divyang toll fee: నో టోల్ ఫీజు.. దివ్యాంగులకు గుడ్ న్యూస్ – vehicles owned by disabled to be exempt from toll charges: nitin gadkari

0
48


దివ్యాంగులకు కేంద్ర ప్రభుత్వం శుభవార్త అందించింది. ఇకపై వారు టోల్‌ ప్లాజాల వద్ద ఫీజు చెల్లించనవసరం లేదని ప్రకటించింది. జాతీయ రహదారులపై దివ్యాంగులు తమ వాహనాలతో ఉచితంగా ప్రయాణం చేయవచ్చని స్పష్టం చేసింది. వారికి FASTag నుంచి మినహాయింపు ఇస్తున్నట్లు లోక్‌సభలో తెలిపింది.

గురువారం (ఫిబ్రవరి 4) లోక్‌స‌భ‌లో ప్రశ్నోత్తరాల సమయంలో దివ్యాంగుల‌కు టోల్ ఫీజు మిన‌హాయింపు క‌ల్పిస్తున్నారా అని బీజేపీ ఎంపీ ర‌మేశ్ బిదురీ ప్రశ్నించారు. కేంద్ర రోడ్డు ర‌వాణా శాఖ మంత్రి నితిన్ గ‌డ్కరీ ఈ ప్రశ్నకు సమాధానమిచ్చారు. ఇకపై దివ్యాంగుల‌కు టోల్ ఫీజు నుంచి మిన‌హాయింపు క‌ల్పిస్తున్నట్లు తెలిపారు. దివ్యాంగుల వాహనాలను టోల్ ఫీ ఛార్జీల నుంచి మినహాయిస్తున్నట్లు నేషనల్ హైవేస్ అథారిటీ ఆఫ్ ఇండియా (NHAI) ఇప్పటికే ప్రకటించిన విషయం తెలిసిందే.

దివ్యాంగుల కోసం ఇప్పటికే ప‌లు రాష్ట్రాలు రోడ్డు ట్యాక్స్‌ను ఎత్తేసిన‌ విషయాన్ని నితిన్ గడ్కరీ ఈ సందర్భంగా ప్రస్తావించారు. యూజ‌ర్ ఫ్రెండ్లీగా ఉండే రీతిలో దివ్యాంగుల‌కు వాహ‌నాల‌ను డిజైన్ చేయాలని కంపెనీల‌ను ప్రోత్సహిస్తున్నట్లు ఆయన తెలిపారు.

LEAVE A REPLY

Please enter your comment!
Please enter your name here