chiranjeevi: ఫన్‌టాస్టిక్ 4: నలుగురు కెప్టెన్లతో చిరంజీవి.. ఫ్రేమ్ అదిరింది! – megastar chiranjeevi shares a photo with his four directors, calls them the funtastic 4

0
26


మెగాస్టార్ చిరంజీవి వరుస సినిమాలతో చాలా బిజీగా ఉండబోతున్నారు. ప్రస్తుతం కొరటాల శివ దర్శకత్వంలో ‘ఆచార్య’ సినిమా చేస్తోన్న చిరంజీవి.. ఈ చిత్రం తరవాత మరో మూడు ప్రాజెక్టులతో బిజీ కాబోతున్నారు. అయితే, తాను చేస్తున్న.. చేయబోతున్న సినిమాల దర్శకులతో శుక్రవారం చిన్న భేటీ ఏర్పాటుచేసుకున్నారు మెగాస్టార్. ఈ సందర్భంగా తీసుకున్న ఫొటోను ట్విట్టర్ ద్వారా అభిమానులతో పంచుకున్నారు చిరంజీవి.

చిరంజీవి షేర్ చేసిన ఫొటోలో ఆయనతో పాటు దర్శకులు మెహర్ రమేష్, కొరటాల శివ, మోహన్ రాజా, కేఎస్ రవీంద్ర (బాబీ) ఉన్నారు. వాళ్లను ‘ఫన్‌టాస్టిక్ 4’గా అభివర్ణించారు చిరంజీవి. ‘‘నా 4 కెప్టెన్లు ఈ నలుగురు.. ఫన్‌టాస్టిక్ 4.. చార్ కదమ్’’ అని ట్వీట్‌కు క్యాప్షన్ పెట్టారు.

ఈ నలుగురు కెప్టెన్లలో ఒక కెప్టెన్ కొరటాల శివతో ప్రస్తుతం చిరంజీవి ‘ఆచార్య’ సినిమా చేస్తున్నారు. దీని తరవాత ‘లూసిఫర్’ రీమేక్‌ను డైరెక్టర్ మోహన్ రాజాతో చేస్తున్నారు చిరంజీవి. ఇటీవలే ఈ సినిమాను లాంఛనంగా ప్రారంభించారు. సురేఖ కొణిదెల సమర్పణలో కొణిదెల ప్రొడక్షన్స్, సూపర్ గుడ్ ఫిలిమ్స్, ఎన్‌వీ‌ఆర్ ఫిలిమ్స్ బ్యానర్లపై ఆర్.బి.చౌదరి, ఎన్.వి.ప్రసాద్ ఈ చిత్రాన్ని నిర్మిస్తున్నారు. తమన్ సంగీతం సమకూరుస్తున్నారు.

RRR కొత్త విడుదల తేదీ: పొరపాటున చెప్పేసిన ఐరిష్ నటి!
ఇక మెహర్ రమేష్ దర్శకత్వంలో తమిళ చిత్రం ‘వేదాళం’ రీమేక్ చేస్తున్నారు చిరంజీవి. సీనియర్ నిర్మాత కె.ఎస్.రామారావు తన క్రియేటివ్ కమర్షియల్స్ బ్యానర్‌పై నిర్మించనున్నారని సమాచారం. ‘వేదాళం’ రీమేక్ రైట్స్‌ను ఆయన ఐదేళ్ల క్రితమే కొనుగోలు చేశారట. ఇక ఆఖరిగా డైరెక్టర్ బాబీ. ఆయన చిరంజీవికి ఒక కథ చెప్పారని ఆ మధ్య రూమర్స్ వచ్చాయి. మొత్తానికి అవి నిజమయ్యాయి. బాబీతోనూ చిరంజీవి ఒక సినిమా చేయబోతున్నారని ఈరోజు ఫొటోతో కన్ఫర్మ్ అయిపోయింది. కాకపోతే, ఆ సినిమాకు సంబంధించిన పూర్తి వివరాలు తెలియాల్సి ఉంది.

LEAVE A REPLY

Please enter your comment!
Please enter your name here