amit shah: కోర్టులో హాజరు కావాలి.. అమిత్ షాకు బెంగాల్ కోర్టు ఆదేశం – amit shah summoned by bengal court in mamata banerjee nephew sue case

0
24


బీజేపీ అగ్రనేత, కేంద్ర హోం మంత్రి అమిత్‌ షాకు పశ్చిమ బెంగాల్‌ ప్రజాప్రతినిధుల కోర్టు సమన్లు జారీ చేసింది. ఫిబ్రవరి 22న న్యాయస్థానంలో విచారణకు హాజరు కావాలని ఆదేశించింది. వ్యక్తిగతంగా గానీ, లాయర్‌ ద్వారా గానీ సోమవారం ఉదయం 10 గంటలకు కోర్టులో హాజరు కావాలని ప్రజాప్రతినిధుల కోర్టు ప్రత్యేక న్యాయమూర్తి శుక్రవారం ఆదేశించారు. తృణమూల్‌ కాంగ్రెస్‌ ఎంపీ, సీఎం మమతా బెనర్జీ మేనల్లుడు అభిషేక్‌ బెనర్జీ వేసిన పరువు నష్టం దావా కేసులో అమిత్ షాకు న్యాయస్థానం ఈ మేరకు సమన్లు జారీ చేసింది.

2018 ఆగస్టు 11న కోల్‌కతాలో జరిగిన ర్యాలీలో అమిత్ షా తన పరువుకు నష్టం కలిగించేలా వ్యాఖ్యలు చేశారని అభిషేక్‌ బెనర్జీ ఆరోపించారు. ఈ కేసు విచారణ చేపట్టిన ప్రజాప్రతినిధుల కోర్టు అమిత్ షాను న్యాయస్థానంలో హాజరుకావాల్సిందిగా పేర్కొంది. అమిత్‌ షా బెంగాల్‌ పర్యటనలో ఉండగానే ఈ ఆదేశాలు రావడం చర్చనీయాంశంగా మారింది.

రెండు రోజుల పర్యటన నిమిత్తం అమిత్ షా గురువారం బెంగాల్‌కు వచ్చారు. ఐదో విడత పరివర్తన్‌ ర్యాలీని ప్రారంభించారు. ఈ సందర్భంగా మమతా బెనర్జీ పాలనపై మండిపడ్డారు.

పశ్చిమ బెంగాల్‌లో ఏప్రిల్‌/మే నెలల్లో అసెంబ్లీ ఎన్నికలు జరుగనున్నాయి. ఈ నేపథ్యంలో బీజేపీ, టీఎంసీ మధ్య మాటలయుద్ధం పెరిగింది. బీజేపీ జాతీయ అధ్యక్షుడు జేపీ నడ్డా కోల్‌కతా పర్యటన సందర్భంగా ఘర్షణ చోటు చేసుకున్న విషయం తెలిసిందే. ఈ ఘటన అనంతరం బెంగాల్ రాజకీయాలు మరింత వేడెక్కాయి.

Also Read:బెంగాల్ మంత్రిపై బాంబు దాడి.. పక్కా ప్రణాళికతో

LEAVE A REPLY

Please enter your comment!
Please enter your name here