Disha Encounter Censor Rejected: రామ్ గోపాల్ వర్మకు సెన్సార్ బోర్డ్ షాక్.. ‘దిశ ఎన్‌కౌంటర్’ విడుదల డౌటే! – censor board rejected to certify ram gopal varma disha encounter movie

0
24


ప్రధానాంశాలు:

  • గతేడాది విడుదలైన ‘దిశ ఎన్‌కౌంటర్’ ట్రైలర్
  • దిశ ఘటనలతో రూపొందుతోన్న చిత్రం
  • కాదని బుకాయిస్తోన్న వివాదాస్పద దర్శకుడు వర్మ

వివాదస్పద దర్శకుడు రామ్ గోపాల్ వర్మకి సెన్సార్ బోర్డ్ షాక్ ఇచ్చింది. రామ్ గోపాల్ వర్మ పర్యవేక్షణలో రూపొందిన ‘దిశ ఎన్‌కౌంటర్’ సినిమాను సర్టిఫై చేయడానికి సెన్సార్ బోర్డు కమిటీ నిరాకరించింది. హైదరాబాద్‌లో జరిగిన దిశ ఘటనను పోలిన సన్నివేశాలు ఈ సినిమాలో ఉండటంతో సెన్సార్ చేయడానికి కమిటీ సభ్యులు సుముఖత చూపలేదు. నలుగురు సభ్యుల సెన్సార్ బోర్డు ‘దిశ ఎన్‌కౌంటర్’ సినిమాను రిజెక్ట్ చేయడంతో చిత్ర నిర్మాతలు రివిజన్ కమిటీ ముందుకు వెళ్లనున్నారు. ఇప్పటికే ఈ సినిమాపై దిశ తల్లితండ్రులు అభ్యంతరం వ్యక్తం చేస్తున్నారు. హైకోర్టుకు కూడా వెళ్లారు. దీంతో ఈ సినిమా విడుదలపై అనుమానాలు వ్యక్తమవుతున్నాయి.

హైదరాబాద్ శివారులో 2019 నవంబర్ 26న జరిగిన ‘దిశ’ హత్యాచార ఘటన దేశవ్యాప్తంగా తీవ్ర సంచలనం సృష్టించిన విషయం తెలిసిందే. నలుగురు కామాంధులు అత్యంత క్రూరంగా ఆ అమ్మాయిపై అత్యాచారం చేసి ఆ తరవాత పెట్రోల్ పోసి తగలబెట్టారు. ఆ తరవాత ఆ నలుగురు నిందితులను పోలీసులు ఎన్‌కౌంటర్ చేశారు. అయితే, ఈ ఘటన ఆధారంగా సినిమా తీస్తున్నట్టు ప్రకటించిన వివాదాస్పద దర్శకుడు రామ్ గోపాల్ వర్మ ఆ తరవాత మాట మార్చారు.

ఎన్టీఆర్ విడుదల చేసిన ‘ఉప్పెన’ ట్రైలర్.. మై బ్రదర్ వైష్ణవ్ అంటూ తారక్ మెసేజ్
‘దిశ ఎన్‌కౌంటర్’ సినిమా ట్రైలర్ గతేడాది సెప్టెంబర్‌ 26న విడుదలైన తరవాత అందులోని సన్నివేశాలను చూసిన దిశ తల్లిదండ్రులు సినిమాపై అభ్యంతరం చెప్పారు. ఇప్పటికే బిడ్డను పోగొట్టుకుని బాధలో ఉన్న తమకు ఈ సినిమా, దానికి వస్తోన్న కామెంట్లు మరింత క్షోభకు గురిచేస్తున్నాయని అన్నారు. ఈ సినిమా విడుదల కాకుండా ఆదేశాలు ఇవ్వాలని తెలంగాణ హైకోర్టును ఆశ్రయించారు. ఈ సినిమా విడుదల కావాలా వద్దా చెప్పాల్సిన బాధ్యతను సెన్సార్ బోర్డుకు అప్పగించింది హైకోర్టు.

అయితే, హైకోర్టు తీర్పునకు తాము కట్టుబడి ఉంటామని.. సెన్సార్ బోర్డుకు తమ సినిమా చూపించి దిశ మరణించిన రోజు నవంబర్ 26న కచ్చితంగా సినిమాను విడుదల చేస్తామని అన్నారు. ఇది దిశ బయోపిక్ కాదని.. ఆమెపై తీయలేదని బుకాయించారు. ఆమె తల్లిదండ్రుల అనుమతి మేమెందుకు తీసుకోవాలని అన్నారు. లాక్‌డౌన్‌లో ఈ సినిమా సెన్సార్ పూర్తికాలేదు.. సినిమా విడుదల కాలేదు. మొత్తానికి ఇప్పుడు సెన్సార్ బోర్డు వద్దకు వెళ్తే వాళ్లు సర్టిఫై చేయడానికి తిరస్కరించారు. కాగా, ఈ సినిమాకు ఆనంద్ చంద్ర దర్శకత్వం వహించారు. నట్టి క్రాంతి, నట్టి కరుణ నిర్మాతలు (నట్టి కుమార్ పిల్లలు).

LEAVE A REPLY

Please enter your comment!
Please enter your name here