Farmers meeting: కుప్పకూలిన రైతు సభ వేదిక.. నేతలకు చేదు అనుభవం, వీడియో – on cam: stage collapse at farmers public meeting in haryana’s jind, leader rakesh tikait falls

రైతుల సభలో అపశ్రుతి చోటు చేసుకుంది. భారతీయ కిసాన్‌ సంఘం నాయకుడు రాకేశ్‌ టికాయిత్‌ పాల్గొన్న సభలో వేదిక ఒక్కసారిగా కూలింది. ఈ ఘటన నుంచి పలువురు కర్షక నేతలు స్వల్ప గాయాలతో బయటపడ్డారు. హర్యానాలోని జింద్‌లో బుధవారం (ఫిబ్రవరి 3) సాయంత్రం ఈ ఘటన వెలుగులోకి వచ్చింది.

మూడు సాగు చట్టాలను రద్దుచేసి, కనీస మద్దతు ధరపై కొత్త చట్టం తీసుకురావాలని రాకేశ్ టికాయిత్ డిమాండ్‌ చేశారు. ఇక ప్రభుత్వం రహదారులపై ముళ్ల కంచెలు, మేకుల ఏర్పాట్లపై స్పందించిన ఆయన, రాజు భయపడినప్పుడే, కోటను రక్షించుకునేందుకు చర్యలు చేపడతాడని ప్రభుత్వాన్ని ఉద్దేశిస్తూ విమర్శలు చేశారు.

‘ఇప్పటి వరకు ‘బిల్‌ వాస్‌సీ’ (సాగు చట్టాల రద్దు) గురించే మాట్లాడాం. ఈ అంశాన్ని ప్రభుత్వం శ్రద్ధగా వినాలి. ఒకవేళ యువత ‘గద్దీ వాప్‌సీ’(అధికారం నుంచి దిగిపోవడం)కి పిలుపునిస్తే మీరేం చేస్తారు?’ అని రాకేశ్‌ టికాయిత్‌ ప్రశ్నించారు.