chiranjeevi: చిరంజీవి ఇంట బిగ్ బాస్ ఫేమ్ సోహైల్ సందడి.. కృతజ్ఞత అనే పదం చాలా చిన్నదంటూ ఎమోషనల్ పోస్ట్ – chiranjeevi- syed sohel ryan meet at mega house

0
33


బుల్లితెర భారీ రియాలిటీ షో బిగ్ బాస్ ఎంతోమందికి నేమ్, ఫేమ్ రెండూ తీసుకొచ్చింది. అందులో ఒకరు సోహైల్. తెలుగు బిగ్ బాస్ సీజన్ 4లో పాల్గొని 100 రోజులపాటు హౌస్ లోనే సందడి చేసిన ఈ కరీంనగర్ కుర్రోడు గ్రాండ్ ఫినాలేలో స్పెషల్ అట్రాక్షన్ అయ్యాడు. విన్నర్ కాకపోయినా అదే రేంజ్‌లో తనపై దృష్టి పడేలా చేసుకున్నాడు. ఆ ఫైనల్ ఎపిసోడ్‌లో జరిగిన ఆ సంగతులేంటో మనందరికీ తెలుసు. ఈ నేపథ్యంలో మెగాస్టార్ చిరంజీవికి నివాసానికి వెళ్లి ఆయనకు ప్రత్యేకంగా కృతజ్ఞతలు చెప్పాడు సోహైల్.

బిగ్ బాస్ గ్రాండ్ ఫినాలేలో త‌న ప్రైజ్ మ‌నీలో కొంత అనాథాశ్రమానికి ఇస్తాన‌ని చెప్పిన సోహైల్ వ్యక్తిత్వం చిరంజీవికి నచ్చడంతో ఆ సాయం తాను చేస్తానని ప్రకటించారు మెగాస్టార్. అంతేకాదు సోహెల్ న‌టిస్తున్న‌ సినిమా ప్రీ రిలీజ్ ఈవెంట్‌కు కూడా అతిథిగా వ‌స్తాన‌ని అదే వేదికపై మాటిచ్చారు. ఇక గ్రాండ్ ఫినాలే ముగిశాక చిరంజీవి త‌న భార్య సురేఖ‌.. సోహైల్‌కి ప్రత్యేకంగా బిర్యానీ వండించి మ‌రీ పంపించింది. ఈ నేపథ్యంలో మెగా కుటుంబానికి థాంక్స్ చెప్పేందుకు గాను చిరంజీవి ఇంటికి వెళ్లిన సోహైల్ అక్కడ మెగా కుటుంబ సభ్యులందరితో సందడి చేశాడు.
‘నాట్యం’ ఫస్ట్‌లుక్: ఉపాసన ఎంకరేజ్ చేస్తున్న ఈ మూవీ వెనుక అసలు కథేంటి..?
చిరంజీవి, ఆయన భార్య సురేఖతో పాటు చిరు తల్లి అంజనాదేవితోనూ సోహెల్ ఫొటోలు దిగాడు. దీంతో ఈ ఫొటోలో నెట్టింట వైరల్ అవుతున్నాయి. ఇకపోతే చిరంజీవిని కలిశానని పేర్కొంటూ ఓ వీడియోను తన ఇన్స్‌స్టాగ్రామ్ ఖాతాలో షేర్ చేసిన సోహైల్.. తన కోసం రెండు గంటల పాటు తమ విలువైన సమయాన్ని చిరంజీవి కేటాయించారని, ఇంట్లో వారందరితో సరదాగా గడిపానని పేర్కొన్నారు. మెగా కుటుంబంపై తన ప్రేమను చెప్పడానికి కృతజ్ఞత అనే పదం చాలా చిన్నదంటూ ఎమోషనల్ కామెంట్ చేశాడు సోహైల్.

బిగ్‌బాస్‌ హౌస్‌లో 100 రోజులు ఉంటే, చివరి రోజు నాగార్జున, చిరంజీవి చెప్పిన మాటలు, ఇచ్చిన సహకారం తనకు ఎంతో స్ఫూర్తినిచ్చాయని ఇటీవల జరిగిన కొన్ని ఇంటర్వ్యూల్లో సోహైల్ చెప్పాడు. పూర్వపు కరీంనగర్‌ జిల్లాకు చెందిన నాకు కరీంనగర్‌, సింగరేణి ప్రాంతాలపై సినిమా రూపొందించాలని ఉందని, అలాంటి అవకాశం వస్తే తప్పకుండా సద్వినియోగం చేసుకుంటానని ఆయన చెప్పాడు.

LEAVE A REPLY

Please enter your comment!
Please enter your name here