చైనా తన సరిహద్దుల వెంట చాప కింద నీరులా సైనిక స్థావరాలు, మిస్సైల్ బేస్‌లను నిర్మించుకుంటోంది. తాజాగా వియత్నం సరిహద్దులో మరో మిస్సైల్ బేస్ నిర్మించినట్లు తెలుస్తోంది.
వియత్నాం విదేశాంగ ప్రతినిధి లె థి తూను ఓ మీడియా ప్రతినిధి ఈ విషయంపై ప్రశ్నించగా ఆచితూచి స్పందించారు. శాటిలైట్ చిత్రాల్లో వియత్నాం సరిహద్దుకు 20 కి.మీ. దూరంలో మిస్సైల్ బేస్ కనిపిస్తోందని ఆమె తెలిపారు. ఆ నిర్మాణం పూర్తయినట్లు తమకు సమాచారం ఉందని.. ఆ విషయాన్ని పరిశీలిస్తున్నామని చెప్పారు.
చైనాలోని గ్యాంగ్జీ ప్రావిన్స్‌లో ఈ మిస్సైల్ బేస్‌ను నిర్మించినట్లు తెలుస్తోంది. ఇది చైనాకు వ్యూహాత్మకంగా కీలకం కానుంది. భారత్‌కు నలువైపుల నుంచి ఒత్తిడి పెంచేలా చైనా ఇలాంటి ప్రయత్నాలు చేస్తోంది. వాయవ్య సరిహద్దులో లడఖ్ సరిహద్దు వెంట ఇప్పటికే కవ్వింపు చర్యలకు పాల్పడుతున్న సంగతి తెలిసిందే. అటు పాకిస్థాన్‌తో కలిసి ఉత్తర సరిహద్దులోనూ అలాంటి చర్యలకే పాల్పడుతోంది. ఇక వియత్నాం సరిహద్దులో మిస్సైల్ బేస్‌ను నిర్మించడం ద్వారా తూర్పు భారతదేశంలోని కొన్ని ప్రాంతాలను డ్రాగన్ తన క్షిపణులతో గురిపెట్టి ఉండవచ్చని విశ్లేషకులు చెబుతున్నారు.
Like this:
Like Loading...
