Congress party: పార్లమెంట్ వేదికగా బీజేపీ ఎన్నికల మేనిఫెస్టో.. బడ్జెట్‌పై ఘాటు విమర్శలు – opposition terms union budget 2021 as election manifesto of bjp for poll-bound states

0
25


కేంద్ర ప్రభుత్వం 2021-22 సంవత్సరానికి గాను ప్రవేశపెట్టిన బడ్జెట్‌పై ప్రతిపక్షాలు విమర్శలు కురిపించాయి. అది బడ్జెట్‌లా లేదని, బీజేపీ ఎన్నికల మ్యానిఫెస్టో మాదిరిగా ఉందని సెటైర్లు వేశాయి. త్వరలో అసెంబ్లీ ఎన్నికలు జరుగనున్న రాష్ట్రాల్లో వివిధ ప్రాజెక్టులకు పెద్ద ఎత్తున నిధులు కేటాయించడం పట్ల ఈవిధంగా స్పందించాయి. ఎన్నికల మేనిఫెస్టోను ప్రకటించడానికి పార్లమెంటును వేదికగా చేసుకున్నారని దుయ్యబట్టారు.

కేంద్ర బడ్జెట్-2021లో పశ్చిమ బెంగాల్, తమిళనాడు, కేరళ, అసోం రాష్ట్రాల్లో రహదారుల నిర్మాణ ప్రాజెక్టులకు పెద్ద ఎత్తున నిధులు కేటాయించారు. బెంగాల్‌లో రోడ్ల నిర్మాణం కోసం రూ.25 వేల కోట్లు కేటాయిస్తున్నట్లు నిర్మలా సీతారామన్ ప్రకటించారు. కోల్‌కతా – సిలిగురి హైవే కారిడార్ సహా బెంగాల్‌లో 675 కి.మీ. మేర హైవేల నిర్మాణ ప‌నులు చేప‌ట్టనున్నట్లు తెలిపారు.

త‌మిళ‌నాడులో 3500 కిలోమీట‌ర్ల మేర‌ జాతీయ హైవేల నిర్మాణ ప‌నులు చేప‌ట్టనున్నట్లు ఆర్థిక మంత్రి తెలిపారు. ఇందు కోసం రూ.1.03 ల‌క్షల కోట్లు ఖ‌ర్చు చేయ‌నున్నట్లు వెల్లడించారు. అదేవిధంగా కేర‌ళ‌లో 1100 కిలోమీట‌ర్ల రహదారుల నిర్మాణ ప‌నుల కోసం రూ.65 వేల కోట్లు కేటాయించారు.

పశ్చిమ బెంగాల్, తమిళనాడు, కేరళ, అసోం రాష్ట్రాల్లో త్వరలో అసెంబ్లీ ఎన్నికలు జరుగనున్న విషయం తెలిసిందే. ఈ నేపథ్యంలో ఆయా రాష్ట్రాలకు పెద్ద ఎత్తున నిధులు కేటాయించడం పట్ల విపక్షాలు మండిపడుతున్నాయి. బడ్జెట్‌లో ప్రలోభాలు తప్ప ఏవీ లేవని కాంగ్రెస్ పార్టీ అసోం చీఫ్ రిపున్ బోరా విమర్శించారు.

Also Read:

ఇది ప్రత్యేక బడ్జెట్.. ప్రవేశపెట్టిన గంటల్లోనే నిపుణుల ప్రశంసలు: మోదీ

శ్మశానం కోసం చనిపోవడానికి సిద్ధమైన కాపలాదారు.. కదిలించే ఘటన

LEAVE A REPLY

Please enter your comment!
Please enter your name here