bihar liquor ban: తాగి దొరికారో.. ఉద్యోగం ఫట్, సీఎం నితీశ్ హెచ్చరిక – if cops found drinking liquor, immediate dismissal, warns bihar cm nitish kumar

0
29


ద్యం తాగి దొరికితే ఇక అంతే.. ఉద్యోగం ఫట్.. బిహార్ ముఖ్యమంత్రి నితీశ్ కుమార్.. పోలీసులను ఉద్దేశించి చేసిన హెచ్చరిక ఇది. రాష్ట్రంలో విధించిన సంపూర్ణ మద్య నిషేధాన్ని పటిష్టంగా అమలు చేయాలని బిహార్‌ ముఖ్యమంత్రి నిర్దేశించారు. దాన్ని అమలు చేయాల్సిన అధికారులుగా పోలీసులు మరింత జాగ్రత్తగా ఉండాలని సూచించారు. పోలీసులు కూడా మద్యం తాగకూడదని స్పష్టం చేస్తూ బిహార్ ప్రభుత్వం ఉత్తర్వులు జారీ చేసింది. విధుల్లో నిర్లక్ష్యంగా వ్యవహరిస్తే, కఠిన చర్యలు తప్పవని హెచ్చరించారు.

బిహార్‌ సీఎం నితీశ్ కుమార్ 2016లో రాష్ట్రంలో సంపూర్ణ మధ్య నిషేధం అమల్లోకి తీసుకొచ్చారు. మద్య నిషేధాన్ని పక్కాగా అమలు చేయడానికి పలు చర్యలు తీసుకున్నారు. గ్రామాల్లో మద్యపాన నిషేధం అమలు చేసే బాధ్యతను చౌకీదార్లకు అప్పగించారు. గ్రామంలో ఎవరైనా మద్యం విక్రయిస్తూ దొరికితే దానికి బాధ్యులుగా చౌకీదారులపై చర్యలు తీసుకోవాలనే ఆదేశాలు ఉండటంతో మద్య నిషేధం పక్కాగా అమలవుతోంది.

కానీ, మద్య నిషేధాన్ని పకడ్బందీగా అమలు చేయాల్సిన పోలీసులు, ఎక్సైజ్ శాఖ అధికారులే మందు తాగుతూ పట్టుబడిన ఘటనలు తరచూ వెలుగులోకి వస్తున్నాయి. దీంతో సీఎం నితీశ్ కుమార్ మరిన్ని చర్యలకు ఉపక్రమించారు. సంపూర్ణంగా మద్యం నిషేధంలో భాగంగా పోలీసులపై కూడా చర్యలు తీసుకోనున్నట్లు ప్రకటించారు.

పోలీసులు ఎవరైనా మద్యం తాగి విధుల్లోకి వచ్చినట్లు తేలితే, వారిని శాశ్వతంగా ఉద్యోగం నుంచి తొలగించాలని సీఎం నితీశ్‌ కుమార్ ఆదేశించారు. అదేవిధంగా పోలీసులు ఎవరైనా విధుల్లో ఉండి, తాగినట్లు దొరికితే వారిని తక్షణమే డిస్మిస్ చేయాలని అధికారులకు ఆదేశించారు. ఇప్పటికే 400 మంది పోలీసులపై చర్యలు తీసుకున్నారు.

బిహార్ పోలీసులందరూ తాము మద్యం తాగబోమని ప్రతిజ్ఞ చేయాలని నెల కిందటే రాష్ట్ర ప్రభుత్వం ఆదేశాలు జారీ చేసింది. పోలీసులు ప్రతిజ్ఞ కూడా చేశారు. అయినప్పటికీ కొంత మంది పోలీసు సిబ్బంది మద్యం తాగి పట్టుబడటంతో సీఎం నితీశ్ కుమార్ తాజా నిర్ణయం తీసుకున్నారు.

LEAVE A REPLY

Please enter your comment!
Please enter your name here