farmers protest: ఎన్డీయేకు షాక్.. మరో పార్టీ ఔట్, రైతుల ఎఫెక్ట్ – farmers effect: bjp ally rlp withdraws its support to nda over farm laws

0
32


బీజేపీ సర్కార్‌కు రైతు ఉద్యమ సెగ గట్టిగా తగులుతోంది. బీజేపీ నేతృత్వంలోని ఎన్డీయే కూటమి నుంచి మరో పార్టీ వైదొలిగింది. రాజస్థాన్‌కు చెందిన రాష్ట్రీయ లోక్‌ తాంత్రిక్‌ పార్టీ (ఆర్‌ఎల్‌పీ) NDA కూటమి నుంచి వైదొలుగుతున్నట్లు ప్రకటన చేసింది. నూతన రైతు చట్టాలను వ్యతిరేకిస్తూ కూటమి నుంచి బయటికి వస్తున్నట్లు ఆ పార్టీ అధినేత హనుమాన్ బేనీవాల్‌ ప్రకటించారు.

ఆర్‌ఎల్‌పీతో కలిపి ఎన్డీయే కూటమి నుంచి బయటకు వచ్చిన పార్టీల సంఖ్య మూడుకు చేరింది. రైతు చట్టాలను వ్యతిరేకిస్తూ అకాలీదళ్ (పంజాబ్) పార్టీ ఇప్పటికే బీజేపీకి షాక్ ఇచ్చిన సంగతి తెలిసిందే. మోదీ కేబినెట్‌లో మంత్రిగా బాధ్యతలు చేపట్టిన ఆ పార్టీ సభ్యురాలు హర్‌సిమ్రన్ కౌర్ బాదల్ ఆ పదవికి రాజీనామా చేశారు. అంతకుముందే మహారాష్ట్రలో శివసేనతో బీజేపీకి పూర్తిగా చెడిన సంగతి తెలిసిందే.

రైతులకు వ్యతిరేకంగా వ్యవహరించేవారి పక్షాన తాము ఉండబోమని ఆర్‌ఎల్‌పీ అధ్యక్షుడు హనుమాన్ బేనీవాల్ తెలిపారు. శనివారం (డిసెంబర్ 26) ఆయన రాజస్థాన్‌లోని ఆల్వార్‌ జిల్లాలో నిర్వహించిన రైతుల ఆందోళన కార్యక్రమంలో పాల్గొన్నారు.

బీజేపీ పార్టీలో కీలక నేతగా ఎదిగిన బేనీవాల్‌.. 2018లో రాజస్థాన్ ఎన్నికలకు ముందు ఆ పార్టీని వీడి ఆర్‌ఎల్‌పీని స్థాపించారు. 2019లో జరిగిన లోక్‌సభ ఎన్నికల్లో బీజేపీతో పొత్తు పెట్టుకున్నారు. నాటి నుంచి ఆయన పార్టీ ఎన్డీయే కూటమిలో కొనసాగుతోంది.

LEAVE A REPLY

Please enter your comment!
Please enter your name here