apsara rani: పటాకా రాణి అప్సర రాణి.. లైఫ్ లాంగ్ గుర్తుండేలా ఆమెతో! ఐటెం భామపై డైరెక్టర్ కామెంట్స్ – apsara rani will screen share with gopichand in siteemar item song

0
27


ప్రధానాంశాలు:

  • గోపీచంద్, తమన్నా హీరోహీరోయిన్లుగా ‘సీటీమార్’
  • ఐటెం సాంగ్ కోసం అప్సర రాణి
  • మణిశర్మ బాణీల్లో ఫాస్ట్ బీట్ సాంగ్

అప్సర రాణి.. చెప్పుకోదగ్గ సినిమా ఏదీ లేకపోయినా ప్రస్తుతం ఈ బ్యూటీ గురించి తెలియని ప్రేక్షకుడు లేడని చెప్పడంలో అతిశయోక్తి లేదు. కేవలం అందాల ఆరబోతతో ఆ రేంజ్ క్రేజ్ కొట్టేసిన అప్సర.. రామ్ గోపాల్ వర్మ రూపొందించిన ‘థ్రిల్లర్’ మూవీతో పాపులారిటీ సంపాదించి తెలుగు దర్శకనిర్మాతల చూపు తన వైపు తిప్పుకుంది. ఈ క్రమంలోనే రీసెంట్‌గా వచ్చిన రవితేజ ‘క్రాక్’ సినిమాలో ఐటెం సాంగ్ చేసే ఛాన్స్ దొరికింది. ఈ సాంగ్‌లో ముద్దుల సౌండ్‌తో యువతకు పిచ్చెక్కించిన ఈ హాట్ బ్యూటీ.. తాజాగా మరో ఐటెం సాంగ్‌లో చిందులేసే అవకాశం పట్టేసింది. తాజాగా ఈ విషయాన్ని డైరెక్టర్ సంపత్ నంది కన్ఫర్మ్ చేస్తూ ఇంట్రెస్టింగ్ కామెంట్స్ చేశారు.

మాచో స్టార్ గోపీచంద్‌ హీరోగా మాస్‌ డైరెక్టర్‌ సంపత్‌ నంది దర్శకత్వంలో ‘సీటీమార్’ అనే సినిమా రూపొందుతున్న సంగతి తెలిసిందే. వైవిద్యభరితమైన కథాంశంతో శ్రీనివాసా సిల్వర్‌ స్క్రీన్‌ పతాకంపై ప్రొడక్షన్‌ నెం.3గా రూపొందుతున్న ఈ సినిమాలో గోపీచంద్ సరసన తమన్నా హీరోయిన్‌గా నటిస్తోంది. మణిశర్మ బాణీలు కడుతున్నారు. స్పోర్ట్స్ నేపథ్యంలో తెలుగు తెరపై గతంలో ఎన్నడూ చూడని సన్నివేశాలతో ఈ మూవీ రూపొందిస్తున్న సంపత్ నంది.. చిత్రంలోని పాటలపై స్పెషల్ ఫోకస్ పెట్టారట. ఇందులో భాగంగానే థియేటర్స్ దద్దరిల్లే ఐటెం సాంగ్ ప్లాన్ చేసి అప్సర రాణిని రంగంలోకి దించుతున్నారు.
జోరుమీదున్న నితిన్.. ఆరంభంలోనే హవా! మరో సినిమా రిలీజ్ డేట్ అనౌన్స్
తాజాగా ‘సీటీమార్’ సినిమా కోసం అప్సర రాణితో ఐటెం సాంగ్ షూట్ చేయబోతున్నామని పేర్కొంటూ డైరెక్టర్ సంపత్ నంది ట్వీట్ చేశారు. ”పటాకా రాణి అప్సర రాణికి వెల్‌కమ్.. సీటీమార్ సినిమాలో ఈమెతో చేయబోయే ఐటెం సాంగ్ అందరికీ లైఫ్ లాంగ్ గుర్తుంటుందని నమ్మకంగా చెబుతున్నా” అని ఆయన పేర్కొన్నారు. ఇప్పటికే షూటింగ్ పార్ట్ ఫినిష్ చేసిన ఆయన, ఇక అప్సరతో ఐటెం సాంగ్ షూట్ చేయనున్నారట. మంచి మసాలా పాటగా ఈ సాంగ్ తెలుగు ప్రేక్షకులను హుషారెత్తించబోతుందట.

LEAVE A REPLY

Please enter your comment!
Please enter your name here