committee report on trees: వందేళ్లలో ఒక్కో చెట్టుతో రూ.75 లక్షల విలువైన ప్రయోజనం.. సుప్రీం నిపుణుల కమిటీ – 300 felled trees will cost ₹2.2 billion in products, including oxygen says expert committee

0
25


ప్రధానాంశాలు:

  • ప్రాజెక్టుల కోసం చెట్లు నరకడం వల్ల నష్టాలేనన్న కమిటీ.
  • ఒక్కో చెట్టు నుంచి ఏడాదికి రూ.74 వేల విలువైన ప్రయోజనం.
  • బెంగాల్‌లో పై వంతెనల కోసం చెట్లు నరకడాన్ని వ్యతిరేకించిన సుప్రీం.

పశ్చిమ్ బెంగాల్‌లో ఐదు రైల్వే పై వంతెనల కోసం చెట్లు నరకడానికి ప్రతిపాదనలు చేయగా.. దీనిని పర్యావరణవేత్తలు తీవ్రంగా వ్యతిరేకిస్తున్నారు. ఐదు పై వంతెనల కోసం దశాబ్దాలుగా ఉన్న 300 చెట్లు నరకడానికి సిద్ధమవుతుండగా.. పర్యావరణ నిపుణులు కమిటీ తీవ్రంగా వ్యతిరేకించింది. రైల్వే ఓవర్‌ బ్రిడ్జి కన్నా ఒక చెట్టు వల్ల ఎంతో మేలు జరుగుతుందని సుప్రీంకోర్టుకు ఈ కమిటీ తెలియజేసింది. చీఫ్ జస్టిస్ ఎస్ఏ బోబ్డే నేతృత్వంలోని ధర్మాసనానికి ఈ మేరకు నివేదికను సమర్పించింది.

ఒక్కో చెట్టు నుంచి ఏడాదికి రూ.74,500 విలువైన ఆక్సిజన్, ఇతర ఉత్పత్తుల ప్రయోజం చేకూరుతోందని ఈలెక్కన 300 వృక్షాలు 100 ఏళ్లు జీవిస్తే 2.2 బిలియన్ డాలర్ల విలువైన ప్రయోజనాలు కలుగుతాయని పేర్కొంది. ‘వారసత్వ వృక్షం పరిపక్వతకు దశాబ్దాలు లేదా శతాబ్దాలు పడుతుంది… 300 వృక్షాలను కొట్టివేయకుండా ఉంటే వాటి నుంచి వందల కోట్ల విలువైన ఉత్పత్తులు, ప్రయోజనాలను అందుకోవచ్చు’ అని కమిటీ తెలిపింది.

ఈ వృక్షాలు సమాజానికి, పర్యావరణానికి ఎంతగానే ఉపయోగపడుతున్నాయని, ఆక్సిజన్, మైక్రో న్యూట్రియింట్స్, కంపోస్ట్, బయో-రసాయనాలు లభిస్తున్నాయని వివరించింది. ‘మొత్తం 300 చెట్ల భవిష్యత్తు విలువ ఇది.. 59.2 కిలోమీటర్ల రహదారి విస్తీర్ణాన్ని పరిగణనలోకి తీసుకుంటే ఒక దశాబ్దం లేదా అంతకంటే ఎక్కువ కాలంలో రద్దీగా మారుతుంది.. అధికారులు దాని వెడల్పును విస్తృతం చేయడానికి ఈ లెక్కన 4,056 చెట్లను తొలగించాల్సి ఉంటుంది.. అలాంటప్పుడు, 100 ఏళ్ల వ్యవధిలో ఉత్పత్తుల ధర రూ.30.21 బిలియన్లు’ అని నివేదించింది.

కాబట్టి ఈ పర్యావరణ విపత్తును నివారించడానికి సాధారణ ఫ్రేమ్‌వర్క్ నుంచి ఒక పరిష్కారం అవసరం అని స్పష్టం చేసింది. ‘సేతు భారతం మెగా ప్రాజెక్టు’లో భాగంగా 19 రాష్ట్రాల్లో రూ.20,800 కోట్ల వ్యయంతో 208 రైల్వే పై వంతెనలు, అండర్ బ్రిడ్జిలను కేంద్రం నిర్మిస్తోంది. ఈ ప్రాజెక్టును అమలు చేయడానికి ముందు జాతీయ ప్రాముఖ్యత, పర్యావరణ ప్రభావం గురించి మదింపు చేయాల్సిన అవసరం ఉందని, ఇది పశ్చిమ్ బెంగాల్‌లో అనుసరనీయం కాదని నిపుణుల కమిటీ అభిప్రాయపడింది.

ఈ ప్రాజెక్టులో భాగంగా పశ్చిమ్ బెంగాల్ ప్రభుత్వం 300 వృక్షాలను తొలగించడానికి ప్రతిపాదనలు చేసింది. దీనిని సవాల్ చేస్తూ పర్యావరణ ఉద్యమకారులు హైకోర్టును ఆశ్రయించారు. అక్కడ నుంచి ఈ విషయం సుప్రీంకోర్టుకు చేరడంతో నిపుణుల కమిటీని వేసి, నివేదిక సమర్పించాలని సూచించింది.

LEAVE A REPLY

Please enter your comment!
Please enter your name here