colonel santosh babu: భరతమాత ముద్దుబిడ్డ కల్నల్ సంతోష్‌కు మహావీర చక్ర.. 9 మంది జవాన్లకు అత్యున్నత పురస్కారాలు – martyr soldier, galwan hero colonel santosh babu awarded with maha vir chakra

0
22


ల్వాన్ లోయలో చైనా సైనికులతో జరిగిన ఘర్షణలో అమరుడైన భరతమాత ముద్దుబిడ్డ, తెలంగాణ వాసి కల్నల్ బికుమళ్ల సంతోష్ బాబుకు కేంద్ర ప్రభుత్వం మరణానంతరం ప్రతిష్టాత్మక పురస్కారానికి ఎంపిక చేసింది. సైనిక వీరులకు అందజేసే రెండో అత్యున్నత పౌర పురస్కారం ‘మహావీర్ చక్ర’ అవార్డుకు ఆయణ్ని ఎంపిక చేసింది. గతేడాది జూన్ 15న లడఖ్‌లోని గల్వాన్ లోయలో చైనా పీపుల్స్ లిబరేషన్ ఆర్మీకి చెందిన సైనికుల కుట్రలను తిప్పికొట్టడంతో కల్నల్ సంతోష్ బాబు అసమాన ధైర్య సాహసాలు ప్రదర్శించారు. చివరి శ్వాస వరకు శత్రువులతో వీరోచితంగా పోరాడుతూ తోటి సైనికుల్లో స్ఫూర్తి నింపారు. ఆయన మరణం భారతీయులను తీవ్రంగా కలచివేసింది.

నాటి ఘటనలో కల్నల్ సంతోష్‌తో పాటు మొత్తం 20 మంది సైనికులు వీరమరణం పొందారు. చైనా సైనికులు మారణాయుధాలతో తెగబడ్డా భారత జవాన్లు వెన్నుచూపలేదు. ప్రాణాలు పోయే పరిస్థితుల్లోనూ భారత విలువలు, సిద్ధాంతాలకు కట్టుబడి పోరాడారు. ప్రపంచవ్యాప్తంగా మానవతావాదుల హృదయాలను గెలుచుకున్నారు.

శత్రు సైనికులను ఎదుర్కోవడంలో కల్నల్ సంతోష్ బాబు ప్రదర్శించిన అసమాన ధైర్యం, ఆదర్శప్రాయమైన నాయకత్వం, వృత్తి నిబద్ధతకు గాను ఆయణ్ని ఈ పురస్కారానికి ఎంపిక చేసినట్లు కేంద్ర ప్రభుత్వం తెలిపింది. లడఖ్ సరిహద్దులో ఆయనకు అప్పగించిన బాధ్యతలను సమర్థంగా నిర్వహించారని కొనియాడింది. శత్రు దేశంతో ముందుండి పోరాడుతూ బెటాలియన్‌లోని సైనికులను నడిపించిన తీరు అమోఘమని పేర్కొంది.

కల్నల్ సంతోష్ బాబుతో పాటు సుబేదార్ సంజీవ్ కుమార్‌కు మరణానంతరం కీర్తి చక్ర పురస్కారాన్ని ప్రకటించారు. ఈ అవార్డు మహావీర్ చక్రతో సమానం. వీరితో పాటు మరో ఐదుగురు జవాన్లను వీర్ చక్ర పురస్కారానికి ఎంపిక చేశారు. వీర్ చక్ర అనేది మూడో అత్యున్నత గ్యాలంట్రీ అవార్డు. మరో ముగ్గురు సైనికులను శౌర్య చక్ర అవార్డులకు ఎంపిక చేశారు.

LEAVE A REPLY

Please enter your comment!
Please enter your name here