delhi gang: నకిలీ పత్రాలతో వేరేవారి స్థలాలు అమ్మకం.. రూ.520 కోట్ల కొట్టేసి, దుబాయ్‌లో జల్సాలు! – gang cheated 200 plot owners with forging documents in delhi

0
24


ప్రధానాంశాలు:

  • గుట్టుచప్పుడు కాకుండా ప్లాట్ కబ్జా చేసిన అమ్మకం.
  • ఎన్ఆర్ఐ‌లనే లక్ష్యంగా చేసుకున్న ఢిల్లీ గ్యాంగ్.
  • ఏకంగా 500 కోట్ల కొట్టేసి దుబాయ్‌లో జల్సాలు.

శివారు ప్రాంతాల్లో ఉన్న ఇళ్ల స్థలాలను కాజేసి నకిలీ పత్రాలతో అమ్ముతూ సొమ్ము చేసుకుంటున్న ముఠాను గురుగ్రామ్ పోలీసులు అరెస్ట్ చేశారు. విచారణలో బయటపడ్డ నిజాలు తెలిసి పోలీసులే షాక్ తిన్నారు. ఢిల్లీ శివారు సుశాంత్ లోక్, పాలం విహార్ ప్రాంతాల్లోని ఇళ్ల స్థలాలను నకిలీ పత్రాలతో ఈ ముఠా గుట్టుచప్పుడు కాకుండా అమ్మేసినట్టు వెల్లడయ్యింది. బాధితుల్లో చాలా మంది ఎన్ఐఆర్‌లే కావడం గమనార్హం. వారి స్థలాలనే ముఠా ఫోర్జరీ పత్రాలను అమ్మినట్టు గుర్తించారు.

ఫిబ్రవరి 5న గురుగ్రామ్‌ సెక్టార్ 38లోని ఓ ఇంట్లో ముగ్గురు ముఠా సభ్యులను పోలీసు అదుపులోకి తీసుకున్నారు. ముఠా నాయకుడు దుబాయ్‌లో ఉన్నట్టు భావిస్తున్నారు. రూ.500 కోట్ల విలువైన దాదాపు 200 వరకు ప్లాట్లను అనుమానం రాకుండా అమ్మేసినట్టు పోలీసులు పేర్కొన్నారు. అసలు యజమానులకు తమ స్థలాలు అమ్ముడయి విషయం తెలియకుండా నాలుగేళ్ల నుంచి ఈ దందా సాగిస్తున్నారు.

గత రెండేళ్లలో ఇటువంటి కేసుల్లో 9 ఎఫ్ఐఆర్‌లు నమోదుచేసిన పోలీసులు, ప్రత్యేక దర్యాప్తు బృందాన్ని (సిట్) ఏర్పాటుచేశారు. ముఠా సభ్యుల ఒక్కొక్కరిపై రూ.లక్ష రివార్డు ప్రకటించారు. ఈ ముఠా సిట్‌కు కళ్లుగప్పి తప్పించుకుని తిరుగుతోంది. దీంతో కేసు క్రైం బ్రాంచ్‌ రంగంలోకి దిగడంతో ముఠా గుట్టు రట్టయ్యింది. ప్లాట్స్ అమ్మకాలకు సంబంధించి బ్యాంకు లావాదేవీలపై పోలీసులు నిఘా ఉంచారు. కొద్ది నెలల పాటు వాటిని క్షుణ్ణంగా పరిశీలించి ఎట్టకేలకు ముఠాను గుర్తించారు. పంజాబ్‌కు చెందిన కవితా రాణి అలియాస్ రియా (33), రాహుల్ (29), రణ్‌వీర్ కుమార్ (49)ను గతవారం అదుపులోకి తీసుకున్నారు.

ఈ ముఠా కొన్నేళ్లుగా ఖాళీగా ఉన్న భూముల కోసం వెతికి, ఆపై ఎవరైనా అభ్యంతరం వ్యక్తం చేస్తున్నారో లేదో తెలుసుకోడానికి నిర్మాణ పనులు చేపట్టినట్టు బిల్డప్ ఇస్తారు. ఎవరూ అభ్యంతరం చేయకపోతే అసలు యజమానుల వివరాలను సేకరించి, వారి పేరుతో నకిలీ పత్రాలను తయారు చేస్తారు. ముఠాలోని ఓ సభ్యుడు యజమాని బంధువుగా నటిస్తాడు.. తన గుర్తింపును నిరూపించడానికి మరొ నకిలీ పత్రాలను సమర్పిస్తాడు.

ఈ ప్లాట్లను ఎమ్మార్వో ఆఫీసులో గిఫ్ట్ డీడ్‌గా బదిలీచేసి ఎటువంటి అనుమానం కలగకుండా జాగ్రత్తలు తీసుకున్నట్టు పోలీస్ వర్గాలు తెలిపాయి. కవిత రాణి అలియాస్ రియా సెహగల్ పేరిట నకిలీ పాస్‌పోర్ట్‌తో బ్యాంకు ఖాతా తెరిచినట్టు పేర్కొన్నారు. మిగతా ఇద్దరు కూడా ఈ విధంగానే ఖాతాలను తెరిచి, లావాదేవీలకు ఉపయోగించినట్టు తేలింది. వందల కోట్ల లావాదేవీలు వీటి ద్వారా జరిగినట్టు గుర్తించారు. వీరి మరికొందరు సహకరించినట్టు పోలీసులు పేర్కొన్నారు. ఇక, ఈ ముఠా ప్రధాన సూత్రధాని సంజయ్ కథౌరియా దుబాయ్‌లో ఉన్నట్టు అనుమానిస్తున్నారు.

గతంలో ఇటువంటి నేరాలకు పాల్పడి జైలుకు వెళ్లిన సంజయ్.. 2018లో బయటకు వచ్చిన తర్వాత ఈ ముఠాను తయారుచేసినట్టు గుర్తించారు. మొత్తం రూ.523 కోట్ల మేర ఈ ముఠా బ్యాంకు ఖాతాల ద్వారా లావాదేవీలు జరిగాయని పోలీసులు తెలిపారు. కానీ, తన ముఠా సభ్యులను ఎలా సంతోషంగా ఉంచాలో కథౌరియాకు తెలుసని పోలీసులు అన్నారు. వారిని తరచూ దుబాయ్‌కి తీసుకెళ్లి.. మోసం పరిమాణాన్ని బట్టి యజమాని, అతని బంధువుగా నటిస్తున్న వారికి రూ .50,000-1.5 లక్షలు చెల్లించేవాడని చెప్పారు. వీరంతా అక్కడ విలాసాలు చేస్తుంటారని పేర్కొన్నారు.

LEAVE A REPLY

Please enter your comment!
Please enter your name here