Corona Vaccine: కోట్లాది మందికి కొవిడ్ వ్యాక్సిన్.. రూ.35 వేల కోట్ల కేటాయింపు – rs 35000 crore allotted for covid-19 vaccines in union budget 2021

0
35


దేశంలో కోట్లాది మందికి కొవిడ్ వ్యాక్సిన్ అందించాల్సి ఉన్న వేళ బడ్జెట్‌-2021లో కీలక ప్రకటన చేశారు. కొవిడ్ వ్యాక్సినేషన్‌ ప్రక్రియకు రూ.35 వేల కోట్లు కేటాయిస్తున్నట్లు ఆర్థిక మంత్రి నిర్మలా సీతారామన్ తన బడ్జెట్ ప్రసంగంలో ప్రకటించారు. ఒకవేళ వ్యాక్సిన్ డోసుల ధర పెరిగితే అందుకనుగుణంగా ఈ బడ్జెట్‌ను పెంచుతామని హామీ ఇచ్చారు. కొవిడ్ మహమ్మారితో కుదేలైన వేళ కేంద్ర బడ్జెట్-2021లో ఆరోగ్య రంగానికి పెద్ద పీట వేశారు.

‘కరోనాపై పోరులో భాగంగా కరోనా వ్యాక్సినేషన్‌ ప్రక్రియ కోసం రూ.35,000 కోట్లు కేటాయిస్తున్నాం. 2021-22 ఆర్థిక సంవత్సరంలో 68.6 కోట్ల జనాభాకు డోసుకు రూ. 255 చొప్పున రెండు డోసుల టీకాలను ఇవ్వాలని లక్ష్యంగా పెట్టుకున్నాం. ఒకవేళ డోసుల ధర పెరిగితే బడ్జెట్‌ను మరింత పెంచుతాం’ అని నిర్మలా సీతారామన్‌ అన్నారు.

త్వరలో మరో రెండు వ్యాక్సిన్లు అందుబాటులోకి రానున్నట్లు నిర్మలా సీతారామన్ తన బడ్జెట్ ప్రసంగంలో భాగంగా చెప్పారు. ప్రస్తుతం దేశంలో రెండు వ్యాక్సిన్లు అందుబాటులో ఉన్నాయని.. భారతీయులకే కాకుండా, ఇతర దేశాలకు కూడా టీకాలను సరఫరా చేస్తున్నామని ఆమె తెలిపారు.

‘కరోనా మహమ్మారిని దేశం సమర్థంగా ఎదుర్కొంది. ప్రపంచ దేశాలతో పోలిస్తే భారత్‌లో కొవిడ్ మరణాల రేటు, యాక్టివ్ కేసుల రేటు అత్యంత తక్కువగా ఉంది. దేశంలో ప్రస్తుతం ప్రతి 10 లక్షల మంది జనాభాకు 130 యాక్టివ్‌ కేసులు ఉన్నాయి. ప్రభుత్వ చర్యల వల్లే దేశంలో ఆర్థిక వ్యవస్థ మళ్లీ గాడిలో పడింది’ అని నిర్మలా సీతారామన్‌ అన్నారు.

LEAVE A REPLY

Please enter your comment!
Please enter your name here