bjp mp resign: తెలిసో తెలియకో తప్పు చేశా.. బీజేపీ ఎంపీ షాకింగ్ కామెంట్స్, రాజీనామా – gujarat bjp mp mansukh vasava sends resignation letter to party chief

0
36


బీజేపీ ఎంపీ, కేంద్ర మాజీ మంత్రి మన్సుఖ్ వాసవ ఆ పార్టీకి రాంరాం చెప్పారు. ఈ సందర్భంగా సంచలన వ్యాఖ్యలు చేశారు. పార్టీ విలువలను కాపాడటానికి ఎంతో కృషి చేశానని.. పార్టీకి విధేయుడిగా పని చేశానని ఆవేదన వ్యక్తం చేశారు. ‘అన్నింటి కంటే మించి నేనో మనిషిని..’ అని వ్యాఖ్యానించారు. త్వరలో జరిగే పార్లమెంట్ బడ్జెట్ సమావేశాల్లో లోక్‌సభ స్పీకర్ ఓంబిర్లాను వ్యక్తిగతంగా కలిసి పార్లమెంట్ సభ్యత్వానికి కూడా రాజీనామా సమర్పిస్తానని మన్సుఖ్ తెలిపారు.

గుజరాత్‌లోని భరూచ్ లోక్‌సభ స్థానానికి మన్సుఖ్ వాసవ ప్రాతినిధ్యం వహిస్తున్నారు. బీజేపీకి రాజీనామా చేస్తున్నట్లు ఆ రాష్ట్ర పార్టీ అధ్యక్షుడు సీఆర్ పాటిల్‌కు లేఖ రాశారు. ‘నా నిర్ణయాన్ని కేంద్ర నాయకత్వానికి తెలపండి’ అని ఆ లేఖలో ఆయన కోరారు.

రాజీనామాకు కారణం ఏంటీ?
గుజరాత్‌లో గిరిజన నేతగా గుర్తింపు ఉన్న మన్సుఖ్ వాసవ.. ఆరు సార్లు లోక్ సభకు ఎన్నికయ్యారు. కొంత కాలంగా స్థానికంగా ఆయన కొన్ని సమస్యలపై గళమెత్తుతున్నారు. పార్టీ నుంచి వాటిపై స్పందన రాలేదు. దీంతో ఆయన మనస్తాపానికి గురైనట్లు తెలుస్తోంది. అంతేకాకుండా.. బీజేపీ తీరుతో మన్సుఖ్ కొంత కాలంగా అసంతృప్తిగా ఉన్నట్లు సమాచారం. వారం కిందట ప్రధాని నరేంద్ర మోదీకి కూడా లేఖ రాశారరు. నర్మదా జిల్లాలోని 121 గ్రామాలను ఎకో సెన్సిటివ్ జోన్లుగా ప్రకటించే ఉత్తర్వులను వెనక్కి తీసుకునేలా పర్యావరణ మంత్రిత్వ శాఖకు ఆదేశాలు ఇవ్వాలని కోరారు.

‘నేనో మనిషిని. తెలిసో తెలియకో మనిషి తప్పులు చేస్తాడు. నేను చేసిన తప్పు పార్టీకి నష్టం కలిగించకూడదనే ఉద్దేశంతోనే రాజీనామా చేస్తున్నా..’ అని మన్సుఖ్ వాసవ తన లేఖలో పేర్కొన్నారు. ఆయన రాజీనామా వ్యవహారం గుజరాత్ రాజకీయ వర్గాల్లో హాట్ టాపిక్‌గా మారింది.

మరోవైపు.. మన్సుఖ్ రాజీనామా అంశంపై గుజరాత్ బీజేపీ అధికార ప్రతినిధి భరత్ పాండ్యా స్పందించారు. మన్సుఖ్ రాజీనామా సోషల్ మీడియా ద్వారా తమకు అందిందని తెలిపారు. ‘మన్సుఖ్ భాయ్ నాతో మాట్లాడారు. ఆయన ఒక సీనియర్ ఎంపీ. ఆయన లేవనెత్తిన సమస్యలను పరిష్కరిస్తాం’ అని పాండ్యా అన్నారు.

Also Read:పోలీసులను సన్మానించిన హిజ్రాలు.. బలమైన కారణమే ఉంది!

LEAVE A REPLY

Please enter your comment!
Please enter your name here