Anchor Ravi: ఎన్టీఆర్ నన్ను చూసి ‘బాగున్నారా’ అని అడిగారు.. చాలా కంగారు పడ్డా: యాంకర్ రవి – jr ntr asked me bagunara, anchor ravi fanboy moment

0
17


ప్రధానాంశాలు:

  • సైబరాబాద్‌ ట్రాఫిక్‌ పోలీస్‌ వార్షిక సదస్సుకు హోస్ట్‌గా రవి
  • వేదికపైకి వచ్చినప్పుడు రవిని పలకరించిన ఎన్టీఆర్
  • ఎన్టీఆర్ ట్రూ స్టార్ అంటూ యాంకర్ రవి పోస్ట్

యాంకర్ రవి ప్రస్తుతం అమితానందంలో ఉన్నారు. దీనికి కారణం తాజాగా యంగ్ టైగర్ ఎన్టీఆర్‌తో తనకు ఎదురైన అనుభవం. జూనియర్ ఎన్టీఆర్ ముఖ్య అతిథిగా విచ్చేసిన సైబరాబాద్‌ ట్రాఫిక్‌ పోలీస్‌–2021 వార్షిక సదస్సుకు యాంకర్ రవి వ్యాఖ్యాతగా వ్యవహరించారు. ఈ సదస్సులో ఎన్టీఆర్ అద్భుతమైన ప్రసంగానికి సంబంధించి చిన్న వీడియోను ఇన్‌స్టా్గ్రామ్ ద్వారా రవి షేర్ చేశారు. అలాగే, ఎన్టీఆర్‌తో తనకు ఎదురైన అనుభవాన్ని అందరితో పంచుకున్నారు. జూనియర్ ఎన్టీఆర్ తనను పలకరించారని పేర్కొన్న రవి.. ఆ రోజును తనకు తీపి గుర్తు చేశారని వెల్లడించారు. జూనియర్ ఎన్టీఆర్‌ను ‘ట్రూ స్టార్’గా రవి అభివర్ణించారు.

‘‘నా అభిమాన నటుడు జూనియర్ ఎన్టీఆర్ అతిథిగా విచ్చేసిన కార్యక్రమానికి వ్యాఖ్యాతగా వ్యవహరించడం నాకు దక్కిన గౌరవం. ఆయన ప్రసంగం అందరినీ ఆలోచింపజేసే విధంగా, భావోద్వేగంగా ఉంది. అక్కడ నేను కాస్త కంగారు పడ్డాను. ఆయన నా వైపు చూసి ‘బాగున్నారా’ అని అడిగారు. ఈరోజును నాకు తీపిగుర్తుగా చేశారు. ఎ ట్రూ స్టార్’’ అని ఇన్‌స్టాగ్రామ్ పోస్ట్‌లో రవి పేర్కొన్నారు.


గచ్చిబౌలిలోని సంధ్యా కన్వెన్షన్‌లో బుధవారం జరిగిన ఈ సదస్సులో ఎన్టీఆర్ మాట్లాడుతూ అత్యంత ప్రమాదకర కరోనాకు వ్యాక్సిన్‌ ఉంది కానీ రోడ్డు ప్రమాదాలకు ఎలాంటి వ్యాక్సిన్ లేదని అన్నారు. ‘‘ఇంట్లోంచి బయటకు వెళ్లే ముందు ఒకసారి మీ కోసం ఎదురుచూసే భార్య, తల్లిదండ్రులు, పిల్లలను గుర్తుంచుకోండి. దేవుడు అన్ని చోట్లా ఉండడు. అందుకే తల్లిదండ్రులు ఉన్నారు. అలాగే విద్యనేర్పిన గురువులను, దేశ సరిహద్దుల్లో పహారాకాసే సైనికులను, దేశం లోపల పహారా కాస్తున్న పోలీసుల సేవలను గుర్తించాలి’’ అని ఎన్టీఆర్ వెల్లడించారు. రోడ్డు ప్రమాదాల కారణంగా తన అన్నయ్యను, తండ్రిని కోల్పోయిన విషయాన్ని ఇక్కడ ఎన్టీఆర్ ప్రస్తావించారు.


ఇదిలా ఉంటే, ఎన్టీఆర్ మళ్లీ బుల్లితెరపైకి రాబోతున్నారు. పాపులర్ గేమ్ షో ‘మీలో ఎవరు కోటీశ్వరుడు’ బ్రాండ్ న్యూ సీజన్‌ను ఎన్టీఆర్ హోస్ట్ చేయబోతున్నారు. గతంలో ఈ షోను నాగార్జున, చిరంజీవి హోస్ట్ చేశారు. ఎన్టీఆర్ ఇప్పటికే బిగ్ బాస్ తెలుగు తొలి సీజన్‌ను హోస్ట్ చేసి వహ్వా అనిపించుకున్నారు. ఇప్పుడు ‘మీలో ఎవరు కోటీశ్వరుడు’ ద్వారా మరోసారి స్మాల్ స్క్రీన్‌ను షేక్ చేయబోతున్నారు.

అనారోగ్యంతో బాధపడుతోన్న మెగా అభిమాని.. చిరంజీవి ఆర్థిక సాయం
మరోవైపు, రవి ప్రస్తుతం బిగ్ సెలబ్రిటీ ఛాలెంజ్ షోను సుమ కనకాలతో కలిసి హోస్ట్ చేస్తున్నారు. ఈ షో నెక్ట్స్ ఎపిసోడ్‌లో సెలబ్ కపుల్ వరుణ్ సందేశ్, వితికా షెరు అతిథులుగా విచ్చేస్తున్నారు. అలాగే, సంక్రాంతి స్పెషల్ షో ‘ఇట్స్ ఎ ఫ్యామిలీ పార్టీ’ని తన స్నేహితురాలు లాస్యతో కలిసి రవి హోస్ట్ చేశారు. ఈ షో ద్వారా సుమారు ఐదేళ్ల తరవాత మళ్లీ రవి, లాస్య కలిసి పనిచేశారు.

LEAVE A REPLY

Please enter your comment!
Please enter your name here