BB3 Title: Balakrishna: బోయపాటి, బాలయ్య ఫిక్సయ్యారిలా.. BB3కి ఆసక్తికర టైటిల్! – balakrishna upcoming movie title fix and boyapati srinu decided as

0
616


బాలకృష్ణ, బోయపాటి శ్రీను కాంబినేషన్‌లో రాబోతున్న కొత్త సినిమాపై ఓ రేంజ్ అంచనాలు పెట్టుకుంది ప్రేక్షకలోకం. వీరిద్దరిదీ సక్సెస్‌ఫుల్ కాంబో కావడం, పైగా ”సింహా, లెజెండ్” లాంటి భారీ హిట్ల తర్వాత ఇద్దరి కాంబోలో వస్తున్న హాట్రిక్ మూవీ కావడంతో ఈ మూవీ కోసం కళ్ళలో ఒత్తులు వేసుకొని ఎదురు చేస్తున్నారు బాలయ్య ఫ్యాన్స్. ఇప్పటికే కొంతభాగం షూటింగ్ జరుపుకున్న ఈ మూవీ కరోనా కారణంగా వాయిదా పడింది. అతి త్వరలో తిరిగి షూటింగ్ స్టార్ట్ చేయాలని ప్లాన్ చేస్తున్నారు బోయపాటి శ్రీను. ఇంతలో మూవీ టైటిల్ గురించిన ఓ ఆసక్తికర వార్త బయటకొచ్చింది.

ఇటీవలే BB3 పేరుతో ఫస్ట్‌లుక్, ఫస్ట్ రోర్ రిలీజ్ చేసి నందమూరి అభిమానులను హుషారెత్తించిన మేకర్స్.. ఈ మూవీ కోసం పవర్‌ఫుల్ టైటిల్ పరిశీలనలో పెట్టారట. బాలయ్య సినిమా అంటే టైటిల్ క్రేజ్ కూడా మూవీకి కీలకం కాబట్టి ‘మోనార్క్’ అనే టైటిల్ ఫిక్స్ చేశారని టాక్ వచ్చింది. ఆ తర్వాత నందమూరి అభిమానులకు కిక్కిచ్చేలా ‘డేంజర్’ అనే టైటిల్ ఫైనల్ చేయాలని చిత్ర యూనిట్ భావిస్తున్నట్లు ఫిలిం నగర్‌లో చర్చలు వినిపించాయి. ఆ వెంటనే ‘సూపర్ మ్యాన్’ కూడా లైన్ లోకి వచ్చింది. కానీ తాజా సమాచారం మేరకు ఆ మూడు కాకుండా చిత్రానికి ‘టార్చ్‌బేరర్’ అనే డిఫరెంట్ టైటిల్ ఫిక్స్ చేశారని తెలుస్తోంది.

Also Read: దేశం విలువైన వజ్రాన్ని కోల్పోయింది: ప్రణబ్ మృతికి చిరంజీవి సహా సినీ ప్రముఖుల సంతాపం

ఈ ‘టార్చ్‌బేరర్’ ఎక్కడో విన్నాం అనుకుంటున్నారు కదూ!. అదేనండీ ‘అరవింద సమేత వీరరాఘవ’ చిత్రంలో ఎన్టీఆర్ గురించి మాట్లాడుతూ రావు రమేష్ చెప్పే డైలాగ్ ఇది. ఇక బోయపాటి సినిమా అంటే పవర్‌ఫుల్ డైలాగ్స్‌తో పాటు బాలయ్య క్యారెక్టర్ ఎంత పదునుగా ఉంటుందో గత సినిమాలతోనే రుజువు చేశారు. ఈ క్రమంలోనే ఈ మూవీలో కూడా బాలకృష్ణ మేకోవర్, క్యారెక్టర్ డిజైన్ థియేటర్లను హోరెత్తించడం ఖాయం అని అంటున్నారు.

బాలయ్య కెరీర్‌లో 106వ సినిమాగా తెరకెక్కుతున్న ఈ చిత్రాన్ని మిర్యాల ర‌వీంద‌ర్‌రెడ్డి నిర్మిస్తున్నారు. థమన్ బాణీలు కడుతున్నారు. చిత్రంలో బాలయ్య మేకోవర్ సరికొత్తగా ఉంటుందని, ఆయన అఘోరాగా కనిపించనున్నారని సమాచారం. మరోవైపు ఈ మూవీలో బాలయ్య సరసన హీరోయిన్‌గా ఓ ముంబై మోడల్‌ని ఫైనల్ చేశారని టాక్.

LEAVE A REPLY

Please enter your comment!
Please enter your name here