corona single dose vaccine: సింగిల్ డోసు వ్యాక్సిన్ వచ్చేస్తోంది.. అనుమతి కోరిన జాన్సన్ & జాన్సన్ – johnson and johnson single dose covid-19 vaccine to kick of soon, applied to fda for emergency use in us

0
34


కొవిడ్ మహమ్మారి నియంత్రణకు ప్రపంచవ్యాప్తంగా పలు దేశాల్లో వ్యాక్సిన్లు అందుబాటులోకి వచ్చాయి. అయితే.. అవన్నీ రెండు డోసుల టీకాలే. దాదాపుగా అన్ని వ్యాక్సిన్లు 28 రోజుల వ్యవధిలో రెండో డోసును తీసుకోవాల్సి ఉంది. మరొక ముఖ్యమైన విషయం ఏమిటంటే.. రెండో డోసు తీసుకున్న తర్వాత కరోనా వైరస్ నుంచి 90 శాతం రక్షణ లభిస్తుంది. కొన్ని ఫార్మా సంస్థలు సింగిల్ డోసు వ్యాక్సిన్‌పై పరిశోధనలు చేస్తున్నాయి. అందులో జాన్సన్ అండ్ జాన్సన్ టీకాపై అంచనాలు నెలకొన్నాయి. తాజాగా ఈ సంస్థ గుడ్ న్యూస్ అందించింది.

తమ సింగిల్ డోసు టీకా ఇప్పటివరకు అందుబాటులోకి వచ్చిన కొవిడ్ వ్యాక్సిన్ల కంటే సమర్థంగా పనిచేస్తోందని జాన్సన్ అండ్ జాన్సన్ చెబుతోంది. అత్యవసర వినియోగానికి అనుమతి కోరుతూ అమెరికా నియంత్రణ సంస్థలకు దరఖాస్తు చేసుకుంది. అనుమతి వచ్చిన వెంటనే టీకా పంపిణీ చేస్తామని.. అందుకు ఏర్పాట్లు చేశామని తెలిపింది.

కొవిడ్‌ మరణాల నుంచి తమ టీకా 100 శాతం రక్షణ కల్పిస్తుందని జాన్సన్ & జాన్సన్ తెలిపింది. వ్యాక్సిన్‌ తీసుకున్న 14 రోజుల్లోనే వైరస్ నుంచి రక్షణ లభిస్తుందని పేర్కొంది. యూఎస్‌లో ఇప్పటికే రెండు వ్యాక్సిన్లకు అనుమతి ఇచ్చిన సంగతి తెలిసిందే. జాన్సన్ & జాన్సన్‌ అందించిన సమాచారం పరిశీలించి టీకా అనుమతిపై త్వరలోనే నిర్ణయం తీసుకునే అవకాశం ఉంది.

తాము అభివృద్ధి చేసిన సింగిల్‌ డోస్‌ టీకా.. కరోనా వైరస్‌ను ఎదుర్కోవడంలో 66 శాతం సమర్థవంతంగా పనిచేస్తున్నట్లు జాన్సన్ & జాన్సన్ ఇప్పటికే ప్రకటించింది. తీవ్ర కేసుల్లో 85 శాతం సమర్థత చూపించినట్లు వెల్లడించింది. సింగిల్‌ డోసు టీకా ప్రయోగాలను ప్రపంచ వ్యాప్తంగా 44 వేల మందిపై జరిపినట్లు తెలిపింది. ఆ తర్వాత ఫలితాలు వెల్లడించింది. అమెరికాలో జరిపిన ప్రయోగాల్లో వ్యాక్సిన్‌ 72 శాతం సమర్థత చూపించగా, లాటిన్‌ అమెరికా దేశాల్లో 66 శాతం, దక్షిణాఫ్రికాలో 57 శాతం సమర్థత కనబరిచిందని ఆ సంస్థ తెలిపింది.

అమెరికాలో కరోనా వైరస్ ఉధృతి ఏమాత్రం తగ్గడం లేదు. అక్కడ డిసెంబర్ నుంచే టీకాలు అందిస్తున్నారు. ఆస్ట్రాజెనెకా-ఆక్స్‌ఫర్డ్, మోడెర్నా వ్యాక్సిన్లను ఎమర్జెన్సీ వినియోగం కింద అందుబాటులోకి తీసుకొచ్చారు. ఈ రెండు టీకాలను రెండు డోసుల్లో తీసుకోవాల్సి ఉంది. జాన్సన్‌ అండ్ జాన్సన్‌ సంస్థ వ్యాక్సిన్‌ ఒకే డోసు సరిపోతుంది. అంతేకాకుండా దీన్ని సాధారణ రిఫ్రిజిరేటర్‌ ఉష్ణోగ్రతల వద్దే నిల్వ చేసుకునే వెసులుబాటు ఉండటం మరో విశేషం.

LEAVE A REPLY

Please enter your comment!
Please enter your name here