covid vaccination in india: టీకా తీసుకున్నవారిలో 8,500 మందికి దుష్ప్రభావాలు.. వ్యాక్సిన్‌పై ఆసక్తికర ఫీడ్‌బ్యాక్ – just 8,500 of 44 lakh recipients reported adverse events in covid vaccination

0
30


ప్రధానాంశాలు:

  • ఫిబ్రవరి 13 నుంచి ప్రారంభం కానున్న కోవిడ్ టీకా రెండో డోస్.
  • టీకా పంపిణీ ప్రక్రియ, దుష్ప్రభావాలపై ఆసక్తికర ఫీడ్‌బ్యాక్.
  • టీకా వేసుకున్న తర్వాత వివిధ కారణాలో 19 మంది మృతి.

దేశంలో కోవిడ్ వ్యాక్సినేషన్ ప్రక్రియ కొనసాగుతోంది. జనవరి 16న టీకా పంపిణీ ప్రారంభం కాగా.. ఇప్పటి వరకు 44 లక్షల మందికిపైగా టీకా వేశారు. మరే దేశంలోనూ తక్కువ కాలంలో ఇంత పెద్ద సంఖ్యలో టీకాలు వేయలేదు. కాగా, టీకా తీసుకున్న వ్యక్తుల నుంచి ప్రభుత్వం ఫీడ్‌బ్యాక్ కోరగా.. 5,12,128 మంది స్పందించారు. వీరిలో 97 శాతం మంది వ్యాక్సినేషన్‌పై సంతృప్తి వ్యక్తం చేశారు. అలాగే, టీకా తీసుకున్న తర్వాత తమకు ఎటువంటి దుష్ప్రభావాలు ఎదురుకాలేదని 11 శాతం మంది తెలిపారు.

టీకా కేంద్రాల్లో భౌతిక దూరం నిబంధనలపై 97.4 శాతం మంది, వ్యాక్సినేషన్ విధానంపై 98. 4 శాతం మంది, టీకా తీసుకున్న తర్వాత 30 నిమిషాలు ఉండాలని సూచించినట్టు 97.1 శాతం మంది, వ్యాక్సినేషన్ అనుభవంపై 97.4 శాతం మంది సంతృప్తి వ్యక్తం చేసినట్టు డేటా తెలిపింది. ఇక, టీకా తీసుకున్న 8,563 మంది తమకు దుష్ప్రభావాలు ఎదురయినట్టు తెలిపారు. మొత్తం టీకా తీసుకున్నవారిలో ఇది 0.2 శాతం కాగా.. 34 మంది తీవ్ర అనారోగ్యంతో ఆస్పత్రిలో చేరారు.

దేశంలో ఏఈఎఫ్ఐ నిర్మాణాత్మక, దృఢమైన వ్యవస్థ ఉంది.. కోవిడ్ సమయంలో దీనిని మరింత బలోపేతం చేశామని కేంద్ర ఆరోగ్య శాఖ కార్యదర్శి రాజేశ్ భూషణ్ అన్నారు. కోవిడ్ టీకా తీసుకున్నవారిలో 19 మంది చనిపోయినా.. ఆ మరణాలతో వ్యాక్సిన్‌ కారణం కాదన్నారు. వీరికి పోస్ట్‌మార్టం నిర్వహించామని, నివేదికలను రాష్ట్ర, జాతీయ వ్యాక్సినేషన్ కమిటీలు సమీక్షించాయని ఆయన పేర్కొన్నారు.

మొత్తం 97 లక్షల ఆరోగ్య కార్యకర్తల్లో ఇప్పటి వరకు దాదాపు 45 శాతం (43.7 లక్షల మంది) మందికి తొలి డోస్ ఇచ్చారు. రెండో డోస్‌ ఫిబ్రవరి 13 నుంచి ప్రారంభించనున్నారు. శుక్రవారం నాటికి 50 శాతం మంది ఆరోగ్య సంరక్షణ సిబ్బందికి టీకా పూర్తవుతుందని కేంద్రం భావిస్తోంది. దేశవ్యాప్తంగా మొత్తం 5,912 ప్రభుత్వ, 1,239 ప్రయివేట్ కేంద్రాలలో వ్యాక్సినేషన్ కొనసాగుతోందని కేంద్ర ఆరోగ్య కార్యదర్శి తెలిపారు. కొవిన్ యాప్ ద్వారా టీకా వేసుకున్న వ్యక్తుల నుంచి ఫీడ్‌బ్యాక్ తీసుకుంటున్నారు.

LEAVE A REPLY

Please enter your comment!
Please enter your name here