bharat biotech fact sheet: అలాంటి వాళ్లు కొవాగ్జిన్ తీసుకుంటే తీవ్ర దుష్ప్రభావం.. భారత్ బయోటెక్ కీలక ప్రకటన – who shouldn’t take covaxin shot? bharat biotech explains amid concerns

0
27


దేశంలో కరోనా వైరస్ టీకా పంపిణీ ప్రక్రియ తొలి దశ కొనసాగుతోంది. మూడు రోజుల్లో 3.8 లక్షల మంది టీకా తీసుకున్నారు. ఇదిలా ఉండగా.. మూడో దశ క్లినికల్ ట్రయల్స్ కొనసాగుతున్న భారత్ బయోటెక్ టీకా కొవాగ్జిన్‌కు అత్యవసర వినియోగం కింద అనుమతులు లభించాయి. ఈ నేపథ్యంలో తాము అభివృద్ధి చేసిన టీకాను ఎవరు తీసుకోరాదనే విషయాలను తెలియజేస్తూ భారత్ బయోటెక్ ఓ ఫ్యాక్ట్ – షీట్‌ను మీడియాకు విడుదల చేసింది.

కరోనా టీకా తీసుకున్న వారిలో దాదాపు 580 మంది తీవ్రమైన దుష్ప్రభావాలకు గురికాగా, ఇద్దరు మరణించిన సంగతి తెలిసిందే. ఈ నేపథ్యంలో టీకాకు ఎవరు దూరంగా ఉండాలన్న విషయాన్ని భారత్ బయోటెక్ ప్రకటించింది. గతంలో అలర్జీలు ఉన్నవారు, రక్త హీనత, గర్భవతులు, బిడ్డలకు పాలిచ్చే తల్లులు, తీవ్రమైన ఆనారోగ్య సమస్యలు ఉన్నవారు కొవాగ్జిన్‌ను తీసుకోవద్దని సూచించింది.

ఇదే సమయంలో కొవాగ్జిన్ కాకుండా ఇతర కోవిడ్ టీకా తీసుకున్న వారు, శరీరంలోని వ్యాధి నిరోధక శక్తిపై ప్రభావం చూపించే ఔషధాలను వాడుతున్న వారు, జ్వరంతో బాధపడుతున్న వ్యక్తులు కూడా టీకాకు దూరంగా ఉండాలని పేర్కొంది. కీమోథెరపీ చేయించుకునే కేన్సర్ రోగులు, స్టెరాయిడ్ ఔషధాలను తీసుకునే హెచ్ఐవీ బాధితులు కూడా కోవిడ్ టీకా తీసుకోరాదని తెలిపింది.

ఇక వ్యాక్సిన్ తీసుకునే ముందు తమ మెడికల్ హిస్టరీని గురించి వైద్యులకు, వ్యాక్సిన్ ఆఫీసర్ లకు తప్పనిసరిగా తెలియజేసి, వారి సలహా, సూచనల మేరకు నడచుకోవాలని కోరింది. పైన పేర్కొన్న వ్యక్తులు టీకా తీసుకుంటే తీవ్ర దుష్ప్రభావాలు ఉంటాయని హెచ్చరించింది. శ్వాస తీసుకోవడంలో ఇబ్బంది, ముఖం, గొంతు వాపు, గుండె వేగంగా కొట్టుకోవడం, శరీరమంతా దద్దుర్లు, మైకం, నీరసం ఉంటాయని తెలిపింది.

నొప్పి, వాపు, దురద, ఒళ్లు నొప్పులు, తలనొప్పి, జ్వరం, నీరసం, వికారం, వాంతులు, అనారోగ్యం వంటి లక్షణాలను ఫ్యాక్ట్-షీట్‌లో తెలిపింది. వీటితో పాటు ‘అదనంగా, కోవాక్సిన్ తీవ్రమైన అలెర్జీ ప్రతిచర్యకు కారణమయ్యే అవకాశం ఉంది. ఈ కారణంగా, టీకా తర్వాత పర్యవేక్షణ కోసం వ్యాక్సిన్‌ తీసుకున్న కేంద్రంలో 30 నిమిషాల పాటు తప్పనిసరిగా ఉండాలని మీ టీకా ప్రొవైడర్ అడుగుతుంది’ అని పేర్కొంది.

LEAVE A REPLY

Please enter your comment!
Please enter your name here