center warns twitter: ఆ 1,158 ఖాతాలను బ్లాక్ చేయండి.. ట్విట్టర్‌కు కేంద్రం వార్నింగ్ – farmers protest: amid row over 257 a/cs, centre asks twitter to block 1,178 more

0
31


ప్రధానాంశాలు:

  • రైతుల ఆందోళనకు మద్దతుగా సెలబ్రిటీలు ట్వీట్లు.
  • సోషల్ మీడియా ద్వారా తప్పుడు ప్రచారం సాగిస్తున్నారని ఆరోపణ.
  • ట్విట్టర్‌కు పరోక్షంగా వార్నింగ్ ఇచ్చిన కేంద్ర ప్రభుత్వం.

కేంద్రం తీసుకొచ్చిన వ్యవసాయ చట్టాలకు వ్యతిరేకంగా దాదాపు మూడు నెలలుగా ఢిల్లీ సరిహద్దుల్లో అన్నదాతల ఆందోళనలు కొనసాగుతున్నాయి. రైతుల ఉద్యమం గురించి సోషల్ మీడియాలో జరుగుతోన్న దుష్ప్రచారంపై కేంద్రం తీవ్ర ఆగ్రహం వ్యక్తం చేసింది. తప్పుడు సమాచారం విషయంలో చర్యలు తీసుకోవాలని, అటువంటి ఖాతాలను నిలిపివేయాలని సోషల్ మీడియా దిగ్గజం ట్విట్టర్‌కు కేంద్రం ఇప్పటికే సూచించింది. తాజాగా, మరిన్ని ఖాతాలను నిలిపివేయాలని ఆదేశించింది.

పాకిస్థాన్, ఖలిస్థానీ మద్దతుదారులుగా అనుమానిస్తున్న 1,178 అకౌంట్లను తక్షణమే నిలిపివేయాలని ట్విటర్‌ను కేంద్రం ఆదేశించిందని అధికార వర్గాలు వెల్లడించాయి. హోంశాఖ మార్గదర్శకాల నేపథ్యంలో కేంద్ర ఐటీ శాఖ ఈ ఆదేశాలు జారీ చేసినట్లు సమాచారం. అయితే దీనిపై ట్విటర్‌ ఇంకా స్పందించలేదని విశ్వసనీయ వర్గాలు పేర్కొన్నాయి.

‘ఖలీస్థాన్ సానుభూతిపరులు లేదా పాకిస్థాన్ మద్దతుతో విదేశీ భూభాగాల నుంచి పనిచేసే ఉగ్రవాదులకు చెందిన చాలా ఖాతాలు రైతుల నిరసనలపై తప్పుడు సమాచారం.. రెచ్చగొట్టే విషయాలను పంచుకోడానికి ఉపయోగిస్తున్నారు’ అంటూ నోటీసుల్లో పేర్కొన్నట్టు విశ్వసనీయ వర్గాలు తెలిపాయి.

రైతుల ఆందోళనలపై తప్పుడు సమాచారం వ్యాప్తి చేస్తున్న 257 ఖాతాలను ట్విట్టర్ పునరుద్ధరించిన నేపథ్యంలో కేంద్రం ఇటీవల హెచ్చరించిన విషయం తెలిసిందే. భారత చట్టాలను ఉల్లంఘిస్తే చర్యలు తప్పవంటూ హెచ్చరించింది. కొత్త సాగు చట్టాలకు వ్యతిరేకంగా ఢిల్లీ సరిహద్దుల్లో జరుగుతున్న రైతుల ఆందోళనపై కొందరు సోషల్‌మీడియాలో తప్పుడు ప్రచారం చేస్తున్నారని, ప్రభుత్వానికి వ్యతిరేకంగా రెచ్చగొట్టే ట్వీట్లు చేస్తున్నారని కేంద్ర ఐటీ, ఎలక్ట్రానిక్‌ మంత్రిత్వశాఖ పేర్కొంది. అలా తప్పుడు సమాచారం చేరవేసే ఖాతాలను నిలిపివేయాలని, ఆ ట్వీట్లను వెంటనే తొలగించాలని గతవారం ట్విటర్‌ను ఆదేశించింది.

జనవరి 26న ఢిల్లీలో ఎర్రకోట వద్ద జరిగిన ఘర్షణలు, అల్లర్లను మరీ అదేపనిగా పదేపదే చూపుతూ కొంతమంది వ్యక్తులు, సంస్థలు మేగజైన్లు కూడా ఈ విధమైన పోస్టులు పెట్టినట్టు కేంద్ర హోం శాఖ పేర్కొంది. ఉదాహరణకు ఓ ప్రముఖ మేగజైన్, సీపీఎం నేత మహమ్మద్ సలీమ్, కిసాన్ ఏక్తా మోర్చా, భారతీయ కిసాన్ యూనియన్‌కి చెందిన ఏక్తా ఉర్గహాన్, ఆప్ ఎమ్మెల్యే ఒకరు ఈ విధమైన పోస్టులను పెట్టినట్టు కేంద్రం పేర్కొంది.

రిపబ్లిక్ దినోత్సవం రోజున ఢిల్లీ పోలీసులు, రైతులకు మధ్య జరిగిన ఘర్షణలను హైలైట్ చేస్తూ పరిస్థితిని మరింత సంక్లిష్టం చేశారని హోం శాఖ భావించింది. కేంద్రం ఆదేశాలతో 257 అకౌంట్లను బ్లాక్‌ చేసిన ట్విటర్‌.. కొద్ది గంటల తర్వాత వాటిని పునరుద్ధరించింది. దీంతో ఆగ్రహం వ్యక్తం చేసిన కేంద్రం.. ట్విటర్‌ను గురువారం హెచ్చరించింది. ఇదిలా ఉండగా.. రైతుల ఆందోళనకు మద్దతుగా చేసిన కొన్ని ట్వీట్లను ట్విటర్‌ వ్యవస్థాపకుడు జాక్‌ డోర్సీ లైక్‌ చేయడం చర్చనీయాంశంగా మారింది. డోర్సీపై కేంద్రం అసహనంగా ఉన్నట్లు తెలుస్తోంది.

LEAVE A REPLY

Please enter your comment!
Please enter your name here