covaxin adverse effect: కొవాగ్జిన్ లబ్దిదారులు తీవ్ర అనారోగ్యానికి గురైతే నష్టపరిహారం.. భారత్ బయోటెక్ ప్రకటన‌ – compensation if covaxin causes serious adverse effect says bharat biotech

0
23


కోవిడ్ టీకాలపై అపోహలు, సందేహాలు నెలకున్నవేళ భారత్ బయోటెక్ సంస్థ కీలక ప్రకటన చేసింది. తాము రూపొందించిన కొవాగ్జిన్ టీకా వేయించుకున్న వ్యక్తుల్లో ఒకవేళ తీవ్ర దుష్ప్రభావాలు ఎదురైతే వారికి నష్టపరిహారం చెల్లిస్తామని ప్రకటించింది. టీకా కేంద్రాలతో భారత్ బయోటెక్ శుక్రవారం పంచుకున్న సమ్మతి పత్రంపైన హైలైట్ చేసిన అంశాలలో పరిహారం ఒకటి. ప్రభుత్వ ఆసుపత్రులలో టీకాలు వేసే ప్రదేశాలలో కొవాగ్జిన్ అందజేయనున్నారు. టీకా తీసుకున్న అనంతరం లబ్ధిదారులు తీవ్రమైన అనారోగ్య సమస్యలను ఎదుర్కొంటే ప్రభుత్వ, అధీకృత కేంద్రాలు లేదా ఆసుపత్రులలో చికిత్స అందిజేస్తామని సమ్మతి పత్రంలో పేర్కొంది.

టీకా దుష్ప్రభావాల పరిహారం విషయంలో వ్యాక్సిన్ తయారీదారులు, ప్రభుత్వం మధ్య వివాదం నెలకుంది. దుష్ప్రభావాలకు నష్టపరిహారం చెల్లించాలనే డిమాండ్ చేస్తుండగా.. అన్నింటికీ కంపెనీలు బాధ్యత వహిస్తాయని ప్రభుత్వం టీకా కొనుగోలు ఉత్తర్వులో పేర్కొంది. మూడు పేజీల సమ్మతి పత్రం ఆందోళనలను తొలగిస్తుందా? అనేది శనివారం టీకా పంపిణీ ప్రారంభమైన తర్వాత తెలియజేస్తుందని మహారాష్ట్ర అధికారులు తెలిపారు. కొవాగ్జిన్ ఇప్పటికీ మూడో దశ ట్రయల్స్‌లో ఉందని, సమర్థత డేటా అందుబాటులో లేదని అన్నారు

కోవిషీల్డ్ పొందే వారిలా కాకుండా కొవాగ్జిన్ లబ్ధిదారులు సమ్మతి పత్రంలో సంతకం చేయాల్సి ఉంటుంది.. ఎందుకంటే ఇది అత్యవసర పరిస్థితులలో షరతులతో కూడిన వినియోగం కోసం ఆమోదించారు. అలాగే, టీకా వేయించుకునే ముందు ఫాక్ట్-షీట్, ప్రతికూల ప్రభావ రిపోర్టింగ్ ఫారమ్ కూడా అందజేస్తారు. మొదటి ఏడు రోజులలో జ్వరం, నొప్పి, దద్దర్లు వంటి లక్షణాలను గమనించాలి. తొలి రెండు దశల క్లినికల్ ట్రయల్స్‌లో కోవిడ్ -19కు వ్యతిరేకంగా యాంటీబాడీలను ఉత్పత్తి చేసే సామర్థ్యాన్ని టీకా ప్రదర్శించిందని భారత్ బయోటెక్ కంపెనీ చెప్పడంతో సమ్మతి పత్రం ప్రారంభమవుతుంది.

‘అయితే, కొవాగ్జిన్ క్లినికల్ ట్రయల్స్ సమర్దత డేటా ఇంకా వెల్లడించలేదు.. మూడో దశ ట్రయల్స్‌ ఇంకా కొనసాగుతున్నాయి’ అని తెలిపింది. సమర్ధత నిరూపించబడని ఈ వ్యాక్సిన్ తీసుకోకూడదనుకుంటే? మేము ఎటువంటి టీకా లేకుండా వెళ్లి కోవిడ్ వార్డులలో పని చేయాల్సి ఉంటుంది’ అని ఒక సీనియర్ వైద్యుడు చెప్పారు.

కొవాగ్జిన్ గురించి రెండో ఆలోచనలు ఉన్నవారి కోసం బ్యాకప్ వ్యాక్సిన్ లేదని మహారాష్ట్ర అధికారులు స్పష్టం చేశారు. ‘టీకా సురక్షితం అని మాకు తెలిపారు.. ప్రతి ఒక్కరూ ఫాక్ట్ షీట్ చదివి సమాచారం తెలుసుకుంటారని ఆశిస్తున్నాం’ అని నేషనల్ హెల్త్ మిషన్ కమిషనర్ పేర్కొన్నారు. ‘ప్రతి కేంద్రంలో ఒకే రకమైన వ్యాక్సిన్ ఉంటుంది, కాబట్టి కొవాగ్జిన్ కోసం కేటాయించిన కేంద్రాలలో కోవిషీల్డ్ ఇవ్వడానికి అవకాశం లేదు’ అని ఆయన చెప్పారు.

LEAVE A REPLY

Please enter your comment!
Please enter your name here