Ebola virus: ఎబోలా వైరస్ విజృంభణ.. 6 దేశాలకు WHO అలర్ట్ – new ebola outbreak in africa, 5 dead in guinea, all you need to know about deadly virus

0
46


ప్రధానాంశాలు:

  • మరో ప్రాణాంతక వైరస్ ఎబోలా పంజా విసురుతోంది.
  • ఆఫ్రికాలోని పలు దేశాల్లో ప్రజలను వణికిస్తోంది.
  • గినియాలో ఐదుగురు మరణించారు..
  • ఎబోలా లక్షణాలు, కీలక వివరాలు..

రోనా వైరస్‌తో ప్రపంచం కుదేలవుతున్న వేళ మరో మహమ్మారి ముంచుకొస్తోంది. ప్రాణాంతక ఎబోలా (Ebola) వైరస్ మళ్లీ పంజా విసురుతోంది. ఆఫ్రికాలోని పలు దేశాల్లో ఎబోలా విజృంభిస్తోంది. గినియాలో ఈ వ్యాధి బారినపడి ఇప్పటికే ఐదుగురు మృత్యువాతపడ్డారు. పెద్ద ఎత్తున కేసులు నమోదవడం ఆందోళన కలిగిస్తోంది. మరిన్ని కేసులు నమోదయ్యే ప్రమాదం ఉండటం, మరిన్ని దేశాలకు వైరస్ ముప్పు పొంచి ఉన్న నేపథ్యంలో ప్రపంచ ఆరోగ్య సంస్థ (WHO) అప్రమత్తం చేసింది. ఆఫ్రికాలోని ఆరు దేశాలను అలర్ట్ చేసింది.

ఒక్క కాంగో దేశంలోనే ఇప్పటివరకు 300 ఎబోలా కేసులను గుర్తించినట్లు డబ్ల్యూహెచ్‌ఓ ప్రతినిధి మార్గరెట్‌ హారిస్‌ తెలిపారు. గినియాలో సుమారు 109 కేసులు నమోదైనట్లు వెల్లడించారు. వీటితో పాటు మరో రెండు దేశాల్లోనూ ఎబోలా కేసులు గుర్తించినట్లు సమాచారం. వాటి మూలాలను తెలుసుకునేందుకు నమూనాలను విశ్లేషిస్తున్నట్లు డబ్ల్యూహెచ్‌ఓ తెలిపింది.

ఎబోలా (Ebola) ఎలా పుట్టింది?
ప్రాణాంతక ఎబోలా వ్యాధిని తొలిసారిగా 1976లో ఆఫ్రికాలో గుర్తించారు. నాటి నుంచి పలుమార్లు ఈ వైరస్ తన ఉనికి చాటుతోంది. ఈ వైరస్ జంతువుల నుంచే మనుషులకు వ్యాప్తి చెందింది. చింపాంజీలు, గొరిల్లాలు లేదా జింకల నుంచి ఈ వైరస్ మనుషులకు వ్యాప్తి చెంది ఉంటుందని భావిస్తున్నారు.

2013-16 మధ్యకాలంలో ఎబోలా వైరస్‌ ప్రపంచాన్ని భయపెట్టింది. ప్రధానంగా ఆఫ్రికా దేశాలు.. ముఖ్యంగా కాంగోలో ఎబోలా విజృంభించింది. అప్పట్లో సుమారు 30 వేల మంది ఈ వైరస్ బారినపడ్డారు. వీరిలో 11,323 మంది ప్రాణాలు కోల్పోయారు. అనధికారికంగా ఈ సంఖ్య ఎక్కువే ఉంటుందని కొంత మంది అభిప్రాయం.

ఎబోలా వైరస్ లక్షణాలు:

  1. ఎబోలా వైరస్‌ సోకిన వారు తొలుత జ్వరం, తలనొప్పి, కండరాల నొప్పితో బాధ పడతారు. ఆ తర్వాత లక్షణాలు తీవ్రమవుతాయి.
  2. వాంతులు, విరేచనాలు అవుతాయి. కాలేయం, మూత్రపిండాల పనితీరుపై వైరస్ తీవ్ర ప్రభావం చూపిస్తుంది.
  3. శరీరం లోపల, బయట రక్తస్రావం జరుగుతుంది. ఇది ఎబోలా వైరస్ ప్రధాన లక్షణం. ఆ తర్వాత మనిషి ప్రాణాలు కోల్పోయే ప్రమాదం ఉంది.
  4. ఎబోలా వైరస్ బారినపడితే దాదాపుగా ప్రాణాలు కోల్పోయినట్లే. ప్రాణాపాయం నుంచి తప్పించుకునే అవకాశం కేవలం 10 శాతమే ఉంది.
  5. ఎబోలా వైరస్ ఒకరి నుంచి మరొకరికి వేగంగా వ్యాపిస్తుంది. ప్రధానంగా ఇది రక్తం ద్వారా వ్యాప్తి చెందుతుంది.

ప్రస్తుత పరిస్థితి ఏమిటి?
గినియాలో ఎబోలా వ్యాప్తి మొదలైనట్లు అక్కడి ప్రభుత్వం మూడు రోజుల కిందట ప్రకటించింది. 2013-16 తర్వాత ఇక్కడ ఎబోలా వ్యాప్తి చెందడం ఇదే తొలిసారి. డెమొక్రాటిక్ రిపబ్లిక్‌ ఆఫ్‌ కాంగోలో ఫిబ్రవరి 7న ఎబోలా కేసులు‌ బయటపడినట్లు అక్కడి ప్రభుత్వం తెలిపింది. గినియాలో ఎబోలా కారణంగా ఐదుగురు ప్రాణాలు కోల్పోయారు. దీంతో అక్కడి ప్రజల్లో ఆందోళన నెలకొంది. ముందస్తు చర్యల్లో భాగంగా పలు దేశాల్లో ఎబోలా వ్యాక్సినేషన్‌ను ప్రారంభించారు.

Ebola

ఎబోలా వ్యాక్సినేషన్

ఆఫ్రికాలో అనేక దేశాలు ఇప్పటికే కరోనా వైరస్‌తో సతమతమవుతున్నాయి. ఇలాంటి తరుణంలో ఎబోలా పంజా విసురుతుండటం అక్కడి ప్రజలకు నిద్రలేకుండా చేస్తోంది. ఎబోలాను ఎదుర్కొనేందుకు సిద్ధంగా ఉండాలని లైబీరియా, సయోర్రా లియోనె లాంటి దేశాలను కూడా ప్రపంచ ఆరోగ్య సంస్థ హెచ్చరించింది.

Also Read:

భారత్‌లో 4 సౌతాఫ్రికా రకం కరోనావైరస్ కేసులు.. చేదువార్త

11 ఏళ్ల బాలికపై స్కూల్లోనే అఘాయిత్యం.. ప్రిన్సిపాల్‌కు ఉరిశిక్ష

ఈ టాయిలెట్‌లోకి మహిళలు గానీ, పురుషులు గానీ వెళ్లొద్దు.. వారణాసిలో ప్రత్యేకం!

LEAVE A REPLY

Please enter your comment!
Please enter your name here