chiranjeevi: మెగా అభిమానులకు సర్‌ప్రైజింగ్ అప్‌డేట్.. ఆచార్య టీజర్ రిలీజ్ డేట్ ఫిక్స్! – chiranjeevi’s acharya teaser release date fix

0
27


మెగాస్టార్ చిరంజీవి హీరోగా స్టార్ డైరెక్టర్ కొరటాల శివ దర్శకత్వంలో రూపొందుతున్న కొత్త సినిమా ‘ఆచార్య’. కొణిదెల ప్రొడక్షన్స్, మ్యాట్నీ ఎంటర్‌టైన్‌మెంట్ బ్యానర్లపై సంయుక్తంగా నిర్మిస్తున్న ఈ సినిమాకు మెగా పవర్ స్టార్ రామ్ చరణ్ నిర్మాతగా వ్యవహరిస్తూనే ముఖ్యపాత్ర పోషిస్తున్నారు. చిత్రంలో చిరంజీవి సరసన కాజల్ అగర్వాల్ హీరోయిన్‌గా నటిస్తోంది. దేవాలయాల్లో జరుగుతున్న అవినీతి నేపథ్యంలో రూపొందుతున్న ఈ సినిమాపై మెగా అభిమానులు భారీ అంచనాలు పెట్టుకున్నారు.

గత కొన్ని రోజులుగా ఈ సినిమా షూటింగ్ జరుగుతోంది. శరవేగంగా షూటింగ్ కంప్లీట్ చేస్తున్నారు మేకర్స్. ఈ క్రమంలో చిత్ర అప్‌డేట్స్ కోసం ఆతృతగా ఎదురుచూస్తున్నారు మెగా అభిమానులు. టీజర్ రిలీజ్ డేట్ గురించి తాజాగా ఓ న్యూస్ బయటకు వచ్చింది. లేటెస్ట్ సమాచారం మేరకు ‘ఆచార్య’ మూవీ టీజర్‌ను గణతంత్ర దినోత్సవం సందర్భంగా జనవరి 26న విడుదల చేయనున్నట్లు తెలుస్తోంది.

ఎంతో ప్రతిష్టాత్మకంగా రూపొందుతోన్న ఈ చిత్రంలో చిరంజీవి నక్సలైట్‌గా కనిపించనున్నారని తెలుస్తున్న నేపథ్యంలో ఈ టీజర్‌పై మెగా ఫ్యాన్స్‌తో పాటు ప్రేక్షకలోకం ఆసక్తిగా ఎదురు చూస్తున్నారు. చిరంజీవి గత సినిమా ‘సైరా నరసింహా రెడ్డి’ తర్వాత చాలా గ్యాప్ తర్వాత వస్తున్న సినిమా కావడంతో ‘ఆచార్య’పై భారీ అంచనాలు నెలకొన్నాయి.
బంగారు బుల్లోడు ట్రైలర్: బాలయ్య టైటిల్.. అల్లరి నరేష్ కామెడీ టచ్!! అదిరిందయ్యా బాబూ..
ఇక ఈ చిత్రంలో రామ్ చరణ్ పోషించే పాత్రకు సంబంధించిన షూటింగ్ ఇటీవలే మొదలైనట్లుగా చిత్ర యూనిట్ అధికారికంగా వెల్లడించింది. చెర్రీకి జోడీగా నటించే హీరోయిన్‌ విషయమై చర్చలు నడుస్తున్నాయి. మణిశర్మ బాణీలు కడుతున్న ఈ సినిమాను మే నెలలో విడుదల చేయాలని ప్లాన్ చేస్తున్నారు.

LEAVE A REPLY

Please enter your comment!
Please enter your name here