delhi tutor: విద్యార్థులకు సెలైన్‌, మెమొరీ పెరుగుతుందట.. ట్యూటర్ దారుణం! – tutor gives injection to students in delhi, says memory will improve

0
26


రోనా లాక్‌డౌన్ పుణ్యమా అని విద్యార్థుల చదువులు అటకెక్కాయి. ఆన్‌లైన్ పాఠాలు చెబుతున్నా.. అవి చాలా మంది పిల్లలకు ఎక్కట్లేదు. పైగా చిన్న తరగతుల విద్యార్థులకు ఇంకా కష్టం. ఇక చేసేదేంలేక తల్లిదండ్రులు ప్రైవేట్ ట్యూటర్లను ఆశ్రయిస్తున్నారు. ఢిల్లీలోనూ కొంత మంది ఇలాగే ఓ ట్యూటర్ వద్దకు తమ పిల్లలను పంపించారు. పాఠాలు చెప్పడానికి బదులు అతడేం చేశాడో తెలుసా.. తన వద్దకు వచ్చే విద్యార్థులందరికీ సెలైన్ ఎక్కించాడు. సెలైన్‌లో ఓ ఇంజెక్షన్ కలిపాడు. ఆ ఇంజెక్షన్‌తో విద్యార్థుల మెమొరీ (జ్ఞాపకశక్తి) పెరుగుతుందట!

ఇంజెక్షన్ తీసుకున్న ఓ విద్యార్థి ఆ విషయాన్ని తన తల్లిదండ్రులతో చెప్పడంతో ఈ ఘటన వెలుగులోకి వచ్చింది. ఆ ట్యూటర్ వద్దకు వస్తున్న విద్యార్థుల్లో ఆరు నుంచి తొమ్మిదో తరగతి వరకు చదువుతున్నవారు ఉన్నారు. తూర్పు ఢిల్లీలోని మందవాలీలో ఈ ఘటన చోటు చేసుకుంది.

ట్యూటర్ అంటే పెద్ద అనువజ్ఞుడు కూడా కాదు.. పట్టుమని 20 ఏళ్లే. పేరు సందీప్. అతడు కూడా విద్యార్థే. బీఏ చదువుతూ ట్యూషన్ నిర్వహిస్తున్నాడు. ఓ ప్రైవేట్ డాక్టర్ సాయంతో విద్యార్థులకు ఆ మెమొరీ ఇంజెక్షన్ ఇప్పించినట్లు తెలుస్తోంది. బాధిత విద్యార్థి ఫిర్యాదు చేయడంతో పోలీసులు దర్యాప్తు ప్రారంభించారు. నిందితుడు సందీప్‌ను అదుపులోకి తీసుకొని విచారించారు.

యూట్యూబ్‌లో కొన్ని వీడియోలు చూసి ఆ ట్యూటర్ అలా చేశాడట. సెలైన్‌ ద్రావణంతో మొమొరీ పెరుగుతుందని తెలుసుకొని విద్యార్థులకు ఇస్తున్నట్లు అతడు పోలీసులతో చెప్పాడు. అంత ఈజీగా మెమొరీ పెరిగితే ఇక అతనెందుకో మరి..!

LEAVE A REPLY

Please enter your comment!
Please enter your name here