F3 release date: ‘ఎఫ్3’ రిలీజ్ డేట్ ఫిక్స్.. మరింత ఫన్‌తో వస్తోన్న కో-బ్రదర్స్! – venkatesh, varun tej movie f3 to release on august 27th

0
24


ప్రధానాంశాలు:

  • ‘ఎఫ్2’కు సీక్వెల్‌గా వస్తోన్న ‘ఎఫ్3’
  • మరింత ఫన్‌తో కడుపుబ్బా నవ్వించనున్న అనిల్ రావిపూడి
  • ఆగస్టులో విడుదలకానున్న వెంకీ, వరుణ్ మూవీ

విక్టరీ వెంక‌టేష్, మెగా ప్రిన్స్ వ‌రుణ్ తేజ్‌, మిల్కీబ్యూటీ త‌మ‌న్నా, మెహ్రీన్ హీరో హీరోయిన్లుగా వచ్చిన ‘ఎఫ్2’ మూవీ 2019 సంక్రాంతి విన్నర్‌గా బాక్సాఫీసు వద్ద సెన్సేషన్ క్రియేట్ చేసింది. నిర్మాత దిల్ రాజు కెరీర్‌లోనే అత్యధికంగా లాభాలు తెచ్చిపెట్టిన సినిమాగా నిలిచింది. అనిల్ రావిపూడి దర్శకత్వంలో రూపొందిన ‘ఎఫ్2’కు సీక్వెల్‌గా ‘ఎఫ్3’ రూపొందుతోన్న సంగతి తెలిసిందే. దిల్‌ రాజు స‌మ‌ర్పణ‌లో శ్రీ వెంక‌టేశ్వర క్రియేష‌న్స్ బ్యాన‌ర్‌పై శిరీష్ ఈ చిత్రాన్ని నిర్మిస్తున్నారు. ఈ ఫ‌న్ రైడ‌ర్‌ను ఆగ‌స్ట్ 27న విడుద‌ల చేయ‌బోతున్నట్లు నిర్మాత‌లు అధికారికంగా ప్రకటించారు.

విడుదల తేదీ ప్రకటన సందర్భంగా చిత్ర నిర్మాత‌ దిల్‌ రాజు మాట్లాడుతూ.. ‘మా బ్యానర్‌లో 2019 సంక్రాంతికి విడుదలైన ‘ఎఫ్2’ నవ్వుల జల్లులో ప్రేక్షకులను ముంచెత్తి ఎంత పెద్ద హిట్ సాధించిందో మీ అందరికీ తెలిసిందే. ‘ఎఫ్ 2’ ప్రేక్షకులను ఎలా నవ్వించిందో దానికి మోర్ ఫన్ యాడ్ చేసి ‘ఎఫ్3’ కథను సిద్ధం చేశారు డైరెక్టర్ అనిల్. ప్రస్తుతం శ‌ర‌వేగంగా చిత్రీక‌ర‌ణ జ‌రుగుతోంది. వెంక‌టేష్, వరుణ్ తేజ్‌, త‌మ‌న్నా, మెహ్రీన్ కాంబినేషన్‌తో మరోసారి ప్రేక్షకులను మరింత ఎంటర్ టైన్ చేయడానికి ఆగ‌స్ట్ 27న ప్రేక్షకుల ముందుకు రాబోతున్నాం. మా బ్యాన‌ర్‌లో మ‌రో న‌వ్వుల రైడ్ క‌న్‌ఫ‌ర్మ్‌’ అని అన్నారు.

రానా ‘విరాట‌ప‌ర్వం’ విడుదల తేదీ ఖరారు.. మండు వేసవిలో వస్తోన్న వెన్నెల
బ్లాక్‌ బ‌స్టర్ డైరెక్టర్ అనిల్ రావిపూడి మాట్లాడుతూ.. ‘ఎఫ్2కు ఫ్రాంచైజీగా మోర్ ఫ‌న్‌తో ఎఫ్‌3 చిత్రాన్ని రూపొందిస్తున్నాం. విక్టరీ వెంక‌టేష్ గారు, మెగా ప్రిన్స్ వ‌రుణ్‌ తేజ్‌ గారు.. నిర్మాత‌లు రాజు గారు, శిరీష్ గారు స‌పోర్ట్‌తో చ‌క‌చ‌కా సినిమాను పూర్తి చేస్తున్నాం. ఆగ‌స్ట్ 27న మ‌రోసారి న‌వ్వుల్లో ముంచెత్తడానికి మీ ముందుకు వ‌స్తున్నాం’ అని అన్నారు. ఈ చిత్రానికి దేవిశ్రీ ప్రసాద్ సంగీతం సమకూరుస్తుండగా సాయి శ్రీరామ్ సినిమాటోగ్రఫీ అందిస్తున్నారు. ఎస్.కృష్ణ రచనా సహకారం అందించారు. ఆది నారాయ‌ణ‌, నారా ప్రవీణ్‌ ఆడిష‌న్ స్క్రీన్‌ప్లే అందిస్తున్నారు.
కాగా, ‘ఎఫ్2’లో తోడల్లుళ్లుగా కనిపించిన వెంకటేష్, వరుణ్ తేజ్ తమ పెళ్లిళ్లు, పెళ్లాలతో గోల, వాళ్ల నుంచి తప్పించుకుని యూరప్ పారిపోవడం వంటివి చూపించి కడుపుబ్బా నవ్వించారు. ఇప్పుడు ‘ఎఫ్3’లో ఈ తోడల్లుళ్లు డబ్బుతో ముడిపడి ఉన్న కథతో మెప్పించనున్నారు. మరింతగా వినోదాన్ని పంచనున్నారు. ఈ వినోదాన్ని థియేటర్లలో ఆస్వాదించాలంటే ఆగస్ట్ 27 వరకు ఆగాల్సిందే!

LEAVE A REPLY

Please enter your comment!
Please enter your name here