Bhagat Singh Koshyari: గవర్నర్‌కు షాక్.. వీవీఐపీ విమానంలో ప్రయాణానికి సీఎం అనుమతి నిరాకరణ! – maharashtra cm uddhav thackeray says no to governor koshyari for use of vvip aircraft

0
33


ప్రధానాంశాలు:

  • మహారాష్ట్ర గవర్నర్‌ కోష్యారీకు ఘోర అవమానం.
  • వీవీఐపీ విమానంలో ప్రయాణానికి అనుమతి నిరాకరణ.
  • విమానంలో వేచిచూసి దిగిపోయిన గవర్నర్.

మహారాష్ట్ర ప్రభుత్వం, గవర్నర్ భగత్ సింగ్ కోష్యారీ మధ్య వివాదం గురువారం అనూహ్య మలుపు తిరిగింది. ఉత్తరాఖండ్ పర్యటనకు రాష్ట్ర ప్రభుత్వ విమానంలో ప్రయాణించడానికి గవర్నర్ నిరాకరించారు. అయితే, దీనికి సీఎం చివరి నిమిషంలో అనుమతి ఇవ్వడమే కారణం. ప్రత్యేక వీవీఐపీ విమానంలో ప్రయాణానికి మహారాష్ట్ర ముఖ్యమంత్రి ఉద్ధవ్ ఠాక్రే నుంచి అనుమతి రాకపోవడంతో ప్రయివేట్ ఎయిర్‌లైన్స్‌లో వెళ్లాలని గవర్నర్ నిర్ణయం తీసుకున్నట్టు ఏవియేషన్ వర్గాలు తెలిపాయి.

గురువారం ఉదయం 9 గంటల ప్రాంతంలో ప్రభుత్వ సెస్నా సైటేషన్ XLS విమానం కోసం ముంబయి విమానాశ్రయంలోని జనరల్ ఏవియేషన్ టెర్మినల్‌కు గవర్నర్ భగత్ సింగ్ కోష్యారీ, ఆయన సిబ్బంది చేరుకున్నారు.

‘ఇదిలా ఉండగా ఒక వారం కిందట గవర్నర్ కార్యక్రమానికి సంబంధించి షెడ్యూల్‌ను రాజ్‌భవన్ రాష్ట్ర పౌర విమానయాన విభాగానికి పంపింది. ప్రోటోకాల్ ప్రకారం.. దీనికి ఆమోదం కోసం ముఖ్యమంత్రి కార్యాలయానికి పంపారు’ అని విశ్వసనీయ వర్గాలు తెలిపాయి. (రాష్ట్రానికి గవర్నర్ అధిపతి అయినా విమాన ప్రయాణానికి అనుమతి మాత్రం ముఖ్యమంత్రి ఆమోదం అవసరం.. చివరి నిమిషంలో ముఖ్యమంత్రి ఆమోదం తెలపడంతో గవర్నర్, ఆయన సిబ్బంది సాధారణ విమానంలో వెళ్లాలని నిర్ణయించారు’ అని పేర్కొన్నారు.

దీనిపై రాష్ట్ర పౌర విమానయాన విభాగం అధికారులు స్పందిస్తూ.. ఇందులో తమ జాప్యం లేదని పేర్కొన్నారు. విమానంలో ప్రయాణించడానికి ముఖ్యమంత్రి అనుమతి లాంఛనప్రాయం మాత్రమే.. అయినప్పటికీ, పలుసార్లు ప్రయత్నించినా సీఓఎం నుంచి ఎటువంటి స్పందన లేకపోవడంతో సాధారణ విమానంలో వెళ్లిపోయారు’ అని ఓ అధికారి తెలిపారు.

‘సైటేషన్ ఎక్స్‌ఎల్‌ఎస్ సిబ్బంది టెర్మినల్ లాంజ్‌కు వెళ్లేసరికి గవర్నర్ అక్కడ నుంచి వెళ్లిపోయారు… గవర్నర్ ప్రత్యేక విమానంలో వెళ్లడం ఇదే మొదటిసారి.. ముఖ్యమంత్రి ఆమోదం కోసం అధికారుల ప్రయత్నాలు ఫలించలేదు’ అని పేర్కొన్నాయి. గవర్నర్ కోష్యారి విమానంలో సుమారు 15 నిమిషాలు కూర్చున్నారు.. ఈ సమస్య గురించి తెలియడంతో విమానం దిగి తిరిగి లాంజ్‌లోకి వెళ్లారు.. ఎయిర్‌లైన్ విమానంలో డెహ్రాడూన్ వెళ్లాలని నిర్ణయించుకున్నారు’అని ఆ వర్గాలు తెలిపాయి.

ముంబయి నుంచి డెహ్రాడూన్‌కు రోజూ నాలుగు విమానాలు నడుస్తున్నాయి. ఇందులో రెండు ఉదయం 8 గంటల్లోపు బయలుదేరుతాయి. దీంతో మధ్యాహ్నం 12.15, 3.45 గంటలకు బయలుదేరే స్పైస్‌జెట్, ఇండిగో విమానంలో ఏదో ఒకదాంట్లో ప్రయాణించాలని నిర్ణయించుకున్నట్టు తెలిసిందే. ఇదిలా ఉండగా దీనిపై సీఎంఓ ఇంత వరకూ స్పందించలేదు. మరోవైపు, ప్రతిపక్ష బీజేపీ విమర్శలు మొదలుపెట్టింది.

LEAVE A REPLY

Please enter your comment!
Please enter your name here