bombay high court on pocso: ప్రేమను వ్యక్తం చేయడానికి మైనర్ చేయిపట్టుకోవడం నేరమా? హైకోర్టు సంచలన తీర్పు – holding hand of minor to express love, without sexual intent not assault under pocso: hc

0
30


మైనర్ చేతిని గట్టిగా పట్టుకోవడం లైంగిక వేధింపులకు పాల్పడినట్టేనా? పోక్సో చట్టం కింద అది నేరమేనా? అన్న ప్రశ్నకు బాంబే హైకోర్టు వివరణ ఇచ్చింది. పిల్లలపై ప్రేమను చూపించాలనే ఉద్దేశంతో వారి చేయ్యి పట్టుకుంటే అది నేరంకాదని, కేవలం కామ వాంఛతో అటువంటి చర్యలకు పాల్పడితే నేరంగా పరిగణించాలని స్పష్టం చేసింది. ఈ మేరకు జస్టిస్ట్ భారతి హెచ్ దాంగ్రే ధర్మాసనం తీర్పును వెల్లడించింది.

మహారాష్ట్రలోని పుణే జిల్లా బారామతికి చెందిన ఓ 27 ఏళ్ల వ్యక్తి తన ప్రేమను వ్యక్తపరచాలనే ఉద్దేశ్యంతో ఓ 17ఏళ్ల యువతి చేయి గట్టిగా పట్టుకున్నాడు. దీంతో అతడిపై బాలిక ఫిర్యాదు చేయడంతో పోక్సో చట్టం కింద కేసు నమోదయింది. ఫిర్యాదులో పేర్కొన్న వివరాల ప్రకారం.. బారామతికి చెందిన ఓ విద్యార్ధిని తాను ట్యూషన్‌కు వెళ్తుండగా తన పక్కంటిలో ఉండే యువకుడు ప్రేమిస్తున్నట్టు చెప్పాడంది. దీనిని తాను పట్టించుకోకపోవడంతో కుడిచేతిని గట్టిగా పట్టుకున్నాడని తెలిపింది. దీంతో తాను భయపడి అక్కడ నుంచి వెళ్లిపోయానని పేర్కొంది.

ఇది జరిగిన తర్వాత ఈ విషయం ఎవరికైనా చెబితే పరిస్థితి మరోలా ఉంటుందని హెచ్చరించాడని వివరించింది. అంతేకాదు, వివిధ మొబైల్ నెంబర్ల నుంచి తనకు మెసేజ్‌లు పంపుతున్నాడని, ఇన్‌స్ట్రాగ్రామ్ ద్వారా నా ఫోటోను తన స్నేహితులకు పంపాడని ఆరోపించింది. ఎనిమిది నెలలుగా తనను వేధిస్తున్నాడని, భరించలేక చివరకు పోలీసులకు ఫిర్యాదు చేస్తున్నానని తెలిపింది.

బాలిక ఫిర్యాదుతో అతడిపై పోక్సో చట్టం కింద పోలీసులు కేసు నమోదుచేశారు. దీంతో నిందితుడు బెయిల్ కోసం హైకోర్టును ఆశ్రయించాడు. అతడి బెయిల్ పిటిషన్‌ను విచారించిన న్యాయస్థానం.. ప్రేమను వ్యక్తంచేయడానికి చేయిపట్టుకోవడం లైంగిక వేధింపుల నేరం కాదని వ్యాఖ్యానించింది. సదరు నిందితుడికి బెయిలు మంజూరు చేసింది.

‘ఎఫ్ఐఆర్‌లో పేర్కొన్న ఆరోపణలను పరిశీలిస్తే.. నిందితుడు ఒక సందర్భంలో ఆమె చేతిని పట్టుకొని తన ప్రేమను వ్యక్తం చేశాడు.. ఆమెకు తన ప్రేమను తెలియజేయాలని ప్రయత్నించిన నేపథ్యంలో పోక్సో చట్టం సెక్షన్ 7 పరిధిలోకి వస్తుంది అని చెప్పలేం.. ఎలక్ట్రానిక్ కమ్యూనికేషన్ ద్వారా లేదా లైంగిక వాంఛ లేకుండా చేయిపట్టుకున్నా అది నేరం కాదు’ అని జస్టిస్ దాంగ్రే అన్నారు. అయితే, భారతీయ శిక్షాస్మృతిలోని సెక్షన్ 354 డి ప్రకారం చేయి పట్టుకోవడం సహా ఇతర నేరాలకు బెయిల్ ఉందని కోర్టు తెలిపింది.

LEAVE A REPLY

Please enter your comment!
Please enter your name here