Dil Raju: చిన్న సినిమాల వైపు పెద్ద దర్శకులు చూడటం లేదు.. ఇది మారాలి: దిల్ రాజు – big directors should do small movies also: dil raju at gaali sampath press meet

0
18


ప్రధానాంశాలు:

  • ‘గాలి సంపత్’ను డిస్ట్రిబ్యూట్ చేస్తోన్న దిల్ రాజు
  • అనిల్ రావిపూడి చేరికతో ‘గాలి సంపత్’ పెద్ద సినిమా అయ్యిందన్న దిల్ రాజు
  • పెద్ద దర్శకులు చిన్న సినిమాలు కూడా చేయాలన్న రాజు

దాసరి నారాయణరావు, రాఘవేంద్రరావు, కోడి రామకృష్ణ లాంటి పెద్ద దర్శకులు పెద్ద సినిమాలతో పాటు చిన్న సినిమాలు కూడా చేశారని, అందుకే వాళ్లు 100 సినిమాలు చేయగలిగారని అన్నారు ప్రముఖ నిర్మాత దిల్ రాజు. ప్రస్తుతం పెద్ద దర్శకులు చిన్న సినిమాల వైపు చూడటం లేదని.. ఇది మారాలని ఆయన ఆకాంక్షించారు. ఆదివారం ‘గాలి సంపత్’ ప్రెస్ మీట్‌లో పాల్గొన్న దిల్ రాజు.. ‘గాలి సంపత్’ వంటి చిన్న సినిమా అనిల్ రావిపూడి చేరికతో పెద్ద సినిమా అయ్యిందన్నారు.

‘గాలి సంపత్’ అంటే గాలికి తిరిగేవాడు కాదు.. కథ మొత్తం చెప్పేసిన అనిల్ రావిపూడి
‘‘అనిల్ రావిపూడి ప్రెజెంట్స్ గాలి సంపత్.. చాలా కొత్తగా ఉంది. ‘పటాస్’ నుంచి ‘స‌రిలేరు నీకెవ్వరు’ వ‌ర‌కూ అనిల్ జర్నీ మీ అందరికీ తెలుసు. ఏ దర్శకుడైనా ఒక చిన్న సినిమాతో మొదలై సక్సెస్ సాధిస్తూ పెద్ద చిత్రాల‌కు ద‌ర్శక‌త్వం వ‌హిస్తుంటారు. కానీ ఈ సమయంలో చిన్న సినిమాలను మర్చిపోతారు. మనం చరిత్ర చూసుకుంటే దాసరి నారాయణరావు, రాఘవేంద్రరావు, కోడి రామకృష్ణ.. వీళ్లందరూ పెద్ద సినిమాలతో పాటు చిన్న సినిమాలు కూడా తీశారు. అందుకే వారు 100 సినిమాల మార్క్‌ను ఈజీగా దాట‌గ‌లిగారు.

ప్రస్తుతం పాన్ ఇండియా సినిమాల ట్రెండ్ నడుస్తుంది. ఈ సమయంలో చిన్న సినిమాల వైపు పెద్ద దర్శకులు ఎవరూ చూడడం లేదు. అది మారాలనే అనిల్‌కి పెద్ద సినిమాలతో పాటు చిన్న సినిమాకి కూడా సహాయ సహకారాలు అందించ‌మ‌ని చెప్పాను. అలా అనిల్ ఈ సినిమాకు బ్యాక్ బోన్‌గా నిలబడ్డాడు. ఒక పెద్ద దర్శకుడు పెద్ద సినిమాలతో పాటు చిన్న సినిమాలు కూడా తీయాలి. ఎందుకంటే చిన్న సినిమాలకు ప్రేక్షకులు రావాలంటే ఆ సినిమాకు ఏదో ఒక ఎక్స్‌ట్రా ఫోర్స్ ఉండాలి.

Gaali Sampath Press Meet

‘గాలి సంపత్’ ప్రెస్ మీట్

ప్రతి పెద్ద డైరెక్టర్‌కి ఒక మార్క్‌ ఉంటుంది. అది యాడ్ అయినప్పుడు చిన్న సినిమా కూడా పెద్ద సినిమా అవుతుంది. అదే విధంగా ‘గాలి సంపత్’ కూడా రేపు మార్చి 11న ఒక పెద్ద సినిమా అవుతుంది అని న‌మ్ముతున్నాను. దర్శకుడు అనీష్ దగ్గర కూడా ఒక మంచి కామెడీ టింజ్ ఉంది. ఆయన దర్శకత్వం వహించిన ‘అలా ఎలా?’ సినిమా చూస్తున్నప్పుడు నేను కడుపుబ్బా నవ్వాను. రీసెంట్‌గా ఈ సినిమాలో కొన్ని ఎపిసోడ్స్ చూశాను చాలా ఎంటర్‌టైనింగ్‌గా ఉన్నాయి. అలాగే క్లైమాక్స్ చాలా ఎమోష‌న‌ల్‌గా ఉంది.

స‌త్యదేవ్, త‌మ‌న్నా జంటగా ‘గుర్తుందా శీతాకాలం’.. కీలక పాత్రలో సుహాసిని
రాజేంద్ర ప్రసాద్, శ్రీవిష్ణు ఎంటర్‌టైన్మెంట్, ఎమోషన్‌ని చాలా అద్భుతంగా పండించారు. థియేటర్‌కి వచ్చే ప్రేక్షకులకు కావాల్సిన వినోదంతో పాటు మంచి ఎమోషన్స్‌ని కూడా అనిల్ రావిపూడి, అనీష్ జోడించారు. షైన్‌ స్క్రీన్స్ నిర్మాతలు సాహు, హరీష్ నాకు సన్నిహితులు. వారికి, ప్రొడ్యూసర్‌గా పరిచయం అవుతున్న సాయి కృష్ణకు, అనిల్ రావిపూడికి ఆల్ ది బెస్ట్’’ అని దిల్ రాజు అన్నారు.

కాగా, డైరెక్టర్ అనిల్ రావిపూడి స‌మ‌ర్పణ‌లో ఆయన మిత్రుడు, రచయిత ఎస్.కృష్ణ నిర్మాతగా ‘గాలి సంపత్’ రూపొందుతోంది. అనిల్ ఈ చిత్రానికి స‌మ‌ర్పకుడిగా వ్యవహ‌రించడంతో పాటు స్క్రీన్‌ప్లే కూడా అందించారు. అలాగే ద‌ర్శక‌త్వ ప‌ర్యవేక్షణ చేశారు. రాజేంద్ర ప్రసాద్ టైటిల్ రోల్ పోషించిన ఈ సినిమాలో శ్రీ విష్ణు, ల‌వ్‌లీ సింగ్ హీరోహీరోయిన్లు. అచ్చు రాజమణి సంగీతం సమకూర్చిన ఈ సినిమా మహాశివరాత్రి సందర్భంగా మార్చి 11న విడుదలవుతోంది.

LEAVE A REPLY

Please enter your comment!
Please enter your name here