finger millet: కేజీ రాగుల్లో ఎన్ని గింజలుంటాయో తెలుసా.. ఈయన్ని అడిగితే చెబుతారు – karnataka man counts kilo finger millet

0
21


పోషకారమైన రాగులు గురించి అందరికీ తెలిసే ఉంటుంది. అతిచిన్న పరిమాణంలో ఉండే రాగులు కిలోకి ఎన్ని వస్తాయో ఎప్పుడైనా ఆలోచించారు. ఏంటీ తలతిక్క ప్రశ్న.. రాగులును అసలు లెక్కపెట్టడం సాధ్యమవుతుంది అనుకుంటున్నారా.. అయితే ఇలా అసాధ్యమనుకున్న విషయాన్ని సుసాధ్యం చేసి చూపించారు కర్ణాటకు చెందిన శ్రీనివాస్ అనే వ్యక్తి.

కిలోకి ఎన్ని రాగులు వస్తాయని ఎవరిని అడిగినా సమాధానం చెప్పకపోవచ్చు. కానీ శ్రీనివాస్‌ను అడిగితే మాత్రం కేజీకి 3,42,249 గింజలు ఉంటాయని చెబుతారు. ఇలా రాగుల్ని లెక్కించినందుకు ఆయనకు ‘కర్ణాటక బుక్‌ ఆఫ్‌ రికార్డ్స్‌’లో ఇటీవలే చోటు లభించింది. కేజీ రాగుల్ని లెక్కించడానికి ఆయనకు 37 గంటల సమయం పట్టింది. 500 గింజలను ఒక్కో ప్యాకెట్‌ చేసి చివరకు వాటిని లెక్కించగా దాదాపు మూడున్నర లక్షలుగా తేలింది. దీంతో శ్రీనివాస్ ఓపికకు అందరూ సలాం కొడుతున్నారు.

రామనగర జిల్లా చెన్నపట్టణ తాలూకా అబ్బూరు గ్రామానికి చెందిన శ్రీనివాస్‌ సాహితీవేత్త కూడా. బెంగళూరు విశ్వవిద్యాలయం నుంచి అర్థశాస్త్రంలో పీజీ పూర్తి చేసి అనేక పుస్తకాలను రచించారు. ఆహారాన్ని చాలామంది వృథా చేస్తుంటారని, అయితే ఒక్కో గింజను పండించేందుకు రైతులు ఎంతగా శ్రమిస్తారో ప్రజలు తెలుసుకోవాలనే ఉద్దేశంతోనే తాను కేజీకి ఎన్ని రాగులు ఉన్నాయో లెక్కించినట్లు శ్రీనివాస్‌ వెల్లడించారు.

LEAVE A REPLY

Please enter your comment!
Please enter your name here