calcutta high court: భర్త వీర్యంపై భార్యకే పూర్తి హక్కులు.. కోర్టు కీలక తీర్పు – wife is the only person having right on dead man’s frozen sperm, says calcutta high court

0
29


రణించిన వ్యక్తి వీర్యంపై అతడి భార్యకే పూర్తి హక్కులు ఉంటాయని కోల్‌కతా హైకోర్టు స్పష్టం చేసింది. భార్య కాకుండా ఇతరులు ఎవరైనా దానిపై హక్కులు పొందాలంటే.. తప్పనిసరిగా ఆ భార్య అనుమతి పొందాల్సిందేనని తీర్పు చెప్పింది. చనిపోయిన తన కుమారుడి వీర్యం కోసం తండ్రి దాఖలు చేసిన పిటిషన్‌ను కొట్టివేసింది. అరుదైన ఈ కేసుకు సంబంధించిన ఆసక్తికర వివరాలు ఇలా ఉన్నాయి..

కోల్‌కతాకు చెందిన ఓ వ్యక్తి 2015లో ఢిల్లీకి చెందిన ఓ మహిళను వివాహం చేసుకున్నాడు. అతడు అప్పటికే తలసేమియాతో బాధపడుతుండేవాడు. ఢిల్లీ ఆస్పత్రిలో ఇందుకు సంబంధించి చికిత్స తీసుకునేవాడు. 2018లో అతడు మరణించాడు. అయితే.. మరణానికి ముందే ఢిల్లీలోని స్పెర్మ్ బ్యాంకులో అతడి వీర్యాన్ని భద్రపరిచాడు.

2020 మార్చిలో ఆ వ్యక్తి తండ్రి స్పెర్మ్‌ బ్యాంకును సంప్రదించాడు. అక్కడ భద్రపరిచిన చనిపోయిన తన కుమారుడి తాలూకూ వీర్యాన్ని ఇవ్వాల్సిందిగా కోరాడు. అందుకు స్పెర్మ్ బ్యాంక్ నిరాకరించింది. కుమారుడి వీర్యాన్ని అతడి భార్యకు మాత్రమే ఇవ్వగలమని స్పష్టం చేసింది. ఆ వీర్యాన్ని అతడి భార్య గర్భం దాల్చడానికి ఉపయోగించాలన్నా, లేదా వేరే వాళ్ల కోసం వాడాలనుకున్నా, పడేయాలనుకున్నా.. అది కేవలం భార్య అనుమతితోటే సాధ్యమవుతుందని తేల్చి చెప్పింది.

దీంతో ఆ తండ్రి తమ కోడలి నుంచి వీర్యం విషయమై నో‌ అబ్జెక్షన్‌ లెటర్‌ ఇవ్వవల్సిందిగా కోరాడు. అందుకు ఆమె తిరస్కరించింది. ఈ పరిణామంతో చేసేదేంలేక ఆయన కోల్‌కతా కోర్టును ఆశ్రయించాడు. తమ కొడుకు వీర్యాన్ని కోడలు తమకు దక్కకుండా చేస్తోందంటూ పిటిషన్ దాఖలు చేశాడు. ఆ వీర్యం ధ్వంసమైనా, లేదా నిరుపయోగమైనా తమ వంశం నాశనం అవుతుందని పిటిషన్‌లో పేర్కొన్నాడు. ఈ పిటిషన్‌పై జస్టిస్‌ సభ్యసాచి భట్టాచార్య జనవరి 19న విచారణ చేపట్టారు.

‘తండ్రీ కొడుకుల సంబంధం ఉన్నంత మాత్రాన పిటిషనర్‌ (మృతి చెందిన వ్యక్తి తండ్రి) ఆ వీర్యాన్ని పొందటానిక ఎలాంటి హక్కులను కలిగిలేరు. చనిపోయిన వ్యక్తి వీర్యం కేవలం అతడి భార్యకు మాత్రమే సొంతం. చనిపోయేంత వరకు ఆమె అతడితో వివాహబంధంలో ఉన్నందున ఆమెకు మాత్రమే దానిపై పూర్తి హక్కులు ఉంటాయి. ఈ విషయంలో కోర్టు ఆమెను ఏ విధంగానూ ఆదేశించలేదు’ అని జస్టిస్ భట్టాచార్య తీర్పు చెప్పారు.

ఈ అంశం ప్రాథమిక హక్కుల ఉల్లంఘన కిందకి రాదని కోల్‌కతా కోర్టు స్పష్టం చేసింది. కోడలు అనుమతితోనే ఆ వీర్యంపై పిటిషనర్ హక్కులు పొందవచ్చని పేర్కొంది. మనిషి జీవితంలో భార్యకు అంత ప్రాధాన్యం ఉంటుంది మరి!

LEAVE A REPLY

Please enter your comment!
Please enter your name here