bengaluru male nurse: లేడీ డాక్టర్ దుస్తులు మార్చుకుంటుంటే.. మేల్ నర్సు పాడుపని! – male nurse secretely films woman doctor changing clothes in bengaluru

0
17


పరేషన్ థియేటర్‌కు వెళ్లే ముందు డాక్టర్లు తమ దుస్తులు మార్చుకోవడం సర్వసాధారణం. బెంగళూరులో ఓ యువ వైద్యురాలు (28 ఏళ్లు) ఇలాగే ఛేంజింగ్ రూమ్‌లోకి వెళ్లి షాక్‌కు గురైంది. బట్టలు మార్చుకొని తిరిగొస్తుండగా గదిలో ఓ మూలన ఫ్లాష్ లైట్ వెలిగింది. ఏంటా అని పరీక్షించి చూడగా అక్కడ ఓ మొబైల్ ఫోన్ రికార్డింగ్ మోడ్‌లో ఉంది. ఆ ఫోన్ ఓపెన్ చేసి చూడగా.. ఆమె దుస్తులు మార్చుకున్న దృశ్యాలు అందులో రికార్డయ్యాయి. బెంగళూరులోని ఓ ప్రముఖ ఆస్పత్రిలో శుక్రవారం (ఫిబ్రవరి 19) ఈ ఘటన చోటు చేసుకుంది.

ఆందోళనకు గురైన వైద్యురాలు వెంటనే ఆ విషయం గురించి తోటి వైద్యురాళ్లు, అక్కడి మహిళా సిబ్బందిని ఆరా తీశారు. వారందరూ ఆ ఫోన్ తమది కాదని చెప్పడంతో ఆందోళన పెరిగింది. దీంతో హాస్పిటల్ యాజమాన్యానికి ఫిర్యాదు చేశారు. విచారణలో ఆ ఫోన్ 31 ఏళ్ల మేల్ నర్సుదిగా తేలింది.

బెంగళూరులోని సంజయ్ గాంధీ ఇన్‌స్టిట్యూట్ ఆఫ్ ట్రామా అండ్ ఆర్థొపెడిక్స్ ఆస్పత్రిలో తాత్కాలిక ప్రాతిపదికన నర్సుగా పనిచేస్తున్న మరుతీశా (31) తన నీచ బుద్ధిని ప్రదర్శించాడు. అతడి ఫోన్‌ను పరిశీలించి చూడగా మరిందరు మహిళా డాక్టర్లు, నర్సుల వీడియోలు లభించాయి. రీసైక్లిబిన్ నుంచి మరిన్ని వీడియోలను వెలికితీశారు. షాకింగ్ విషయం ఏమిటంటే.. నిందితుడు కొన్ని నెలలుగా రహస్యంగా ఆ వీడియోలను చిత్రీకరిస్తున్నాడు.

ఆ వీడియోలను ఏం చేస్తున్నాడు..?
హాస్పిటల్ డైరెక్టర్ డాక్టర్ చంద్రశేఖర్ ఇచ్చిన ఫిర్యాదుతో పోలీసులు విచారణ ప్రారంభించారు. నిందితుడిని అదుపులోకి తీసుకొని ప్రశ్నించారు. నెలల తరబడి రహస్యంగా మహిళా డాక్టర్లు, వైద్య సిబ్బంది వీడియోలను రహస్యంగా చిత్రీకరిస్తున్న మరుతీశ.. ఆ తర్వాత వాటిని ఏం చేస్తున్నాడనేది ప్రధాన అనుమానం. వాటిని ఇంటర్నెట్‌లో అప్‌లోడ్ చేశాడా? లేదా ఇంకెవరికైనా షేర్ చేశాడా? అనే కోణంలో పోలీసులు విచారించారు. ఈ క్రమంలో నిందితుడి తీరు గురించి తెలుసుకొని నివ్వెరపోయారు.

మహిళా డాక్టర్లు, వైద్య సిబ్బంది దుస్తులు మార్చుకుంటుండగా రహస్యంగా ఫోన్లో చిత్రీకరిస్తున్న మరుతీశ.. ఆ వీడియోలను ఎవరితోనూ పంచుకోలేదు. ఎక్కడా అప్‌లోడ్ చేయడం గానీ, స్టోర్ చేయడం గానీ చేయలేదు. చూసిన వెంటనే ఆ వీడియోలను డిలీట్ చేస్తున్నాడు. అతడికి ఇదేం పాడుబుద్ధో..? వీడియోలను డిలీట్ చేసిన తర్వాత మళ్లీ కొత్త వాటిని రికార్డు చేసి చూస్తున్నాడు. రోజూ అలా పైశాచిక ఆనందం పొందుతున్నాడు.

నర్సు మరుతీశపై లైంగిక వేధింపులు, ఆధారాలు మాయం చేయడం తదితర సెక్షన్ల కింద కేసు నమోదు చేసినట్లు పోలీసులు తెలిపారు. అతడికి తగిన శిక్ష పడేవిధంగా చర్యలు తీసుకుంటామని చెప్పారు.

LEAVE A REPLY

Please enter your comment!
Please enter your name here