళ్లబోసుకుంది. మైనర్‌ను వివాహం చేసుకోవడంతో అతడిపై అత్యాచారం కేసు నమోదుచేసి, జైలుకు తరలించారు. అతడు ప్రస్తుతం జైల్లో ఉన్నాడు, కానీ ఆమె అజ్ఞాతంలో ఉంది.

మైనారిటీ హిందూ, క్రిస్టియన్, సిక్కు వర్గాలలోని తక్కువ వయస్సు గల బాలికలను ఇస్లాం మతంలోకి మార్చడానికి అపహరించి, బలవంతంగా వివాహం చేసుకుంటున్నారు.. మైనర్‌లు అత్యాచారానికి గురవుతున్నారు’అని యుఎస్ ఇంటర్నేషనల్ రిలిజియస్ ఫ్రీడమ్ అంచనా ఆధారంగా అమెరికా ఈ ప్రకటన చేసింది.

మైనార్టీ మతాలకు చెందిన బాలికలను బలవంతంగా మతం మార్చి, వెంటనే వివాహం చేసుకుంటారు. ఈ విషయంలో స్థానిక పోలీసులు, అధికారుల సహకారం కూడా ఉంటుందని మానవహక్కుల కార్యకర్తలు ఆరోపిస్తున్నారు. డబ్బుకు ఆశపడి వీటిపై దర్యాప్తుకు నిరాకరించడం, ఫిర్యాదులను స్వీకరించకపోవడం వంటి చర్యలకు పాల్పడుతున్నారని దుయ్యబడుతున్నారు.

LEAVE A REPLY

Please enter your comment!
Please enter your name here