elephants counting: అంతరిక్షం నుంచి ఏనుగుల లెక్కింపు.. వినూత్న ప్రయోగానికి శాస్త్రవేత్తలు శ్రీకారం – elephants counted from space for conservation in united kingdom

0
30


వన్యప్రాణుల సంతతిని లెక్కించడానికి వాటి పాదముద్రలను ప్రామాణికంగా తీసుకుంటారు. ఆ పాద ముద్రల ఆధారంగానే వాటి సంఖ్యపై నిర్ధారణకు వస్తాయి. కానీ, తొలిసారిగా అంతరిక్షం నుంచి ఆఫ్రికా ఏనుగుల జనాభాను లెక్కించే కార్యక్రమానికి బ్రిటన్ శాస్త్రవేత్తలు శ్రీకారం చుట్టారు. ఇందులో భాగంగా అంతరిక్షం నుంచి తీసిన అటవీ లేదా ఇతర ప్రాంతాల చిత్రాల ఆధారంగా వాటి సంఖ్యను నిర్ధారించనున్నారు.

ఆక్స్ ఫర్డ్, బాత్ యూనివర్సిటీలకు చెందిన పరిశోధకులు.. శాటిలైట్ చిత్రాల ఆధారంగా ఆఫ్రికన్ ఏనుగులను మదింపు చేస్తున్నారు. భూమికి 600 కిలోమీటర్లు (372 మైళ్ల) ఎత్తున తిరుగుతున్న భూ పరిశీలనా ఉపగ్రహం తీసిన ఫొటోలను విశ్లేషిస్తున్నారు. వీటి ద్వారా ఒక్క రోజులోనే 5 వేల చదరపు కిలోమీటర్లలో ఎన్ని ఏనుగులు ఉన్నాయో లెక్కించొచ్చని శాస్త్రవేత్తలు పేర్కొన్నారు.

ఉపగ్రహ చిత్రాల పరిశీలన కోసం మెషీన్ లెర్నింగ్‌ సాయం తీసుకుంటున్నారు. ఏవి ఏనుగులో మెషీన్ గుర్తుపట్టేలా కంప్యూటర్ ప్రోగ్రామ్‌ను రూపొందించామని, దీని వల్ల ఉపగ్రహ చిత్రాల్లో మనం కంటితో గుర్తించలేని చిన్న చిన్న విషయాలనూ సులువుగా తెలుసుకోవచ్చని వివరిస్తున్నారు. ఇది ఏనుగు.. ఏనుగు కదనే విషయాన్ని గుర్తించేందుకు ప్రోగ్రామింగ్‌లో కొన్ని ఉదాహరణలు పేర్కొన్నామని బాత్ యూనివర్సిటీ పరిశోధకుడు డాక్టర్ ఓల్గా సుపోవా అన్నారు. ఇలా చేయడం ద్వారా, కంటితో చూడలేని చిన్న వివరాలను గుర్తించడానికి యంత్రానికి శిక్షణ ఇవ్వవచ్చు అని పేర్కొన్నారు.

అంతేకాదు, దీని ద్వారా వన్యప్రాణుల అక్రమ రవాణా, అక్రమ వేటలనూ అరికట్టవచ్చని చెబుతున్నారు. కేవలం ఏనుగులనే కాకుండా మిగతా జంతువులనూ లెక్కించడానికి ఈ సాంకేతికత సహకరిస్తుందని అంటున్నారు. అయితే, ఇందుకు ఉపగ్రహ చిత్రాలపై తమకూ యాక్సెస్ ఇవ్వాలని పరిశోధకులు కోరుతున్నారు. ఆ ఫొటోలు కావాలంటే డబ్బు చెల్లించాల్సి ఉంటుందని అంటున్నారు.

తొలి దశలో ఆఫ్రికా ఏనుగుల లెక్కింపు చేపడతున్నామని, ఇవి అధిక సామర్ధ్యం కలిగిన ఏనుగులని ఆక్స్‌ఫర్డ్ యూనివర్సిటీ కన్జర్వేషన్ సైంటిస్ట్ డాక్టర్ ఇస్లా డుపోర్గ్ వ్యాఖ్యానించారు. దట్టమైన, సవన్నా మైదాన ప్రాంతాలు కాబట్టి ఇది మా విధానాన్ని పరీక్షించడానికి గొప్ప ప్రదేశం అన్నారు. ఈ భావనలు రుజువవు చేయడానికి సిద్ధంగా ఉన్నామని పేర్కొన్నారు. వన్యప్రాణి పరిరక్షణ సంస్థలు ఇప్పటికే విమానాలను ఉపయోగించి చేసే సర్వేల స్థానంలో శాటిలైట్ ఇమేజింగ్ ద్వారా లెక్కింపునకు ఆసక్తి ప్రదర్శిస్తున్నాయి.

LEAVE A REPLY

Please enter your comment!
Please enter your name here