bihar youth liquor smuggling: రోజుకు రూ.9 లక్షల ఆదాయం, లగ్జరీ లైఫ్.. యువకుడి సంపాదన చూసి పోలీసులు షాక్ – mba bootlegger made rs 9 lakh per day; drove luxury car & sports bike in bihar

0
18


సంపూర్ణ మద్యపాన నిషేధాన్ని ఆసరగా తీసుకుని.. ఓ ఎంబీఏ విద్యార్ధి గుట్టుచప్పుడు కాకుండా మద్యం విక్రయిస్తూ బిహార్‌లో పట్టుబడ్డాడు. నిందితుడు అతుల్ సింగ్ ఈ వ్యాపారంలో రోజుకు రూ.9 లక్షల మేర ఆదాయం సంపాదిస్తూ, విలాసవంతమైన జీవితం గడుపుతున్నట్టు గుర్తించారు. అరెస్ట్ సందర్భంగా అతడి వద్ద లగ్జరీ కారు, ఐఫోన్‌లు,రూ.8 లక్షల రూపాయల విలువైన స్పోర్ట్స్ బైక్‌ స్వాధీనం చేసుకున్నారు. పట్నాలోని పత్రాకార్‌నగర్ పోలీస్ స్టేషన్ పరిధిలో అద్దెకు ఓ ఇంటిని తీసుకుని ఈ అక్రమ మద్యం వ్యాపారాన్ని నిర్వహిస్తున్నాడు.

గురువారం రాత్రి ఆ ఇంటిపై బిహార్ ఎక్సైజ్ అధికారులు దాడిచేసి రూ.21 లక్షల విలువైన 1,100 లీటర్ల మద్యాన్ని స్వాధీనం చేసుకున్నారు. నిందితుడు అతుల్ సింగ్ రోజుకు రూ.9 లక్షల విలువైన అక్రమ మద్యాన్ని విక్రయిస్తున్నట్టు పత్రకార్‌నగర్ పోలీస్ స్టేషన్ అధికారి మనోరంజన్ భారతి తెలిపారు. అతడి వద్ద నుంచి బ్యాంకు పాస్‌బుక్‌తో పాటు సంబంధిత పత్రాలను పోలీసులు చేజిక్కించుకున్నారు.

పట్నా సమీపంలోని అల్వాల్‌పూర్ గ్రామానికి చెందిన అతుల్ సింగ్ (28) విచారణలో ఆసక్తికర విషయాలను వెల్లడించాడు. నిరుద్యోగ యువత ద్వారా నగరంలోని అన్ని ప్రాంతాలకు మద్యాన్ని సరఫరా చేస్తున్నట్టు తెలిపారు. 30 నుంచి 40 మంది ద్వారా కస్టమర్లకు డోర్ డెలివరీ చేస్తున్నట్టు పేర్కొన్నాడు. అతుల్ సహచరులు ఇంద్రజిత్ సింగ్, సంజీవ్ కుమార్‌లను అరెస్ట్ చేయడంతో అతడి భాగోతం బయటపడింది. నోయిడాలోని ప్రముఖ యూనివర్సిటీలో ఎంబీఏ చదువుతున్నట్టు ఐడీ కార్డ్ చూపించి, పోలీసులను తప్పుదోవ పట్టించడానికి ప్రయత్నించాడు. అయితే, పోలీసులు తగిన రుజువులు చూపడంతో మద్యం విక్రయిస్తున్నట్టు ఒప్పుకున్నాడు.

రైడింగ్ సమయంలో రూ.1.75 లక్షల నగదు కూడా లభించింది. గత మూడు నెలలుగా అతుల్ ఈ దందా కొనసాగిస్తున్నట్టు పోలీసులు తెలిపారు. అతుల్‌కు మద్యం సరఫరా చేసే వైశాలికి చెందిన నలుగురు స్మగ్లర్లను అరెస్ట్ చేశారు. అతుల్ ఇంట్లో బ్లాక్ డాగ్, ఆఫీసర్ ఛాయిస్, మెక్‌డాల్, 100 పైపర్స్, బ్లెండర్స్ ప్రైడ్, కింగ్ ఫిషర్, ఓల్డ్ మంక్, రాయల్ స్టాగ్, ఇంపీరియల్ బ్లూ బ్రాండ్ మద్యం లభించింది.

LEAVE A REPLY

Please enter your comment!
Please enter your name here