Bird flu: పంజా విసురుతున్న బర్డ్ ఫ్లూ.. 3 రాష్ట్రాల్లో వైరస్ – bird flu infected h5n8 virus confirmed in kerala, thousands of birds to be culled

0
40


డాది కాలంగా వణికిస్తున్న కరోనా వైరస్‌కు ఎట్టకేళకు వ్యాక్సిన్ వస్తోందని సంతోషపడుతుండగా మరో వైరస్ పంజా విసురుతోంది. ఉత్తరాది రాష్ట్రాల నుంచి ‘బర్డ్‌ ఫ్లూ’ వైరస్‌ వ్యాప్తి మొదలైంది. ఇప్పటికే ఈ వైరస్ బారినపడి వేల సంఖ్యలో బాతులు, కాకులు, ఇతర జాతులకు చెందిన పక్షులు మృత్యువాతపడ్డాయి. తొలుత రాజస్థాన్‌లో ఈ వైరస్ కేసులు వెలుగులోకి రాగా.. తాజాగా కేరళలోని రెండు జిల్లాల్లో, అటు హిమాచల్ ప్రదేశ్‌లోనూ మరికొన్ని కేసులు నిర్ధారణ అయ్యాయి. ఇది ఆందోళన కలిగిస్తోంది.

కేరళలోని కొట్టాయం‌, అలప్పూజ జిల్లాల్లో బాతులు ఉన్నపలంగా మృత్యువాతపడుతున్నాయి. వారం రోజుల్లో 12 వేల బాతులు చనిపోయాయి. ఎనిమిది బాతుల నమూనాలను పరీక్షల నిమిత్తం భోపాల్‌లోని ల్యాబ్‌కు పంపించారు. వీటిలోని 5 శాంపిల్స్‌లో ‘ఏవియన్ ఫ్లూ (Avian Flu)’ కారక H5N8 వైరస్ ఉన్నట్లు గుర్తించారు. సాధారణంగా దీన్ని ‘బర్డ్‌ ఫ్లూ’గా వ్యవహరిస్తున్నారు.

కొట్టాయం, అలప్పూజ జిల్లాల్లో 12000 బాతులు మృత్యువాతపడ్డాయి. ఈ వైరస్ ప్రభావానికి గురై మరో 36,000 బాతులు చనిపోయే ప్రమాదం ఉందని అధికారులు తెలిపారు. రాజస్థాన్‌లో గత వారం రోజులుగా వందల సంఖ్యలో కాకులు మరణించాయి. భోపాల్ ల్యాబ్‌కు పంపించిన కొన్ని నమూనాల్లో బర్డ్ ఫ్లూ వైరస్ నిర్ధారణ అయింది.

బర్డ్ ఫ్లూ వైరస్ తేలిన చోట్ల.. కిలోమీటర్ రేడియస్‌లో చుట్టపక్కల ప్రాంతాల్లో వేగంగా విస్తరించే ప్రమాదం ఉందని అధికారులు చెబుతున్నారు. గత అనుభవాల నేపథ్యంలో కేరళ అధికారులు అలర్ట్ అయ్యారు. ప్రభావిత ప్రాంతాల్లో ఫ్లూ లక్షణాలను గుర్తించడానికి అధికారులు ప్రత్యేక డ్రైవ్ ప్రారంభించారు.

హిమాచల్ ప్రదేశ్‌ పోంగ్ డ్యాం పరిసరాల్లో విషాద దృశ్యాలు
హిమాచల్ ప్రదేశ్‌లోని కాంగ్రా జిల్లా పోంగ్ డ్యాం పరిసర ప్రాంతాల్లో వారం రోజులుగా వివిధ జాతులకు చెందిన 2,400 పక్షులు మృత్యువాతపడ్డాయి. సోమవారం (జనవరి 4) ఒక్కరోజే 600 పక్షులు మరణించాయని అధికారులు తెలిపారు. వీటిలో కొన్ని పక్షుల నమూనాలను సేకరించి పరీక్షల నిమిత్తం ICAR సంస్థకు పంపించారు. ఫలితాలు మంగళవారం వస్తాయని అధికారులు తెలిపారు. బర్డ్ ఫ్లూ కారణంగానే పక్షులు మరణిస్తున్నాయని భావిస్తున్నట్లు వారన్నారు.

మనుషులకు సోకితే..?
పక్షుల నుంచి ‘బ‌ర్డ్ ఫ్లూ’ వైరస్ మ‌నుషుల‌కు కూడా సోకే ప్రమాదం ఉంది. కోళ్ల ద్వారా ఇది మరింత ఎక్కువగా వ్యాప్తి చెందుతుంది. ఈ వైరస్ ప్రాణాంతకమైందని వైద్య నిపుణులు హెచ్చరిస్తున్నారు. పక్షి మరణాలు సంభవించిన ప్రాంతాల్లో నిషేధ ఉత్తర్వులు విధించారు. ఇలాంటి కేసులు నమోదైన ప్రాంతాల్లో ఒక కిలోమీటర్ రేడియస్ పరిధిలో పౌల్ట్రీలను తొలగించే కార్యక్రమం చేపట్టారు. కొట్టాయం, అలప్పూజ జిల్లాల్లో కంట్రోల్‌ రూమ్‌లను ఏర్పాటు చేశారు. తక్షణ స్పందన కోసం ప్రత్యేక బృందాలను అందుబాటులో ఉంచారు.

LEAVE A REPLY

Please enter your comment!
Please enter your name here