china illegal websites: ఏడాదిలో 18,489 వెబ్‌సైట్లు మూసేసిన చైనా.. కారణం ఇదేనట! – china shuts down 18,489 illegal websites says official news agency

0
27


ప్రధానాంశాలు:

  • అక్రమ వెబ్‌సైట్లపై ఉక్కుపాదం మోపుతున్న చైనా.
  • ఏడాది కాలంలో వేలాది వెబ్‌సైట్లు మూసేసిన డ్రాగన్.
  • ఆన్‌లైన్ కోర్సుల ముసుగులో పోర్నోగ్రఫీ, డేటింగ్ సమాచారం.

అంతర్జాల సేవల విషయంలో కఠినంగా వ్యవహరించే డ్రాగన్.. గత సంవత్సర కాలంలో 18,489 వెబ్‌సైట్లు మూసివేసినట్టు ఆ దేశ అధికారిక న్యూస్ ఏజెన్సీ వెల్లడిచింది. మరో 4,551 వెబ్‌సైట్లకు హెచ్చరిక నోటీసులు జారీచేసినట్టు జిన్హూ తెలిపింది. మూసివేసిన వెబ్‌సైట్లలో కొన్ని ఆన్‌లైన్ కోర్సుల ముసుగులో ఆన్‌లైన్ గేమ్స్, డేటింగ్ సమాచారం అందజేస్తుండగా.. మరికొన్ని అడల్ట్ కంటెంట్ సహా అక్రమ వ్యవహారాలు, హింసను ప్రేరేపిస్తున్నట్టు సైబర్ స్పేస్ అడ్మినిస్ట్రేషన్ ఆఫ్ చైనా పేర్కొంది. అయితే ప్రభుత్వం ధ్రువీకరించని విమర్శనాత్మక సమాచారం ఉన్న వెబ్‌సైట్లను కూడా మూసివేశారంటూ విమర్శకులు ఆరోపిస్తున్నారు.

వెబ్‌సైట్‌లలో అక్రమ కార్యకలాపాలకు చెక్ పెట్టి, ప్రత్యేకించి బాలలకు హానికలిగించే కంటెంట్ తొలగించేందుకు గతేడాది సైబర్ స్పేస్ అడ్మినిస్ట్రేషన్ (సీఏసీ) డిపార్ట్‌మెంట్ పలుసార్లు అవగాహన కార్యక్రమాలు నిర్వహించినట్టు జిన్హువా వివరించింది. అక్రమ వెబ్‌సైట్‌లు, ఆన్‌లైన్ ప్లాట్‌ఫారమ్‌లతో వ్యవహరించడం, ఈ విషయంలో చట్ట అమలును తీవ్రతరం చేయడంలో ప్రాంతీయ-స్థాయి సైబర్‌స్పేస్ పరిపాలన విభాగాలకు సీఏసీ దిశానిర్దేశం చేస్తోంది.

మరోవైపు, చైనాలోని పశ్చిమ ప్రాంతం జిన్జియాంగ్ గురించి వాస్తవాలను బయటపెట్టడానికి ప్రయత్నిస్తున్న విదేశీ జర్నలిస్టులపై భారీ ఆంక్షలు విధిస్తోంది. అలాగే, స్వతంత్ర్య మీడియా కవరేజ్‌పై ఫేక్ న్యూస్ అని ముద్ర వేస్తోంది. వీగర్ ముస్లింలు, ఇతర మైనారిటీ వర్గాలను బలవంతంగా పత్తిని సేకరించే పనిలోకి దింపుతోంది. ప్రపంచవ్యాప్తంగా పండించే పత్తి పంటలో ఐదో వంతు ఇక్కడ పండుతుంది.

అలాగే, విదేశీ జర్నలిస్టుల అక్రిడిటేషన్ విధానాన్ని ఒక నియంత్రణ సాధనంగా చైనా ఉపయోగిస్తోంది. తక్కువ రోజులకే వీసాలు ఇవ్వడం, జర్నలిస్టులు చేసిన కవరేజ్‌ను చైనా అంగీకరించని పక్షంలో వారి వీసాలను రెన్యువల్ చేయకపోవడం లాంటి కక్షసాధింపు చర్యలు చేపడుతోంది. అటు, సోషల్ మీడియాపై కూడా ఆంక్షలు కొనసాగిస్తూ, ప్రజల నోళ్ల నొక్కే ప్రయత్నం చేస్తోంది.

LEAVE A REPLY

Please enter your comment!
Please enter your name here