Covid vaccine: ఏ ప్రాతిపదికన టీకాలకు అనుమతించారు.. డీసీజీఐ నిర్ణయంపై నిపుణులు అభ్యంతరం – experts question covid vaccine approvals, say key info must be made public

0
61


దేశంలో భారత్ బయోటెక్, ఆక్స్‌ఫర్డ్ టీకాలను అత్యవసర వినియోగానికి డీసీజీఐ అనుమతించిన విషయం తెలిసిందే. అయితే, టీకా అనుమతి విధానంపై పలువురు నిపుణులు సందేహాలు వెలిబుచ్చుతున్నారు. టీకా ప్రభావశీలతపై డేటాను వెలువరించకుండా ఆమోదించిన ఇతర దేశాలు రష్యా, చైనా మాత్రమేనని ఇంటర్నేషనల్ అసోసియేషన్ ఆఫ్ బయోఎథిక్స్ మాజీ అధ్యక్షుడు డాక్టర్ అనంత్ భాన్ వ్యాఖ్యానించారు.

‘రెగ్యులేటరీ ప్రక్రియపై విశ్వాసం పెంపొందించడం ముఖ్యం. కానీ ఇక్కడ, చాలా మంది వైద్యులకు ఖచ్చితంగా తెలియదు.. వాస్తవానికి ఏ టీకా పనిచేస్తుందని అడుగుతున్నారు. ఆమోదం తెలిపిన విధానంపై విశ్వాసం లేదు.. ఏదేనా చట్టం ఆధారంగా కాకుండా సృజనాత్మక రచన అనిపించేదిగా ఉండాలి’ అని అన్నారు.

టీకా ఆమోదంపై డీసీజీఐ ఏకవాక్య ప్రకటనపై స్పష్టత కోసం ఎదురుచూసిన వారికి నిరాశ ఎదురయ్యింది. దీనిపై ప్రశ్నలకు అవకాశం ఇవ్వలేదు. ఆమోదం పొందిన ప్రతి టీకా విషయంలో షరతులతో కూడిన అత్యవసర వినియోగం (REU) కింద ఆమోదం ఇస్తున్న చట్టం నిర్దిష్ట నిబంధన గురించి సమాచారం లేదని అఖిల భారత డ్రగ్ యాక్షన్ నెట్‌వర్క్ (ఐడాన్) కు చెందిన మాలిని ఐసోలా అన్నారు.

ఈ నిర్ణయాలకు ఆధారమైన మొత్తం డేటా, విశ్లేషణలను వెల్లడించాలని, ఇవి బహిరంగంగా అందుబాటులో ఉంటాయి కాబట్టి అవి స్వతంత్రంగా ధ్రువీకరించవచ్చని ఐడాన్ ఓ ప్రకటనలో పేర్కొంది. యూకే కరోనా స్ట్రెయిన్‌పై కొవాగ్జిన్ టీకా సమర్ధవంతంగా పనిచేస్తుందంటున్నారని, దీనికి సంబంధించిన డేటా లేదా శాస్త్రీయ ఆధారాలు ఏమీ వెల్లడించలేదని ఐడాన్ సభ్యుడు, వ్యాక్సిన్ నిపుణుడు డాక్టర్ గగన్‌దీప్ కంగ్ అన్నారు.

‘రెండు వ్యాక్సిన్ల ఆమోదం కోసం నిపుణుల కమిటీ సిఫారసు చేసిన స్థానిక సమర్థత డేటా ప్రాతిపదిక ఏమిటి? మూడో దశ క్లినికల్ ట్రయల్స్‌కు వాలంటీర్లను రిక్రూట్‌మెంట్ చేసుకోవడంలో ఇబ్బందులు పడుతోన్న భారత్ బయోటెక్‌ టీకాకు అనుమతి ఇవ్వడం ఆశ్చర్యానికి గురిచేసింది.. కాబట్టి ఆమోదానికి ఎస్ఈసీ ప్రాతిపదిక ఏంటి?’ అని ఇండియన్ జర్నల్ ఆఫ్ మెడికల్ ఎథిక్స్ ఎడిటర్ డాక్టర్ అమర్ జెసానీ అన్నారు.

‘భారత్ బయోటెక్ మూడో దశ క్లినికల్ ట్రయల్స్ తొలి ఫలితాలు వచ్చేవరకైనా కనీసం వేచిచూడాల్సింది.. ఇది మహమ్మారి.. దీనికి టీకాలు అవసరం.. కానీ, ఇదే సమయంలో ఆమోదం పొందిన టీకాపై ప్రజలకు విశ్వాసం, నమ్మకం కూడా అంతే ముఖ్యం’ అని పబ్లిక్ హెల్త్ విభాగం ఫిజీషియన్, పరిశోధకుడు డాక్టర్ జేఎన్ రావ్ వ్యాఖ్యానించారు.

LEAVE A REPLY

Please enter your comment!
Please enter your name here