Bhiwandi building collapse: భీవండిలో కూలిన భవనం… శిథిలాల కింద ఎనిమిది మంది – building collapses eight feared trapped at bhiwandi thane district

0
23


ప్రధానాంశాలు:

  • భీవండిలో కూలిన భవనం
  • శిథిలాల కింద చిక్కుకున్న ఎనిమిది మంది
  • రంగంలోకి దిగిన ఎన్డీఆర్ఎఫ్ సిబ్బంది

మహారాష్ట్రలోని థానే జిల్లాలోని భవనం కూలింది. భీవండి పట్టణంలో ఉన్న భవనం ఒక్కసారిగా కుప్పకూలింది. ఇందులో ఎనిమిది మంది చిక్కుకున్నట్లు తెలుస్తోంది. పట్టణంలో వాణిజ్య సముదాయంలో భవనం కూలిపోవడంతో అందులో ఎనిమిది మంది చిక్కుకున్నట్లు పౌర అధికారి తెలిపారు. మంకోలి నాకాలోని హరిహర్‌ కాంపౌండ్‌లో ఉదయం 10.30గంటల సమయంలో గోడౌన్‌గా ఉన్న భవనం కూలిపోయిందని థానే పౌర సంఘం ప్రాంతీయ విపత్తు నిర్వహణ సెల్ చీఫ్ సంతోష్ కదమ్ తెలిపారు.

గోడౌన్‌లో పని చేస్తున్న ఏడు నుంచి ఎనిమిది మంది శిథిలాల కింది చిక్కుకున్నారని ఆయన తెలిపారు. రెస్క్యూ ఫోర్స్‌, విపత్తు నిర్వహణ సెల్‌, భీవండి, థానేకు చెందిన అగ్నిమాపక సేవల అధికారులు సంఘటనా స్థలానికి చేరుకున్నారని చెప్పారు. వారు జాతీయ విపత్తు ప్రతిస్పందన దళం (ఎన్‌డీఆర్‌ఎఫ్) సహాయం కోరినట్లు చెప్పారు. ప్రస్తుతం సహాయక చర్యలు జరుగుతున్నాయని పేర్కొన్నారు. శిథిలాల కింద చిక్కుకున్నవారిని సురక్షితంగా బయటకు తీసేందుకు సహాయక సిబ్బంది ప్రయత్నిస్తున్నారు. అటు అధికారులు కూడా దగ్గరుండి ఈ పనుల్ని పర్యవేక్షిస్తున్నారు.

LEAVE A REPLY

Please enter your comment!
Please enter your name here