fake vaccines in china: నకిలీ టీకాల ముఠా గుట్టురట్టు.. 80 మందిని అదుపులోకి తీసుకున్న అధికారులు – china arrests 80 suspects in fake covid-19 vaccine ring says global times

0
27


ప్రధానాంశాలు:

  • నకిలీ కోవిడ్-19 టీకాలతో సొమ్ము చేసుకుంటున్న ముఠాలు.
  • వ్యాక్సిన్‌లను దేశం దాటించి విదేశాలు అక్రమ రవాణా.
  • అధికారుల రైడింగ్‌లో భారీగాా పట్టుబడ్డ టీకాలు.

కోవిడ్ మహమ్మారికి మూల కేంద్రంగా భావిస్తోన్న చైనాలో.. నకిలీ కరోనా వైరస్ రాకెట్ గుట్టురట్టయ్యింది. నకిలీ టీకాల అమ్మకాన్ని గతేడాది సెప్టెంబరులోనే ఈ ముఠా మొదలుపెట్టినట్టు ఆ దేశ అధికార పత్రిక గ్లోబల్ టైమ్స్ వెల్లడించింది. ఈ ఘటనలో మొత్తం 80 మందిని అరెస్ట్ చేసినట్టు పోలీసులు వెల్లడించారు. కొన్ని నకిలీ టీకాలు ఇప్పటికే ఆఫ్రికాకు చేరినట్లు అధికారులు తెలిపారు. కరోనా వ్యాక్సిన్లకు సంబంధించిన నేరాలను అరికట్టేందుకు చేపట్టిన ప్రత్యేక డ్రైవ్‌లో భాగంగా 80 మందిని అరెస్టు చేశారని, 3000 మోతాదుల నకిలీ టీకాలను స్వాధీనం చేసుకున్నారని బల్‌ టైమ్స్‌ తెలిపింది.

బీజింగ్‌, జియాంగ్, షాన్‌డాంగ్‌ ప్రావిన్స్‌లలో పోలీసులు ఈ దాడులు నిర్వహించినట్టు పేర్కొంది. గత సెప్టెంబర్‌ నుంచి ఈ ముఠా నకిలీ టీకాలు తయారుచేసి వాటిని అధిక ధరలకు విక్రయిస్తూ భారీగా ఆర్జించినట్టు అధికారులు తెలిపారు. నకిలీ కరోనా వ్యాక్సిన్లను అక్రమంగా ఆఫ్రికాకు తరలించారని, వాటిని ఎలా దేశం దాటించారనే అంశంపై దర్యాప్తు చేస్తున్నామని అన్నారు. ఇలాంటి నేరాలను నివారించేందుకు ఇతర దేశాలు సహకారం అందజేయాలని చైనా విదేశాంగ శాఖ విజ్ఞప్తి చేసింది.

నకిలీ టీకాలను గుర్తించామని చెప్పిన అధికారులు.. అవి ఎక్కడ పట్టుబడ్డాయో మాత్రం వెల్లడించలేదు. ‘సెలైన్ బాటిల్‌లో ఉండే వ్యాక్సిన్లు ఎటువంటి ప్రభావాన్ని చూపించవు.. కానీ అది అనారోగ్య సమస్యలకు కారణమవుతుంది.. కాబట్టి నిందితులు కేవలం డబ్బు కోసమే ఇలా చేస్తున్నారని, ప్రజలకు హాని కలిగించాలనే ఉద్దేశం లేదు’ అన్నారు.

వివిధ ఫార్మా సంస్థలు ఉత్పత్తి చేస్తున్న టీకాలను ప్రజాభద్రత విభాగం అధికారులు పరిశీలించిన తర్వాత నకిలీ వ్యాక్సిన్‌ల విషయం బయటపడింది. మార్కెట్‌లో నకిలీ టీకాలు ఉన్నట్టు గుర్తించారు. ఇక, టీకా పంపిణీ విషయంలో చైనా పటిష్టమైన విధి విధానాలను పాటిస్తోంది. టీకా బాక్సులపై బార్ కోడ్ ఉంచి, వాటిని ఉపయోగించే సమయంలో తప్పనిసరిగా స్కాన్ చేయాలి. కోడ్ స్కాన్ కాకపోతే వ్యాక్సినేషన్ ప్రక్రియలో దానిని పక్కనబెడతారు.

LEAVE A REPLY

Please enter your comment!
Please enter your name here