Covid vaccine: భారత్ టీకాలు పాకిస్థాన్‌కు.. మార్చినాటికి 7 మిలియన్ల కోవిషీల్డ్ డోస్‌లు – made india vaccine covishield part of pakistan jab drive under covax

0
39


ప్రధానాంశాలు:

  • దాయాదికి మేడిన్ ఇండియా టీకాలు సరఫరా.
  • ప్రపంచ ఆరోగ్య సంస్థ కొవాక్స్‌లో భాగంగా పాక్‌కు వ్యాక్సిన్.
  • మార్చి నాటికి పాకిస్థాన్‌లో భారత్ వ్యాక్సిన్.‌

కోవిడ్-19 సంక్షోభం వేల భారత్ కీలక పాత్ర పోషిస్తోంది. దేశీయ అవసరాలకు పోనూ విదేశాలకు కరోనా వ్యాక్సిన్ సరఫరా చేస్తోంది. ఇప్పటికే భూటాన్, మాల్దీవులు, బంగ్లాదేశ్, నేపాల్, మయన్మార్, సీషెల్స్ వంటి దేశాలకు వ్యాక్సిన్ల అందజేసింది. దేశీయ అవసరాలను దృష్టిలో ఉంచుకుని పొరుగు దేశాలు, భాగస్వామి దేశాలకు కూడా వ్యాక్సిన్‌ సరఫరా చేయడానికి భారత్ ముందుకొచ్చింది. బహెరైన్, శ్రీలంకలకు కోవీషీల్డ్ వ్యాక్సిన్‌ను అందించింది. శ్రీలంకకు 50,400 డోసులు, బహెరైన్‌కు 10,800 టీకాలను పంపించారు. సీరం ఇన్‌స్టిట్యూట్ ఆఫ్ ఇండియా ఉత్పత్తిచేసిన కోవిషీల్డ్‌ను వివిధ దేశాలకు అందజేశారు.

కాగా, గల్ఫ్ దేశమైన ఒమన్‌కు లక్ష డోస్‌లను త్వరలో పంపనుంది. అలాగే, అఫ్గనిస్థాన్‌కు కూడా వచ్చే వారం 5 లక్షల డోస్‌లను, నికరగువాకు 2 లక్షలు డోస్‌లు, బార్బడోస్‌కు లక్ష, డొమినిక్ రిపబ్లిక్‌కు 70వేలు డోస్‌లు, మంగోలియాకు 1.5 డోస్‌లు సరఫరా చేయనుంది. దీనికి సంబంధించిన తేదీలను నిర్ణయించనున్నారు. ఇక, ఈజిప్టు, అల్జేరియా, యూఏఈ, కువైట్ కూడా ఈ జాబితాలో ఉన్నారు. ఉచితంగా ఇచ్చిన డోస్‌లతోపాటు మంగోలియా (10 లక్షలు), నికరగువా (3 లక్షలు), సౌదీ అరేబియా (30 లక్షలు), మాయన్మార్, బంగ్లాదేశ్‌లు భారత్ నుంచి టీకాలు కొనుగోలుకు ఒప్పందాలు చేసుకున్నాయి.

ఇదిలా ఉండగా దేశంలో తయారయిన దాదాపు 7 మిలియన్ల కోవిషీల్డ్ డోస్‌లను పాకిస్థాన్‌కు వచ్చేవారం పంపనున్నారు. పాకిస్థాన్ ఉచిత వ్యాక్సినేషన్‌లో భాగంగా ఈ టీకాలను ఇమ్రాన్ ఖాన్ సర్కారు కొనుగోలు చేస్తోంది. అన్ని దేశాలకు టీకా పంపిణీ కోసం ప్రపంచ ఆరోగ్య సంస్థ ఏర్పాటు చేసిన కొవాక్స్లో భాగంగా పాకిస్థాన్‌కు కోవిషీల్డ్ టీకాలు సరఫరా చేయనున్నట్టు ప్రధాని ఇమ్రాన్ ఖాన్ ప్రత్యేక సహాయకుడు (హెల్త్) డాక్టర్ ఫైజల్ సుల్తాన్ అన్నారు.

మరోవైపు, చైనా నుంచి కొనుగోలు చేసిన సైనోఫామ్ టీకా తొలి విడత డోస్‌లను తీసుకొచ్చేందుకు పాకిస్థాన్ నుంచి ప్రత్యేక విమానం అక్కడకు వెళ్లిందని సుల్తాన్ తెలిపారు. మొత్తం 17 మిలియన్ల్ డోస్‌లలో దాదాపు ఏడు మిలియన్ల కోవిషీల్డ్ టీకాలు మార్చి నాటికి పాక్‌కు చేరుకుంటాయని పేర్కొన్నారు. కొవాక్స్‌ కార్యక్రమంలో భాగంగా భారత్ 100 లక్షల డోస్‌లను అమ్మనుంది. దీనికి అదనంగా ప్రపంచవ్యాప్తంగా ఉన్న తన సిబ్బంది కోసం ఐరాస 4 లక్షల డోస్‌లు కొనుగోలు చేయనుంది

LEAVE A REPLY

Please enter your comment!
Please enter your name here