chakka jam: నేడు రైతుల ‘చక్కా జామ్’: అప్రమత్తమైన పోలీసులు.. 50 వేల మందితో భద్రత – republic day riots in mind, 50,000 forces in delhi for ‘chakka jam’ today

0
26


ప్రధానాంశాలు:

  • సాగు చట్టాలపై ఆందోళనల్లో భాగంగా చక్కా జామ్.
  • కట్టుదిట్టమైన భద్రతను ఏర్పాటుచేసిన పోలీసులు.
  • పోలీసుల కళ్ల ముందు మెదులుతున్న రిపబ్లిక్ డే హింస

నూతన సాగు చట్టాలపై నిరసనల్లో భాగంగా శనివారం రహదారుల దిగ్బంధానికి (చక్కా జామ్) రైతులు పిలుపునిచ్చిన విషయం తెలిసిందే. కేవలం రాష్ట్ర, జాతీయ రహదారులను మాత్రమే దిగ్బంధిస్తామని, ఢిల్లీ లోపలకు ప్రవేశించమని రైతు సంఘాలు ప్రకటించాయి. శనివారం మధ్యాహ్నం 12 గంటల నుంచి 3 గంటల వరకు దీనిని కొనసాగించనున్నారు. ఎమర్జెన్సీ, అత్యవసర సేవలకు ఎటువంటి అంతరాయం కలగకుండా శాంతియుతంగానే నిర్వహిస్తామని పేర్కొన్నాయి.

కాగా, గణతంత్ర దినోత్సవం రోజున రైతులు నిర్వహించిన ట్రాక్టర్ల ర్యాలీ హింసాత్మకంగా మారడంతో ఢిల్లీ పోలీసులు అప్రమత్తమయ్యారు. దానిని దృష్టిలో ఉంచుకుని కట్టుదిట్టమైన భద్రతా ఏర్పాట్లు చేశారు. 50వేలకుపైగా భద్రతా సిబ్బందిని మోహరించారు. ఢిల్లీ పోలీసులు, రిజర్వ్ పోలీస్ ఫోర్స్, పారామిలటరీ దళాలను భద్రతకు వినియోగిస్తున్నారు.

ఐటీబీపీ, సీఆర్పీఎఫ్, ర్యాపిడ్ యాక్షన్ ఫోర్స్‌తో పాటు ప్రత్యేక దళాలు స్వాత్, ఎన్‌ఎస్జీల సాయం కూడా తీసుకుంటున్నారు. రాజధాని సహా సరిహద్దుల్లోని వివిధ ప్రాంతాల్లో బాంబ్, డాగ్ స్క్యాడ్‌లను అందుబాటులో ఉంచారు. ఎర్రకోట, ఇండియా గేట్, పార్లమెంట్ సహా చరిత్రాత్మక కట్టడాలు, మతపరమైన ప్రదేశాలపై డేగ కన్నుతో నిఘా పెట్టారు. ఢిల్లీకి నాలుగు సరిహద్దుల్లో జరిగే ఆందోళనలను వేలాది సీసీటీవీ కెమెరాలతో మొత్తం కార్యక్రమాన్ని సెంట్రల్ సీ4ఐ కంట్రోల్ రూమ్, సబ్-కంట్రోల్ రూమ్‌ల పర్యవేక్షించనున్నారు.

అధికారికంగా భద్రత కోసం స్వల్ప సంఖ్యలోనే సిబ్బందిని వినియోగిస్తున్న పోలీసులు.. మిగతావారిని అందుబాటులో ఉంచారు. ఒకవేళ ఏదైనా అనుకోని పరిస్థితులు తలెత్తితే వాటిని అదుపుచేయడానికి అదనపు బలగాలను వినియోగించనున్నారు. శాంతి భద్రతల విచ్ఛన్నానికి సంఘ వ్యతిరేక శక్తులు ప్రయత్నించే అవకాశం ఉందని నిఘా వర్గాలు హెచ్చరించడంతో పోలీసులు అప్రమత్తమయ్యారు.

ఆందోళనలు నిర్వహించే ప్రాంతాల్లో ఇప్పటికే పలు అంచెల భద్రత ఏర్పాటుచేశారు. బారికేడ్లు, కాంక్రీడ్ బారికేడ్లు, రాళ్లదాడులను అడ్డుకోడానికి వలలను ఏర్పాటు చేశారు. రైతుల ర్యాలీలతో వ్యవహరించేటప్పుడు పోలీసులకు ఉన్న సవాలు ఏమిటంటే, వాస్తవంగా ఇది నాయకత్వం పరిధిని దాటిపోతుంది. ‘ఒకసారి మొదలైన తర్వాత తోటివారితో సొంత ఉప సమూహాలను ఏర్పరుచుకుని స్వంతంగా పనిచేస్తారు.. చర్చలకు అవకాశం తక్కువ ఉంటుంది. కాబట్టి, పరిస్థితులకు అనుగుణంగా వాటిని నిర్వహించాలి’ అని ఒక అధికారి వివరించారు.

LEAVE A REPLY

Please enter your comment!
Please enter your name here