Bombay high court: సమ్మతితో మైనర్ల మధ్యలైంగిక చర్య చట్ట సమ్మతం కాదు.. హైకోర్టు ఆసక్తికర వ్యాాఖ్యలు – consensual sex of minors is a grey area, admits bombay high court

0
24


లైంగిక నేరాల నుంచి పిల్లల రక్షణ (పోక్సో) చట్టం కేసులో దోషిగా తేలిన ఓ 19 ఏళ్ల యువకుడికి బెయిల్ మంజూరు చేస్తూ బొంబాయి హైకోర్టు ఆసక్తికర వ్యాఖ్యలు చేసింది. ‘మైనర్ల మధ్య ఏకాభిప్రాయంతో లైంగిక చర్య జరిగిందనే విషయం తెలుసు. చట్టపరంగా వారి సమ్మతి చెల్లుబాటు కాదు’ అని వ్యాఖ్యానించింది. మైనర్ బాలికపై పలుసార్లు అత్యాచారానికి పాల్పడి, లైంగికంగా వేధించిన కేసులో యువకుడిని దోషిగా నిర్ధారించింది.

బాధితురాలు, నిందితుడు దగ్గర బంధువులు కాగా.. ఇద్దరూ ఒకే ఇంట్లో నివసిస్తున్నారు. మెజిస్ట్రేట్ ముందు బాధిత బాలిక ఇచ్చిన వాంగ్మూలం ప్రకారం.. ఆ ఇద్దరి మధ్యా సమ్మతితోనే లైంగిక చర్య జరిగింది.. బాలిక వయసు 15, నిందితుడి వయసు 19 అని హైకోర్టు పేర్కొంది.

ఈ కేసులో యువకుడిని దోషిగా నిర్ధారించి, పదేళ్లు జైలు శిక్ష విధిస్తూ పోక్సో కోర్టు తీర్పు వెలువరించింది. ఈ తీర్పును యువకుడు బాంబే హైకోర్టులో సవాల్ చేశాడు. సెప్టెంబరు 2017లో తొలిసారిగా బాలికతో యువకుడు లైంగిక చర్యలో పాల్గొన్నాడు. ఈ విషయం గురించి 2018 మార్చిలో బాలిక చదువుతున్న స్కూల్ టీచర్‌కు సహ విద్యార్ధిని చెప్పడంతో పోలీసులకు ఫిర్యాదు చేశారు.

తనపై 2017 అక్టోబరులోనూ, 2018 ఫిబ్రవరిలోనూ అత్యాచారానికి పాల్పడినట్టు బాలిక తెలిపింది. ఈ ఘటనపై పోక్సో చట్టం కింద కేసు నమోదుచేసి యువకుడిని అరెస్ట్ చేయగా బెయిల్‌పై బయటకు వచ్చాడు. తర్వాత పోక్సో కోర్టు దోషిగా నిర్ధారించడంతో పదేళ్లు శిక్ష ఖరారయ్యింది. దీనిపై బాంబే హైకోర్టులో సవాల్ చేయడంతో గురువారం అతడికి బెయిల్ మంజూరు చేసింది.

బాలికకు నిర్వహించిన వైద్య పరీక్షల్లో ఆమెపై బలవంతంగా యువకుడు అత్యాచారం చేయలేదని నిర్దారణ అయ్యిందని జస్టిస్ ఎస్కే షిండే పేర్కొన్నారు. మొత్తంగా చూస్తే ఇద్దరి మధ్యా ఏకాభిప్రాయంతోనే లైంగిక చర్య జరిగినట్టు ఫోరెన్సిక్ తుది నివేదిక వెల్లడించింది. అయితే, వైద్యుల అభిప్రాయమే తుది నిర్ణయం కాదని హైకోర్టు వ్యాఖ్యానించింది.

‘పిల్లల హక్కులకు భద్రత, లైంగిక వేధింపుల నుంచి పిల్లలను రక్షించే కారణాన్ని పెంచడంలో పోక్సో చట్టం ఒక ముఖ్యమైన, ప్రగతిశీల దశ అని నాకు తెలుసు. పద్దేనిమిదేళ్లులోపు పిల్లలకు ఇది రక్షణగా నిలుస్తుంది’ అని న్యాయమూర్తి అభిప్రాయపడ్డారు.

టీనేజర్స్ మొదటి ఒకే కుటుంబంలోని వారు కావడం ఈ కేసు విలక్షణమైనదని హైకోర్టు తెలిపింది. ‘బాధితురాలి వాంగ్మూలం నుంచి నిర్లక్ష్యం చేయలేని వాస్తవం బయటపడింది. ఆమె తల్లి కూడా ప్రాసిక్యూషన్‌కు సముఖంగా లేదు. శిక్షను నిలిపివేయాలని కోరిన బాలుడి తరఫున న్యాయవాది వాదనలను హైకోర్టు మన్నించింది.

LEAVE A REPLY

Please enter your comment!
Please enter your name here