Devineni motion poster: ‘దేవినేని’గా తారకరత్న.. నిర్భయంగా బెజవాడ నిజాలు – nandamuri taraka ratna starrer devineni motion poster released

0
34


ప్రముఖ రాజకీయ నాయకుడు దేవినేని నెహ్రూ జీవిత చరిత్ర ఆధారంగా రూపొందుతున్న చిత్రం ‘దేవినేని’. దీనికి ‘బెజవాడ సింహం’ అనేది ట్యాగ్ లైన్. నందమూరి తారకరత్న టైటిల్ పాత్రలో నటించారు. నర్రా శివ నాగేశ్వరరావు (శివనాగు) ద‌ర్శక‌త్వం వ‌హిస్తున్నారు. జీఎస్ఆర్, రాము రాథోడ్ సంయుక్తంగా నిర్మిస్తున్నారు. వంగవీటి రాధ పాత్రలో నటుడు బెనర్జీ, వంగవీటి రంగా పాత్రలో సురేష్ కొండేటి, చలసాని వెంకటరత్నం పాత్రలో తుమ్మల ప్రసన్న కుమార్, కెఎస్ వ్యాస్ పాత్రలో ప్రముఖ సంగీత దర్శకుడు కోటి నటించారు.

బెజవాడలో ఇద్దరు మహా నాయకుల మధ్య స్నేహం, వైరంతో పాటు కుటుంబ నేపథ్యంలో సెంటిమెంట్‌ కలయికలో ఈ చిత్రాన్ని రూపొందిస్తున్నారు. ఆదివారం హైదరాబాద్‌లోని ప్రసాద్ ల్యాబ్‌లో జరిగిన వేడుకలో ఈ చిత్రం మోషన్ పోస్టర్‌ను మూవీ ఆర్టిస్ట్ అసోసియేషన్ కార్యదర్శి జీవితా రాజశేఖర్ విడుదల చేశారు. చిత్రం ఫస్ట్‌లుక్‌ను తెలుగు ఫిలిం ఛాంబర్ కార్యదర్శి కె.ఎల్.దామోదరప్రసాద్ లాంచ్ చేశారు.
ఈ సందర్భంగా జీవిత మాట్లాడుతూ.. ‘‘కరోనా పరిస్థితుల వల్ల చిత్ర పరిశ్రమ ఆటుపోట్లకు గురైంది. ఈ నేపథ్యంలో పరిశ్రమ మళ్లీ ట్రాక్‌లోకి వస్తుండటం, థియేటర్లు తిరిగి ప్రేక్షకులతో కళకళ లాడటం ఆనందంగా ఉంది’’ అని అన్నారు. నందమూరి తారకరత్న అద్భుతమైన నటుడని, ఆయనకి ఈ చిత్రం పెద్ద బ్రేక్ ఇవ్వాలని కోరుకుంటున్నానని వెల్లడించారు.

బ్యాక్‌గ్రౌండ్ లేకుండా హృతిక్ రోషన్ స్టార్ అవ్వలేదు.. దయచేసి కష్టాన్ని గుర్తించండి: బెల్లంకొండ శ్రీనివాస్
నిర్మాతల మండలి కార్యదర్శి టి. ప్రసన్నకుమార్ మాట్లాడుతూ.. ‘‘దేవినేని పాత్రకు తారకరత్న ప్రాణ ప్రతిష్ట చేశారు. అలాగే పాత్రధారులంతా వాళ్ల వాళ్ల పాత్రలకు చక్కటి న్యాయం చేకూర్చారు. ఇందులో చలసాని వెంకటరత్నం పాత్రలో నటించడం ఎంతో సంతృప్తిని కలిగించింది’’ అని అన్నారు. పాత్రికేయుడు సురేష్ కొండేటి మాట్లాడుతూ.. ‘‘వంగవీటి రంగా పాత్రను ఈ చిత్రంలో పోషించడం మరచిపోలేని అనుభూతిని ఇచ్చింది’’ అని చెప్పారు.
చిత్ర దర్శకుడు నర్రా శివనాగేశ్వర రావు (శివనాగు) మాట్లాడుతూ.. ‘‘దేవినేని నెహ్రూ పాత్రలో నందమూరి తారకరత్న పరకాయ ప్రవేశం చేశారు. సురేష్ కొండేటి వంగవీటి రంగగా అలరిస్తారు. గతంలో బెజవాడను బేస్ చేసుకుని కొన్ని సినిమాలు వచ్చినప్పటికీ వాటికి పోలిక లేకుండా ఈ చిత్రాన్ని తీశాం. ఇంతవరకు ఎవరూ చూపించని రీతిలో నిజాలను నిర్భయంగా ఇందులో చూపించాం. ఎందరు మెచ్చుకుంటారు, ఎంతమంది నొచ్చుకుంటారు అన్న అంశంతో పనిలేకుండా వాస్తవాలను ఆవిష్కరించాం. రంగాను ఎవరు చంపారు అన్నది చూపించాం’’ అని అన్నారు.

LEAVE A REPLY

Please enter your comment!
Please enter your name here